لمسه دفى @lmsh_df
محررة فضية
لالا الله يستر منكم يابنات عالم حواء..ليكون انتوا مثل اللي شفتها.. ياشيب عيييني..
هلا وغلا...مساء الورد..مساء الثلج والبرد..<<<احب الشتاء..
يالمراقبه سالتس بالله ماتحذفين موضوعي..ياحبي لتس...
ياحبني لكم يااحوائيات... مالكم بالطويله..
اخواتي مره كنت رايحه اسجل اختي في معهد.. المهم رحت وقت مساء اول مادخلت اصلي كان صلاه المغرب..المهم صليت وخلصت..جات وحده صلت المغرب وطلعت راحت تسولف مع خوياتها...المهم انا استغربت قلت ليه ماتسننت..ليه ماصلت السنه..صح مالي دخل فيها...
بس قالت يالله لها الدرجه الناس مستهترين بسنه.. راس مالها ركعتين... والبنت شكلها كبيره اكبر مني بواجد... صح هذا شي راجع لها...بس الله يذكرها بالخير . قلت هي والا غيرها ليه ماتصلي السنه..لها الدرجه الناس شابعين اجر؟؟؟؟؟ لييييييييييييييييييييييه اكثر الناس بس فرائض ليه مايخلونها فرائض ونوافل.... احنا ليه تسذا غافلين؟؟؟؟؟ خلاص مابقى بالعمر كثر ماراح.... ليه مانتقرب الى الله اكثر واكثر...
لها الدرجه احنا ضامنين الجنه؟؟؟
الرسول وهو رسول وهو اول من يدخل الجنه كانت ارجوله تتورم وهو يصلي الليل... ليه احنا نصلي صلاه مرور الكرام ولانتسنن... يااختي وربي منتي خسرانه راس مالها ركعتين. يااختي والله اجر كبييييييييييييييييييييير...
بعدين تذكري الحديث
يقول تعالى: من عادى لي وليا فقد بارزني بالحرب، وما تقرب إلى عبدي بشيء أفضل من أداء ما افترضت عليه، ولا يزال عبدي يتقرب إلي بالنوافل حتى أحبه".
و فيما معنى الحديث..
كما جاء في الحديث القدسي المشهور
" .. وما زال عبدي يتقرب إلي بالنوافل حتى أحببته ، فكنت سمعه الذي يسمع به ، وبصره الذي يبصر به ، ويده التي يبطش بها ، ورجله التي يمشي بها ، وإن سألني لأُعطينَّه ، ولئن استعاذني لأُعيذنّه " هذا معنى الحديث...
يعني النوافل تخلي الله يحب عبده...طبعا النوافل كثثثثثثثثثثثثثثثثثثثيره....بس انا ذكرت منها هذي...
ابسالتس سؤال؟ ماتبين ربي يحبتس؟؟؟؟
والا اهم شي عندتس زوجتس او اهلتس او او او....الخ...
ترى نعمه عظيمه اذا ربي يحبتس...
يااوخيتي لاتخلين حياتس بس فرائض خليها فرائض ونوافل...
ماادري ليه الناس يتثاقلون السنه.. يااختي انتي موضيه وفارشه السجاده..خلاص صلي السنه.. الرسول كان يقول يابلال ارحنا بالصلاه... ارحنا يعني الصلاه راااااااااااااااااااحه...
ليه يااختي؟؟؟ ليه غافله... ماتبين ربي يحبتس..؟؟؟؟
والله منتي خسرانه شي...
شيبانا الكبار ماشاء الله كل السنن يصلون وهم على العصاء والكرسي.. وهم ناس ماتعرف السب والا الشتم ناس على الفطره قلوبهم بيضاء.. ومع ذلك يصلون ويذكرون الله.. ورانا مانصير زيهم؟؟؟؟؟ ليه؟؟؟ اخلي السنه واروح اسولف والا اتابع مسلسل والا عشان اسمع سالفه... وين عقولنا؟؟؟؟ وصدقيني سبحان الله اذا عودتي نفستس على سنه راح تتعودين على السنن الباقيه... انا وانتي وكلنا محتاجين الاجر والخير ... ناس ميته تتمنى انها ترجع تذكر الله وتعمل اعمال خير...وناس لاهيه بها الدنياء ولافكرت بنفسها...
صدقيني يااختي يااحبي لتس...والله الدنياء رايحه...ماينفعتس الا الاعمال الصالحه. ماراح ينفعتس لاماركه ولاعطر ولامكياج ولافستان ولا ساعه الماس ولاطقم ذهب ولا سياره فخمه ولاقصر....والله وبالله وتالله اعمالنا الصالحه هي اللي تنفعنا.... مردنا لقبر متر في متر... وش ننتظر..؟؟اكثر من تسذا...راحت حياتنا كلها في غيبه ونميمه وهذيك وش لابسه ومدري وشو؟ ليه؟؟؟؟ يااختي تقربي الى الله...
انا من جد لي يمكن اقل من شهرين داومت على السنه بعد الصلاه... والحمدلله ..اللهم ثبتني.. اللهم انك تعلم اني اكتب هالموضوع علشان اشجع بنات حواء....اللهم انك تعلم اني مااقصد لارياء ولاسمعه... قلت لازم اقول لبنات حواء...وربي ابي لكم الخير والاجر وربي.....
احنا محتاجين هالاعمال....يااختي انصحي بعد زوجتس واهلتس وطالبتس في المدرسه وزميلاتس..تاخذين اجر...
انا ادعوكم يابنات حواء انكم خلاص من اليوم تنون انكم تصلون السنه..والى الابد....سبحان الله يمكن هالسنه تغير حياتس بعد الله الى الافضل..يمكن هالسنه تخلي ربي يحبتس..
آآآآآآآآآآآآآآ يارب انك تحبني وتحب بنات حواء معي..وجميع المسلمين..... لاتحرمين روحتس محبه الله...داومي على السنن...
يالله يااخوات من اللي تنوي تداوم على السنن بعد الصلاه تكتب تحت... علشان تشجع الاخوات....
اتمنى ترفعون موضوعي وتنقلونه لمنتديات ثانيه اللي تدخل تنقله....او ترسله ايميل...
يالله من نوت فيكم تصلي السنه وعلى طول تصليها ماتخليه... اللي نوت تكتب تحت.. يالله انا بديت من زمان وبعون ربي بستمر. يالله انا رقم 1 من رقم 2؟؟؟؟ والخ
ادعوا لي اتزوج واتوظف قريب...
148
9K
يلزم عليك تسجيل الدخول أولًا لكتابة تعليق.
الصفحة الأخيرة
الله يرحمنا برحمته
وانا بالفعل انتبهت لدي النقطة من 4 اشهر واسأل الله الثبات