لاقينا مع الخادمه ورق وجلست تصرخ

السلام عليكم

هبدأ في الموضوع على طول الخادمه عندنا اندونسيا و عندنا تقريبا من 6 شهور

امي واختي مش بيحبوها لكن انا تعاملي معاها بسيط لاني بدرس في مدينه غير

اللي فيها اهلي لكن بحسها طيبه و مسكينه لكن امي واخواتي بيتخانقوا معاها

من تصرفاتها وعشان الوقت احنا في الصيف والاجازه فانا قاعده مع اهلي

واشوف ان الخادمه طيبه لكن مع وجود بعد التصرفات الغريبه

وهي انها بتحب تعد في الضلمه كتير وورا الباب في الضلمه

المهم امي دخلت النهارده الاوضه لاقيتها ناسيه على طربيزه المكوى

ورقتين و فيهم كلام مش فاهمينه لكن مكتوب بالعربي على طريقتهم

فأمي سألتها ايد دا قعدت تصرخ وتقولها اعطيني الورق وتزق على اامي الباب

وتقولها لازم اخد الورق وبعدين قالت لامي خلاص هاتيه وانا اقرأه امي ادتهولها

كانت راحه تقطعوا لكن امي شديتوا منها رجعت تاني تقول انا عاوزه الورق ولازم

فابويا لما عرف زعقلها وقالها مفيش ورق قالتله لا لازم اخده ومارضتش تمشي

وفضلت واقفه دخلت امي خبيته في اوضتها فضلت واقفه مش عاوزه تمشي رحت

لابويا اقوله اكيد دا سحر يقولي لا دي لسه صغيره ماتعرفش الحاجات دي وشكلها

مسكين لكن انا طبعا مسوسه امي راحت سألتها قالتلها انتي كاتبه ايه في الورق

قالتلها انا كنت كاتباه من زمان لما زعقتي معايا وهاتيه وانا اقراه وانت ماسكاه

المهم امي جابته وهي قالت انها كاتبه يالله انا عاوزه اسافر عشان مدام بتقول انا

مافي اشتغل كويس بعدين انا سفر مدام ارتاح المهم ان كان فعلا مكتوب في الورق

الكلام اللي هي قالته بس معاه كلام تاني احنا مش فاهمينه المهم هي صعبت على امي

فقالتلها خلاص قطعيه وارميه وبعد كدا امي راحت فتحت شنطتها لاقيت فيها دفتر

فخدته بدون ما تقولها وتقريبا هي كاتبه في الدفتر مزكراتها وحاطه فيه صور كتير

و صور مغنين لازقاهم من مجلات زي نانسي عجرم وهيفاء و روبي و مي حريري

وكاتبه كلام كتير وتحت مي حريري كاتبه هذه تريونا اذا تزوج ان شاء الله وفي

اول الدفتر كاتبه سورة يس بس طبعا كتابتها مش صح لانه بالعربي وحاطه صورة

بوش و عرفات والشيخ زايد جنب بعض واسم الدوله تحت كل واحد وكاتبه كلام تاني

كتير بالاندونيسي بس طبعا مش فاهماه لكن في وسط الكلام لاقيت اسم ابويا واخويا

واسم اختي واسمي لكن اسم امي و اختي التانيه مش مكتوب وفي صفحه تانيه

كاتبه كلام تاني بالاندونيسي وفي وسط الكلام مدخله ايات من القران في اماكن

متفرقه يعني مثلا (فهم مقمحون) و (الم ) و تحت خالص (وجعلنا في اعناقهم اغللا)

وايات تانيه وكاتبه في معظم الدفتر اسم شخص وكاتبه انها بتحبه وحاجات كتير

وفي اول الكشكول مكتوب (تريونه حبيبة داريم) او (تريونة ج ن ي ة داريم) مش قادره

احدد لكن انا هموت من الخوف وامي وابويا واخدين الموضوع بسهوله شويه

وانا اخدت الدفتر و خبيته مش عارفه اعمل ايه