السلام عليكم ورحمة الله وبركاته ياحوائيات انا
نقلت لكم نصايح وحده قريبه الحرمه هذي مطلقه وعندها بنت تعيش عند ابوها وهي بعيده عنها ووتواصل معاها عن طريق النت
نسخت لكم نصائحها لبنتها وحبيت افيدكم بها
......
السلام عليكم
هذي النصائح اسميها نصائح ذهبيه
ابيك يابنتي تنسخينها ب الملاحظات عشان ماتنسينها ابدا
النصيحه الاوله هي :
اعتمدي طريقة الشيخ بن باز الله يغفر له ويرحمه
وهي الدعا بقول
(((اللهم اصلح لي قلبي)))
ردديها قبل السلام من الصلاة واعتبريها جزء من صلاتك
الفائده : تنصلح كل امورك وتنضبط وتأمنين من الفتن ب اذن الله وخير كثير صعب احصره
.....
النصيحه الثانيه هي:
ان شاء الله اذا تزوجتي وصار لك اهل زوج حموله
او توظفتي
او اي مكان يكون فيه ناس مو متعوده عليهم
طبعا اكيد رح يكون فيه ناس متسلطه اوحسوده الله يكفينا شرهم يارب
الحل : كل صبح من بعد صلاة الفجر بربع ساعه الين قبل صلاة الظهر بربع ساعه
شفتي الوقت هذا كله وقت صلاة ضحى
صلي الضحى اربع ركعات يعني
صلي ركعتين وسلمي وصلي ركعتين وسلمي
النتيجه رح يكفيك ربي شرهم واذاهم وبلاويهم ويحميكي منهم ب اذن الله هذا كلام شيخ لرجل جاه يشتكي لان الناس تؤذيه ودايم ينظلم ويتبهذل طبق الرجال النصيحه ذي ومن بعدها محد ظلمه ربي كفاه الشر ر ر
.......
النصيحه الثالثه
كل ماتصلين فرض قربي كاسة المويه البارده من فمك واقري اية الكرسي الاخلاص الفلق الناس وكل ماتقرين سوره انفثي واشربيه
وصلاة العصر والفجر اقري الورد الفاتحه اول خمس ايات من سورة البقره واية الكرسي واخر ايتين من سورة البقره والاخلاص ٣ مرات الفلق ٣ مرات الناس ثلاث مرات وانفثي كل مره واشربي
النتيجه اذا فيك مرض روحي اوجسدي اوقلق اي شي لاقدر الله ب ءاذن الله رح يزول وينغسل تماما ورح تشوفين احلام تدل ع كذا
مثل تشوفين نفسك تتمخطين اعزك الله
او يطلع منك اذى او استفراغ
اوتشوفين واحد جسمه متكسررر ومقطع
اوقطط ميته اواي شي يدل على ان الله نصرك على الي مؤذيك ب اي اذى كان
من حسد اوعين اوحتى مس
النصيحه الرابعه
اذا كنتي سهرانه بالليل وصارت صلاة الفجر قريبه قومي صلي لو ركعتين وادعي ربي واستغفري لو شوي
رح يكتب لك قيام ليله ورح تنكتبين انك من المستغفرين بالاسحار
النصيحه الخامسه اذا تبين الرزق
والرزق انواع ( زواج مال وظيفه صداقه ناجحه....الخ
كل يوم قبل ربع ساعه من صلاة المغرب وكل ربع ساعه قبل الفجر سبحي لله الين ي اذن
.....
النصيحه السادسه
كل شوي ادعي لنفسك وكثري وبالغي بالدعا ايضا
ليشششش لانك اذا سويتي كذا
رح تحصلين ع فايده
ياانه دعائك يستجاب
او
ي
يرد ربي عنك بلا ومصيبه كانت بتنزل لاقدر الله
او يدخره لك ربي يوم القيامه وتشوفين لك حسنات كثيره تجيك هدايا وهي دعاك الي مااستجابه ربي لك بوقتها
اجل كثري وكثري من الدعا انتي الكسبانه ٪
...................
النصيحه السابعه
استغفري كثير كثير كثيرررررررررر
عشان ربي يفتح لك باب الرزق ب انواعه واشكاله
ويتحقق لك مناك دنيا واخره
وكل امورك تتيسر
النصيحه الثامنه
مواقع النت الشينه القذره الي كل مافتحناها حصلناها بوجهنا زي الصور الوسخه ترى هذي بلا وامتحان
حاولي لو مرت عليك تقفلينها على طول
وتدعين ربي يحفظك بحفظه
من كل شر واذى
النصيحه التاسعه
كل مااكلتي اكل قولي الحمد لله الذي اطعمني هذا الطعام ورزقنيه من غير حول مني ولاقوه
تدرين اش يصير
ربي رح يرزقك ويغفر لك ذنوبك والي يقولها له اجر كبير
ونفس الشي مع الشراب اشربي وقولي الحمد لله الذي سقاني هذا الماء ورزقنيه من غير حول مني ولاقوه
النصيحه العاشره
اذا اذن رددي معاه الاذان وقولي دعا بعد الاذان وادعي لنفسك ترى الدعا بين الاذان والاقامه مستجاب
وكمان الدعا قبل السلام من الصلاه
ووقت نزول المطر
وبعد ماتسلمين من الصلاه
واول ماتطيح عينك على الكعبه وتشوفينها ادعي
واشربي زمزم وادعي
كل هذي الاوقات دعا مستجاب
قدامك حياة ووظيفه وزوج وابناء ادعي ربي يوفقك بحياة كريمه طيبه موفقه وسعيده وذريه طيبه تعيشين معاهم وبينهم ويصلح لك ربي زوجك وعيالك وكل امورك
دايم ادعي خلي الدعا صديقك الصادق
وسفينتك ببحر الحياة
والله والله والله مافي احد ارحم ولا اكرم ولا اجود من ربي لو كل شوي دعيتيه مارح يمل مثل البشر بالعكس رح تلاقين نتيجه وحل وسعاده
النصيحه الحاديه عشر
لو ضاق صدرك لاقدر الله
رددي لااله الاانت سبحانك اني كنت من الظالمين ردديها كثيررر وخليها على لسانك
لانها تفرج الكرب بمشيئة الله
انا مجربتها والله اذا رددتها القى حل فوري لمشكلتي والقى سعاده والقى كل شي ابيه
النصيحه الثانيه عشر
اي شي تبين تقومين فيه وتعملينه صلي ركعتين استخاره
حتى لو موضوع بنظرك تافه
زي زيارة صديقه او حضور حفله او شراء غرض معين
رح تجدي التوفيق من الله وراحه نفسيه
اعتمدي الطريقه ذي
فيه رجل صالح كان حتى لو بغى يشتري لبيته ملح صلى استخاره
وكانت حياته كلها سداد وتوفيق
انا يابنتي كتبت لك حصيلة تجاربي
وجبت لك الزبده بدون تجربي وتتعبي
وحرصت تنسخينها عندك وتحتفظين بها
لانك مو عايشه معي واخاف انسى وانا ماقلتها لك
انتهى
