بنات ابقولكم قصتي الاربعاء الماضي والله يابنات اني بغيت افقد بنتي الله لايوريكم كروه يارب انتبهوا لعيالكم امسكوهم بيديكم اذا طلعتوا واعتبروا بقصتي الله لايعيده
القصة اني يوم الاربعاء الماضي رحت انا وزوجي عيالي لمطعم نتعشى يوم خلصنا ع الساعة 11 ونص قال زوجي روحوا اركبوا السيارة وانا ابغسل واجي قلت طيب طبعا ناديت بنتي عمرها 9 سنوات قلت يله واخذت ولدي عمره 4 سنوات ورحت للسيارة تعرفون كبيرة البنت توقعتها تمشي وراي ونزلت اللفت وركبت السيارة جا زوجي قالي وين ليان قلت معي كانت تمشي ماشفتها بالطريق قال لا نزلت من السيارة توقعتها بدورة المياة الله يكرمكم رحت مافي احد درت بالمطعم اصرخ ليان مافي احد تخيلوا يابنات صرت ادور بالمطعم كانني مجنونة انفجعت وين راحت البنت المهم دقيت ع زوجي قلت تراي مالقيت البنت تعال شف العمال طبعا شكينا بعمال المطعم وجا زوجي منفجع وصرنا نسال الناس ماشفتوا بنت كذا وكذا وصفها كلن يقول لا انا هنا انهرت صرت اصييييح بالمطعم زوجي قالي روحي للسيارة لا تصارخين عيييييت قلت لالالا وصرت امشي كاني مهبوله المهم قالواحد من العمال ترى فوق مستودع يمكن رقت فوووق طرنا فوق والعمال والناس تركوا عشاهم وصاروا يدورون معنا الوضع كلن مخيييييييييييف ولاحياة مالقيناه قال زوجي ابروح اشوف حمامات الرجال يمكن ممسوكة وانتي روحي للشارع يمكن طلعت وماشفت السيارة قلت يله وانزل ادووووور بالشارع واصرخ لياااان وييينك وربي انهرت خلاص عجزت امشي تخيلوا فقدناها الساعة 11 ونص جت 1 ونص مالقينا البنت وانا ادووور بالشارع طبعا كان ظلما وكله شقق تعرفون مكة كلها شقق والسرقات واجد المهم وانا امشي شفت عزاب بسيارتهم تخيلوا بظلما يضحكون انا قلت اكيييييييييد بنتي معهم تخيلوا دقيت الشباك عليهم قلت وين البنت خلاص كاني حسيت انها معهم قالوا وشوا ماشفنا احد زين مامسكوني انا بشارع مظلم وانا امشي لحالي آآآآآآآآآآه والله يابنات وانا اكتب اني اتراجف من شي شفته المهم كل هذا واتصالات انا وزوجي لقيته لالالامالقيته قال صاحب المطعم لازم تسوي تبليغ عاجل دق زوجي ع الشرطة وسوى تبليغ وجوا سيارات الشرطة وحوطوا المكان وقفلوا المطعم المهم قال زوجي خلاص اركبي السيارة نبي ندور حول المطعم يمكن ماشية وتاهت قلت يله وحنا نمشي بالشارع حول الساعةثنتين اخر الليل وانا فاتحة الشباك لياااان وزوجي لياااان ولا مجيب ااااااااه قعدت ادعي يان رددت يوسف لحضن يعقوب رد لي بنتي يااارب وصرت ادعي بس اني القى بنيتي سليمة وصرت خلاص ماشوف صارت الدنيا سوداااااااء غمضت عيوني ونزلت راسي وصرت ادعي واصيييح قال زوجي ارفعي راسك يابنت ودوري قلت والله ماشوف خلاص اذا فتحت كانها تتزول قدامي كانه سراب حسيت جسمي مو معي قلت خلاص انا ماعاد اشوف بس ابدعي وانت دور ربي يعلم وينه ابدعيه وبيستجيب لي المهم عمال المطع طالعين بسيارات المطعم يدورون والشرطة تدور والوضع كاااان مررروع
