لامن نويت ادله تجدد جدايد

وشقول يابنات ااااااه الله يصبرني ويربط على قلبي كل ماقلت خلاص بنسى الماضي وبجدد حياتي وبستانف الحياه الحلوه وكل ماشفت مواضيعكم عن السعاده والليالي الرومنسيه اتحمس واقول خلاص بجدد حياتي وبعيش بسلام بس هيهات هيهات لمن مثلي انها تعيش بسعاده بدون كدر ولا نكد ولا خيانه يابنات ادعولي انا كل مااطلع من صدمه اطيح بصدمه وكل ماحاولت اطبب جروحي تنفتح من جديد وكل ماداويت طعوني يطعني طعنه اقوى من اللي قبلها قولولي وين الصواب تكررت الخيانات وانا عندي اطفال مره بالجوالات ومره مقابلات ومره انترنت خاني بكل الوسائل اخرها قبل اسبوع قالي عندي عمل في اسبانيا واكتشفت انه رايح لدوله معروفه بالفساد الله يذهبهم كلهم الله يعطيهم قنبله مثل اليابان تذهبهم وماتخلي منهم احد والمشكله انه اكثر شي يخوني مع بنات الدوله هذي وغير كذا لقيت ارقام حريم من نفس الدوله واتصلت وردو علي حريم يابنات انا بحيره ماني عارفه وش اسوي ماني عارفه انا اطلع من البيت ولا اجلس تكفون يابنات ياحكيمات شورو علي بعقلانيه وردو على اساس انكم في المشكله لاتعطوني اجابات مثاليه انتظر ردودكم ودعواتكم تكفون ادعولي ماودي اشتت عيالي واطلع بتتعب نفسياتهم وبنفس الوقت محروقه ونفسي اواجهه بس ماودي اواجهه عشان احفظ ما وجهي لو جلست عنده.....