لانكومي زوجة المدمن

ادري اقلقتكم بمواضيعي
كل يوم منزله موضوع
والله يابنات ان نفسيتي تحت الصفر
تعبانه
افكر اخذ علاج نفسي يهديني
احس اني محبطه ويائسه من الحياه
اصعب شي بالدنيا اذأ حس الانسان
انه وحيد ويتيم مع ان امه وابوه موجودين
اصعب شي بالوجود اذأ وقع الشخص بين يدين ظألم مدمن مريض عقلي ونفسي مايخاف الله
شي صعب جدا ان الشخص يوميا يتعرض لجلد نفسي واحيانا جسدي
شي صعب ان يكون من يحميك هو من يهتك عرضك
شي صعب ان الشخص يكون متزوج فقط بالاسم بدون اي حق
شي صعب وصعب جدا لما افكر بالحياة والاقي اهل قاسيين راضيني انا واولادي ورافضين وجودي بينهم
صعب جدا ان تكون عصمتي بين يدين ظالم رافض تطليقي
وحتى لو طلقني وين اروح
صعب لما افكر كيف راح اعيش ببيت لوحدي مع اطفال
كيف راح اعيش لوحدي
من سيقوم بأموري
ومن وين راح اوفر لي بيت
ام اجلس بين براثن هذأ الظألم طول عمري
هل ساصبر اوسينفذ صبري واكون زبونة العيادات النفسي
أاااأاه
ياصعب الدنيا لاتسكرت ابوابها
شيبت وانا صغيره نفسيتي نفسية عجوز بالسبعين
العيد بعد بكرا وانا مافيه شي سويته لازينه ولاغيرها مالي نفس
بين همومي وتفكيري واحزأني افكر بالماضي واليوم والمستقبل
كل شييي رااأح شبابي يمضي وانا بين احزأني
نومي كثر مالي نفس بالحياة
نفسيتي زفت
أاأأااه