السلام عليكم ورحمة الله وبركاته
خواتي انا اليوم تناقشت مع زوجي وابي احد يفزع معي
يقول لي انا صح ولا خطأ من جد ماراح ازعل من الحق
بس ابي دليل ابي شي شرعي ابي حجه قويه
عشان اقتنع ولا اقنع زوجي انا مشكلتي دبشه بالعربي مااعرف اتكلم
ماعندي حجه وانسى يمكن يكون الدليل على طرف لساني وانسى اقوله
واذا خلصنا السالفه وتناقشنا اتذكر وش كنت ابقول واقول خلاص مو لازم سكرنا الموضوع
المهم خواتي سالفتي الحين
هل يجوز اني اقول لزوجي كلمة (لا)؟
يقول لا مايصير تقولين لي هالكلمه انا اي شي أقوله تطيعينه
قلت له يابن الحلال انا ماني بقره او انسان الي انا انسانه لي مشاعر واحاسيس وتفكير
لازم اناقشك شي مايعجبني مااقدر اسويه مو كل شي نعم نعم نعم سم حاضر ابشر
يقول لا الزوجه المطيعه المرأه المتربيه ماتقول لا
عجزت وانا اقنعه اذا قلت له لا الله لايوريكم والله ينقلب يصير انسان ثاني
سبحان الله طيب وحبوب وبارد وهادي بس اذا قلنا لا كأننا كفرنا
يقول انا امي عمرها ماقالت لأبوي لا ((بالله وش عرفك باللي بينهم))
ياما اشياء واشياء ابوك يطلبها من امك وهي تقول لا
انا مااحب اتكلم عن امه قدامه ابدا لأنه ممكن يعصب زياده
وانا اقدر اضرب له امثله كثيره على افعال امه تسويها واشياء تعجبها وابوه طلب عكسها لكن هي رفضت
انا مااقول انها سيئه لا بالعكس هي سوت اشياء عاديه لكن اريح لها
بس هو مايقتنع ياربيييييييييييه وكلام عن امه واهله مااتكلم مااحب اتدخل بالناس
يقول لا لا الحرمه ماتقول لا ابدا ابدا وسوى لي محاضره طويله عريضه
كل هذا عشان ايش لأنه امس كنت اشتغل بالبيت وهو قاعد عند التلفزيون والله والله والله اني جيت
وتوني قاعده ماكملت ولا 10 ثواني ويدق جواله نغمة رساله قلت له والله توني قاعده ماني قايمه اجيبه
وقلتها والله وانا مبتسمه لأني ادري انه هو ماراح يقوم لأنه متعود لو يرن جواله انا اقوم اجيبه له دايم
والحين يقول لي عيب وقلة ادب منك والله عيب تقولين لي هالكلام كيف تقولين لي والله ماني قايمه اجيبه
بالله انا صح ولا غلط ؟؟؟؟ :icon33:
يلزم عليك تسجيل الدخول أولًا لكتابة تعليق.
انتي قوليها بطريقه غير مباشره مثلا يوم دق الجوال قولي يالله والله مره تعباااانه ماصدقت اقعد قوليها بدلع صدقيني هو بيقولك لاتقومي انا بقوم يعني اللي مايعجبك قولي نفسي يكون كذا طالما مايحب تقولي لا مباشره له بكذا تكوني اخذتي اللي تبغي
من غير مايحس وهو مايزعل من ردك والله يسخره لك
من غير مايحس وهو مايزعل من ردك والله يسخره لك
المراة الذكيه هي اللي ما تقول لزوجها من حقي أقول لك( لا )
لأنهم ببساطه عقلياتهم مثل الاطفال كان كبرتي راسه أن كلمته ما يثنيها شيء وانتي تسوين اللي تبين من دون ما تقولينها صريحه !!
لأنهم ببساطه عقلياتهم مثل الاطفال كان كبرتي راسه أن كلمته ما يثنيها شيء وانتي تسوين اللي تبين من دون ما تقولينها صريحه !!
المراة الذكيه هي اللي ما تقول لزوجها من حقي أقول لك( لا ) لأنهم ببساطه عقلياتهم مثل الاطفال كان كبرتي راسه أن كلمته ما يثنيها شيء وانتي تسوين اللي تبين من دون ما تقولينها صريحه !!المراة الذكيه هي اللي ما تقول لزوجها من حقي أقول لك( لا ) لأنهم ببساطه عقلياتهم مثل الاطفال...
عين العقل
الصفحة الأخيرة
لان الرجوله عندهم تتحطم بكلمة لا وكانك تعانديه
ولكن ممكن تعبرين عنها بطريقه لطيفه وغير مباشره وبكذا يتقبلها اكثر
الله يسخركم لبعض ويسعدكم