لاقولي حل بدي احضر فرح اخي وزوجي مو راضي

السلام عليكم
كيف الحال ان شاء الله كلكن تمام
ساعدوني يابنات فرح اخي الوحييييد على شهر ستة وزوجي مو مخليني انزل على سورية يالي هي بلدي وانا مغتربة مشان احضر الفرح وتحايلت عليه كتييير ومافي فايدة قال بدو ننزل مع بعض وهو ما بينزل بلا اهلو اي ابو وامو واخو لانو بيتسلى معهم وانا مابكون فاضيتلو لانو بدي روح لعند اهلي وقلتلو بنزل انا والاولاد عدد2 قال لأ لأ بشتقلن ما بقدر اعد بلاهم قلتلو بس اسبوعين او 10 ايام قال لالا مو محرزين وكل مرة بلاقيلي حجة شكل وشو بقلي خلاص بننزل على رمضان والعيد بقلو هاد عرس اخي الوحيد معقول ما احضرو بقلي ايه شو يعني وبيتبارد عليي وصرت كل ماافتح الموضع معه يطلع خلقو عليي وقلي بصوت عالي ماعاد بدي اسمع هلموضوع خلاص سكري وانا مدايقة كتير وحاصرة من الاسى والمشكلة كل ما بحكي مع اهلي بيسألوني اذا نازلة او لا وكلمالي بدايق وبنزعج واهلو لزوجي ما بدون ينزلو على الصيف قال شوب كتير وشو بيعرفني .عم فكر جافيه شوي لزوجي بركي بيحس فيني لانو مريت فترة طويلة وانا عم قلو ياحبيبي ويا عيني وهو كل مالو راسو عم يكبير ومابدو يسمعني ويجبر بخاطري بقى دلوني كيف بدي اقنعو لانو والله رح موت من القهر من زوجي ومن هي الشغلة انو ما احضر فرح اخي الله يخليكن لا طنشوني