اهلين حبيبتي
تعرفين وش فقع مرارتي وبط كبدي سالفه الفندق.......مابلعتهااااااااااااااااا

شوفي ياعيوني انا ماني مع البنات اللي يقولون لاتسوين زواج والله بعدين راح تحسفين

انا اشوف انك تاخذين استراحه انا شفت استراحات عندنا بجده فخمه وكلها تحف وثريات

والليله ب3000 او 5000 ريال

احسن شئ نزلي موضوع في قسم ساعدوني واسالي بنات المدينه عن افضل الاستراحات

وتكون مرتبه وفيها عاملات وتكون فيها كوشه مرتبه وحلوه واسالي كمان عن الدي جي

وعن افضل المطابخ عشان مره وحده ترتاحي من موضوع الحفله وخلي حجزك يكون من

بدري عشان كل شئ يكون مرتب وماتحتاسين

نجي للمعازيم اعزمي اهلك و خالاتك وعماتك واهله اهم شئ

شوفي ياعيوني حطي مكانك مكان وحده من خواته وحطي امك مكان امه وتخيلي اخوك طالع

من عندكم ومسافر رايح يتزوج وانتم في البيت حاطين يدكم على خدكم والله احسه قهر صح

هم حركتهم غلط انه المهر قليل وعليك الزواج بس انك تسوين زواج وماتعزمينهم غلط

تخيلي امه تدعي عليك تقول الله لايوفقها يوم حرمتني من فرحتي بولدي ......وش عاد تبين

بالزواج والحفله بعد هالدعوه

وحتى زوجك بتحز في نفسه ويقول من اولتها ماعزمت اهلي وبعد الزواج اي شئ راح يصدر

منك من دون قصد او بحسن نيه بيفسره هو واهله انه قصدك هالشئ وانك مسويته بسوء نيه

بالنسبه للرجال احس لازم تعزمينهم اذا كان الزواج في المدينه فااكيد الكل راح يكون في فنادق

احسها صعبه يوصلون الحريم للزواج ويرجعون للفندق وخصوصا انهم كلهم قرايبك يعني

مااحد غريب

نجي للعشاء افضل شئ ذبايح وزي ماقلتلك اسالي البنات عن افضل المطابخ في المدينه

وافضل الاسعار وفيه بعض المطاعم يحطون مع العشاء مقبلات وسلطات وحلى انتي اسالي

وشوفي الافضل

بالنسبه لصحون التقديم انا افضل تسوينها في مطعم عادي موفخم او محل حلويات عادي مو

غالي وماركه اهم شئ يكون مرتب وحلو وخذي 10 او 15 صحن تكفي وتزود ولاتحطين عند

الرجال ماله داعي

بالنسبه للتجهيز افضل تجهزين من جده لانه في عندنا اسواق ومحلات حلوه وماهي غاليه

واذا تبين ادلك ماعندي مانع

بالنسبه للفستان عندنا محلات للتاجير حليوه وماعليها واذا تبين تشترين اذكر وحده من

صحباتي اشترت فستان مع الجزمه والطرحه ب300ريال وفيه ارخص

اما الذهب انا اشوف ذهب الرياض احلى وافخم وانتي لكي الخيار

العطور والمكياج لاتكثرين لانك بسرعه راح تملين منها بالذات العطور

اهم شئ الذهب والساعه والجلابيات الفخمه وفساتين سهره افضل 4 جلابيات فخمه و3

فساتين سهره و4 جلابيات عاديه و5 اطقم فخمه والجزم والشنط خذي اطقم من الالوان

الرئيسيه يعني الابيض والاسود والبيج والكحلي والبني وخذي على الوان فساتين السهره

وخذي عبايتين وحده فخمه ووحده عاديه للسفر والطلعات العاديه وخذي معها الطرح طقم

وملابس داخليه خذي الالوان الرئيسيه وكمان كذا لون غريبه يعني احمر وفوشي وسماوي

و4 قمصان طويله و4بيجامات و4 قمصان قصيره

خلي الالوان متضاربه ومتباعده لاتكون تقليديه عشان يصير كانك اخذه ملا بس كثيره يعني

لاتاخذين قميص طويل بيج وواحد قصير بيج لا

خذي واحد بيج وواحد احمر وواحد اسود وخذي تركواز او موف وخذي الوان غريبه يعني

اورنج او فستقي شكلي

خذي ملابس سبور بس تكون فيها انوثه مو زي ملابس المراهقات لا شئ كشخه عشان البيت

اهم شئ العود والبخور مو مهم تاخذين غالي ولو تبين تجين جده قوليلي وانا ادلك

اهم شئ لاتبذرين او تشترين شئ مانتي في حاجته واذا نقص عليك شئ اطلبي الوالد والا

الوالده او احد اخوانك قولي نفسي في بعض الاشياء ونقصت علي الفلوس وانا متاكده انهم

ماراح يقصرون

قبل كل شئ اطلبي رضا الله ووالديك وزوجك وراعي اهله زي ماتبين زوجه اخوك تراعي

اهلكي

نجي للمصيبه الفندق..........:30::30::30:

شوفي ياعيوني انا لو مهري نص مليون مو اربعين الف والله العظيم مااحجز الفندق

يعني تخيلي تروحين تحجزين بمهرك وانتي ذيك الليله متوتره وتعبانه ومارح تستانسين والاخ

في الله هو اللي بيستانس وبيستمتع والله قهر

وبعدين هذا مهرك يعني في الاسلام اسمه صداق و هذا الصداق من حقك انتي وبس

وتصرفينه زي ما تبين هذا زي اللي يعطي عطيه وبعدين يرجع فيها

شوفي الفندق ماراح يكلفك الا 500 الى 1000 ريال يعني مو غالي

لكن المسأله مو مسأله فلوس مسأله مبدأ خلي احد من اخوانك يكلمه باسلوب قبل الزواج

باسبوع او اسبوعين باي عذر يقول مابقي فلوس او يستهبل عليه ويساله وين حجزت باي

فندق ويفهمه بطريقه غير مباشره انه هو اللي يحجز

اتمنى اني ساعدتك واتمنى لك التوفيق

شكل البنت تزوجت >>>>>>>>>>وانا داخلة بعطي رايي:o

ام الوسيم

هلا والله وغلا نورتي

ومشكوووووووووره حبيبتي على النصايح بحاول قد مااقدر اني اسويها

بس حبيت اقولك ان اهل المعرس هم اللي مايبون عرس وطقطقه

وجزاك الله الف الف الف خير والله ينولك اللي ببالك


اخصائيةنفسية

ههههههههههههههه لاتوني ماتزوجت باقي 4 شهور

الله يخليك قولي رايك تراي الى الحين محتاجه اراء

الله يسلمك ويعطيك1000عافيه

طيب سوال ليه اهللك مو هم الي يدفعون فلوس الحفله مو من مهرك بصارحه مالهم حق وبعدين شوري عليك انك تسوينها عائليه احسن وافور ودهري بتزين البيتبالورد والحركات وحطي زفه ودي جي لانك انتي ماراح تحسين بزواجك الناس هم الي بيسانسون والناس حتيتي وقطعتي نفسك ما يعجبهم فسويها عئليه احسنلك نصيحتي

هلا حبيباتي

ابقولكم اخييييييييرا وش راح اسوي

اولا قصة العرس

خلاص بنسويها بس رجال((طبعا انا ماودي كذا))

بس امي مصصمه الصراحه..وغير كذا ام المعرس تخيـــــــــــــــــــــلوا اتصلت علينا

وقالت لاتكلفون انفسكم بالزواج ترانا حنا بنسوي زواره من بكرا وحفلة كبيره ((زي العرس)) بعد شهر العسل

قالت لها امي لا والله حنا ناوينها عائلية حنا وانتم والقريبين مررره

قالت لها ok>>>نصابه ماقالت اوكي قلت لها الله يتمم بخير

وبعد كم يوم>>>صار فلم

اتصلت ام المعرس>>>ملاحظين انها دايم تتصل ياقلبي هي

قالت شوفي ام ق ص ي 100>>>تخيلوا امه تعرف وش اسمي بالمنتدى

امزح قالت لها يا ام.....................
وش رايكم تخلون الحفله مقتصره بس على الرجال

احسن لنا ولكم بما انه تبي تصير من بكرا عزوومه كبيره فما لها داعي الناس يجون مرتين

قالت لها امي انتي فصلوا وحنا نلبس

((ناقله الكلام بالحرف))

يعني صفينا على حفله الرجال

يعني 7 الاف طايره من المهر طايره

اما الفندق التماسيح الله يخليهم لي يحاولون بالوالد عشان يغير رايه

ونسسسسسسسسسسيت اقولكم قصة الفندق>>>فيها قصة بعد

الوالد الله يجزاه الجنه يحب يوووهق بنته اللي هي انا

قال لابو المعرس شف يا ابو فلان ترى ليالي الفندق ماوالله تدفع فيها شي لا انت ولا المعرس هذي
بنتي الوحيده

وانا الصراحه ودي اخليها هديه للمعرس وبنتي لذلك انا اللي ابدفع تكاليفها

>>>>>>>>>قهررررررررررررررررررررررررررررررررررررررررررررررررن

بس وش نسوي الله يخليه لنا ولا يخلينا منه

انا كنت ناويه ادفع العربون واوهق ابو الشباب بالدفع لكن يوم دريت ان ابوي منه الهرج اللي صاير

قلت فشيله والله الحين و يقولون علينا


فقلت 10000 الالف طاااروا من الحين

7 او 8 الاف الزواج+الفندق2000

واي تطورات تصير بقولكم

بس دعوووووووووووووووووووواتكم انه يتغير شي بسالفه الفندق>>>حارقة رزي