رجعنا للمطعم ووقفنا ساكتين مادري وش نسوي اااه ماقدر اقولكم شعوري وانا اسمع الضابط يقول طيب عطنا صورة لهاالدموع ابلغ من الوصف جيت فتحت جوالي وانا كنت توي مصورتها بالمطعم يوم شفت صورتها انهرت خلالالاص صياح وادعي ربي انه يربط ع قلبي
وقفنا عند المطعم طبعا بلا جدوى وانا خلاص حسيت اني ماراح اشوف بنتي مكة والسرقات لاحول ولا قوة الا بالله قال زوجي انا ابنزل ادور بالمطعم مرة ثااانية وانتي اكثري ن الاستغفااار نزل زوجي مسكين بغى يطيح وهو يمشي من الفجعة وبعد 5 دقايق من نزلته جا الهندي حق المطعم يطق الشباك حق السيارة وانا منزله راسي اصيح قال خلالاص لقيناه بغيت انزل اضمه من الفرحة سجدت سجود الشكر وانا بالسيارة اااه جا زوجي وهو شايله والموكب وراه عساكر وعمال المطعم والناس اللي تركوا عشاااهم يدورون معنا ويضمون زوجي ويحبون راسه من الفرحة المهم حطها زوجي بحضني وضميتها ضمة ماعمري حسيت بلذتها ولا يوم اولدها كانت نايمة قلت لزوجي وين لقتها قال لقيناه تحت الطاولة اللي تعشيتنا بها نايمة طبعا المفرش حق الطاولة طويل ولا انا داخلة المكان كثير ماشفتها والى الان ماندري كيف نامت وشكيت احد حط بانفها شي ونومها قال زوجي لاتوسوسين هي دايخة مانامت من الفجر عقب المدرسة يوم سالتها قالت انا كنت بردانه ودخلت تحت الطاوللة ودفيت مادريت اني ابناااااام
والله يابنات اني جتني رووووعة وخفقان وبرودة اطرااف بعد الفجعة عجزت اركد وصار درس امسكها بيدي ولا اخاصمها ابد لاني كنت الظهر ذاك اليوم ظربتها والله ياجاني ندم يوم فقدتها اقول كيييف اضربها وانا الحين فقدتها عاهدت نفسي ماضرب
ااااااسفة ع الهذرة بس ان شاء الله تنتبهون وتحرصون وتقرووون عليهم ولا تضربونهم ارجوكم :icon33::icon33:
*ام ليان وسليمان* @am_lyan_oslyman
عضوة نشيطة
يلزم عليك تسجيل الدخول أولًا لكتابة تعليق.
ام نواف وفهد
•
الله يعينك لوه انا كان انجنيت الحمدلله على سلامتها مسكينه ذكرتينى لطلعنا يوم الربوع عشان فيه مدارس اول مايركبون عيالى السياره على طول نوم
موقف فعلاااا يضيق الصدر الحمدلله علا سلامته والله الدنيا تخووف انا ولدي عمره ٨ مااعرف اخليه يمشي لحاله لازم تمسكه بيده الله يخليهم لنا واستودعيهم الله كل يوم وربي الحافظ
لبحمدلله على سلامتها والله عشت معتاك التفاصيل احس كاني بابكي الحمدلله
والله البزورة لازم معاك وماسكتهم مزبوط الله يهديهم بسرعة
يختفون عن نظرك
والله البزورة لازم معاك وماسكتهم مزبوط الله يهديهم بسرعة
يختفون عن نظرك
وربي حزنت عليك الله يخليلك اولادك ويصلحهم ومشكورة على التنبية بس من جد في نهاية ضحكت الله لايجعلك في موقف زي كذا مرة تانية
الصفحة الأخيرة