السلام عليكم ورحمه الله وبركاته..

في البدايه مبروك عليك .. واسال الله ان يوفقك وان يبارك في زواجك

بالنسبه لقصه المهر ..

سؤالي ماتقدرين تطلبين من ابوك انه هو الي يسوي حفله الزواج ...؟!؟!

اذا كان رافض او مايقدر .. فرأيي بصراحه ماله داعي حفله زواج

البسي فستان زواج .. وحطوا عشاء وقولي لعمانك وخوالك وهو نفس الشي ( رجال بس)

وانتي امبسطي مع خواتك والبسي وصلحي شعرك ومكياج وكل شي ..

يعني ماراح يكلف شي الا القليل..

والباقي اشتري فيها ولاتكثرين .. يعني ماله داعي خرابيط كثير

لانه انتي بتشترين بعد الزواج وكذا ..

في شي استغربته بصراحه :: يعني انا من القصيم وحنا الي نسوي الزواج مو اهل الزوج بس الاب مو البنت .. الي استغربته ( كيف انتي الي تأخذين الفندق .. حق اول ليله ...!؟!؟) بصراحه احسها عيب اصلا ... طيب انتي ماراح تتملكين قبل فتره .! ااذ تملكتي احس تقدرين تلمحين له ..! طيب يمكن هو الي بيأخذ الفندق ..! مااتوقع يخلونه على البنت .. والا انتم كذا !!
:
:
:

تصدقين عاد اعرف بنت نفس سالفتك.. وماسوت زواج ولا شي .. فبعد الزواج سوت زواره ( هي من فلوس زوجها )

على العمووووووم .. اهم شي التووووفيق...

اسال الله ان ييسر لك امورك .. ويسعدك ويوفقك في زواجك :)

مهي مشكلة سوي زواجك عائلي عماتك وخالاتك واهله بس
وانزفي عندهم
وكبرو للرجال بس وخلوه ف البيت وش المشكله عادي كثير من الناس يسوون كذا
مافي احلى من الزواج العائلي والله انه بركه
الله يوفقك حبيبتي

الســـــــــلام عليكم

خيتي انا اقول .. لو تسوين حفــله حليوه بالبيت وتحطينلج كووشه :) وبوفيه

وتلبسيــــــن فستان ابيض وتتعدلين .. وااااااااااااااايد حلو


منها سويتي حفله عائليه وونستي روحج وحسيتي بأنج عروس :26:


واذا عالفندق ماااله دااعي >> قعدي ببيت اهلج صيري شوي تقليديه او تروحين لبيتج ويا زوجج


والله يوفقج ويسعدج ويهنيج .. وتراني رايحه من كم يوم عرس ببيت صج الجــــو كان بااااااااااااااااارد ثلج



لأنه بالحووش .. لــكن حسيت براحه وونااسه عجيبه غير عن الفندق والدووشه



ســــــــــــلام

يا حبيل ريحة القصمان

أسمعي ياوخية ..بالنسبة للحفلة .. الشكوى لله حنا يالقصمان كذا على أهل الحرمة ... لكن والله لوأنا منك خذي استراحة

ولا كثرون المعازيم ... وحطي استريوهات على كيفك .. بالنسبة للقصيم أسراحاتهم مب مكلفة ...

لكن الرياض فيه منها مجهز لحفلات ب5000 والعشاء عليك ... طبعا حطي ذبايح ... لا تتوهقين بالبوفيه تراه يحقر ..

وهو غالي ... أما بالنسبة لفستان الزواج ..... فيه محل عندنا في الرياض ... عنده فساتين تهبل .. تهبل .. ب 2000ريال

طبعا مع الطرحة والجزمة الله يكرمك ...

أما الذهب يالغالية .. اشتري لك حاجات بسيطة وخفيفة ... وطقمين حلوين ... وبس ... لأن الهدايا الذهب أكيد راح يجيك

وبعدها لازم تلبسينها للي اهدوك أياها ... وما تصرين خسرتي شيء ...

بالنسبة للمفارش روحي للمستودعات اللي في الرياض يطيح عنك نسبة ... وأنصححححححححححححححك..

خلي كثير من الأشياء ناقصة ... جيبي الضروري ... حتى يضطر ابو الشباب يشتريها لك بعدين ...

هذا اللي أسعفني مخي عليه اللحين ... والسموحة عن التقصير ...

احبطوك كلهم ... عادي ماتعودوا حنا زيك يعطيها 40 او 50 وكل شي عليها
بس انا اقول حرام ماتستانسين شوفي استأجريلك استراحة للحريم ---->( الرجال ماعليك منهم
حطيلهم عزيمة عادية.. والا اي شي ) المهم تلاقين استراحات مو غالية وحطي ديجي وزفه عادي ماتكلفك كثير
والفستان خيطيه عند الخياطين الرجال يكون ارخص واظبط وصدقيني اذا تصرفتي صح يتكفيك الأربعين

== أنا صديقتي سوت كلل شي بخمسين ألف مع العلم ان عزيمة الرجال كلفتها 15 ألف ==