أختي ق ص ي 100


بصرررراحة يعني وبالعقل ومن غير مجاملات وتضحيات
كل وحده فينا تحلم بليه العمر ... الي هي زفة وفستان وتسريحة وتطلع جدام الناس كلها بأحلى صورة .. وكل هذا بصوب ويوم الزفه بصوب .. كأن كل العالم واقف يزفج لليلة عرسج
يعني كم مرة الوحده بتنزف جدام العالم .. هي مرة وحده

فأنا أشوف اذا استغنيتي عنها .. صدقيني بتجييك أيام لما بتحضرين اعراس غيرج بتتحسرين

تقدرين تسوين عرس الحريم بسيط جداً .. او تحاولين مليون الف مرة مع اهلج

يعني انا مش متخيلة ان المعرس واهله واهلج يالسين في القاعة ومسوين عزيمة العرس
وانتي في البيت يالسه تشوفين التلفزيون لين تخلص الحفلة وعقب يجي وياخذج وتروحين معاه .. عيل في هذه الحالة
لا اتعبين عمرج لا فستان ولا مكياج ولا شي .. اذا محد بيسوي لج حفلة


بذمتكم وين فرحة العروس .. اصلا العرس كللللللللله عشان العروس


أقول ليش ما تسوووين حركات البنات .. تروحين عند حد من إخوانج وتنزلين لج دمعتين واذا كنتي كريمة خليهم ثلاث
وتقولين له .. يعني انا اختك الوحيده واتمنى انك تفرح قلبي في اول فرحة لي .. يعني لازم تلقين لج طريقة

حيييييها والله انا الامارات واهلها .. نحن كل شي على المعرس .. من مهر وتجهيز وحفله المعرس والعروس والتصوير والذهب وكللل شي

الله يعينج . بس هاااااااااااا لا تنسين خطة الدموع الثلاث ... صدقيني بتمشي ..

لان بصراحة البنات الي قالوا كنسلي حفلة الحريم

أباهم يحطون مكانهم مكانج وجدددددددددددددد عاااااد ما بتحسون بغصة ..


تحياتي

الروعه

هلا بأختي ياهلا والله غلاااااااا والله كلامك كله صحيح

لكن خطيره خطت الدموع>>>تبي تجربها بكرا

خخخخخخخ عاد انا اعرف لدموع التماسيح مررررررررره>>>لعبتها الصصياح

مشكوره على مرورك والله يجزاك خير وينولك اللي ببالك

الله يوفقك ويساعدك لأن موقفك احسة صعـــــــــــــــــــــــــــــــــــــــــــــــــب مرة
واتمنى انك تقولين لنا ايش توصلتي لة وانا مع البنات الدموع احيانا هي الحل جربيها وردي علينا

الله يوفقك ان شاء الله ويسعدك

:26: :26:

مممممممم حبيبتي وربي مقهوره عشانك ... أقدر أفيدك بـ فستان الزواج

عندنا بالخبر فيه شارع السويكت بتحديد .. شارع الأمير مشعل بن عبد العزيز تقاطع 6 ... فيه محلات هناك للفساتين العرايس ... جاهز وتفصيل بحدود الألفين وخمسميه و 3 ألاف

أنصحك فيه ...... أو الأجار أرخص بكثير ليلية وحده بعدين الفستان ما تستفيدين منه ... وإنتي بحاجه لكل قرش

ولا تدورين على أجار أكثر من 500 ريال ... ولو دورتي برياض أنا متأكده بتحصلين <--- بحكم إنها أقرب لك من الشرقية

بنسبة للملابس وباقي التجهيز خذي إلي يكفيك حق الشهر الأول من بعد زواجك ... وقضي شهر العسل عندنا بشرقية أو بجده .. وخصوصاً الأسواق .... وأبدئي تقضي الأشياء الباقيه معاه وخليه هو يدفع

و العزيمه أعمليها في إستراحه .... أنا ملكتي ماكلفتني 5 ألاف سويتها بإستراحه و المعازيم كانو تقريباً 400 تقريباً رجال وحريم ........ وكلهم قالو عنها ... كأنها عرس

تدرين وش حلاها وخلاها تصير مميزه قولووووووا مشاء الله و أدعولي بتوفيق في تجهيز زواجي

..... الدي جي .... جبت دي جي إسلامي بـ 1200 ريال ... وكان معاهم هديه ليزر ودخان .. بسيط وحلو وخلاني أحس أني ملكه .. خصوصاً لما جلست على الكوشه .... ولمبات كلللللها مقفله مو مفتوح إلا ثريا فوقي + الليزر + الدخان شئ خيالي

و التصوير حبيبتي ... أنصحك تعملين مثلي .... صوري لك 4 صور فوتوغرافيه بـ 250 ريال 2 لوحدك + وحده مع خطيبك الفله + وحده مع أمك فقط لا غير و الباقي يضفون وجيهههم <---- يحق لك إنتي بتدفعين <-- مقهوره الأخت

وهاذي تقدرين تتكلمين مع وحده من المصورات و تدقينها صداقه معاها في البدايه وتشرحين لها وضعك ... وأنصحك تدعين بالأول قبل لاتكلمينها ..

و تصوير الفديووووو خلي وحده شاطره من بنات أعمامك ولا بنات أخوالك ... تصورك بكاميرا فديو ..<--- دبري الكاميرا من أي مكان تسلفيها خلي واحد من التماسيح يدبر لك من أخوياها

مممممممممم الذبايح حنا في عزيمتنا تخيلي شرينا وقت الغلى وقت الأضحيات في الحج .. أخذنا 6 ذبايح مع قيمة الإستراحه 1500 .... + قيمة الدي يجي .... خلاص كذا كفاية أنتهت العزيمة

باقي المهر لك حبيبتي تصرفي فيه مثل ماتبين ... وأدعي و أنتي ساجده إن ري يبارك لك في مهرك ويسهل لك أمور تجهيزك ... وإن الذهب يرررررررررررررررخص حسبي الله عليه .. وصل قيمة الجرام ألحين 52 <--- نستنى شويه يمكن بعد ينزل :(


وأدعىىىىىىىىىىىىىىىىى لي حبيبتي إن ربي يبارك لي في مهري ويسهل لي تجهيزي وأني أصير خليله وحبيبه لزوجي ويصير زوجي خليلي وحبيبي ويبارك لنا في زواجنا ويرزقنا الذرية الصالحه ياااااااااااارب

مابي إلا الدعااااااااء من قلبك ... والله يوفق الجميع