وصفة النهاردة
لذيذة
وخفيفه
وبتدوب في الفم بشكل مش طبيعي
وكمان تحسي انها شغل جاهز
واي حد ها يتذوقها هايسألك من اي محل
وصفتنا كيك الشيكولا بموس النوتيلا
نقول بسم الله
ونبدأ بالمقادير
الطبقه الأولي
كيك شيكولا اي نوع انتي معتمداه عندك
أنا استخدمت طريقتي في كيك الشيكولا
ودا شكلها
ودا رابط الموضوع
كيك الشيكولا احلي من بيتي كروكر مع احلي والذ صوص
http://forum.hawaaworld.com/showthread.php?t=3525582&referrerid=812161
استخدمت نصف المقدار
عشان عايزة الطبقه الأولي من الكيك طبقه نحيفه
ودا شكل الكيك بعد ماخبزته في قالب التشييز كيك
مقادير الطبقه الثانيه:
9 حبه كيري
1/2 كوب شيكولا نوتيلا السائله
250 مل كريمة خفق
3 معلقه كبيرة سكر بودر
معلقه كبيرة جيلاتين مدوبه في ربع كوب ماء ساخن
التزيين
شيكولا مبروشه
الطريقه
نخفق الجبنه جيدا حتي تصبح ناعمه وسلسه
ثم نضيف النوتيلا ونخفق جيدا
ثم نضيف الجيلاتين بعد ماذوبته في ماء ساخن وصفيته
ثم نخلط جيداً
في وعاء اخر نخفق كريمة الخفق مع السكر البودر
وخلي بالك لا تبالغي في الخفق حتي لا تتحول الي زبدة
وبعد الخفق نضيف الكريمه الي خليط النوتيلا علي دفعات
يعني بالتدريج
نضيف جزء من الكريمه ونخلط بهدوء بالاسبتيولا
وهكذا حتي تنتهي الكميه
يتبع
رجاء عدم الرد
حتي اكتمال الموضوع
وصبيته علي الكيك بعد مابرد
ونغطي الصينيه بورق شفاف او فويل
وندخلها الثلاجه قبل التقديم بليله
بتطلع متماسكه وأحلي
وطبعاً أنا استعجلت عليها
لان كنت عايزة اصور قبل الضيوف ماتيجي
عشان كده كانت مش متماسكه قوي
ولكن بالليل بعد العشا كانت تمام التمام
متماسكه وخفيفه مثل الغيوم
يمي لذيذة
بحبها جداً جداً
سموا الله
ودي اول معلقه
يمي بتدوب
م الداخل ع الرغم ان كنت مستعجله عليها ومأخدتش حقها ف التبريد
ياالله كم هي لذيذة
أتمني تجربوها
لانها لذيذة
وتشرفك في عزايمك وحفلاتك
في رعاية الله وآمنه
ولاتنسوني من دعواتكم الصالحه
والحمد لله الذي أطعمنا وسقانا وكفانا فكم ممن لا كافي له ولا مأوي