لاني انثى وليس ذكر لا يمكنني ان اتطلق بسهوله

السلام عليكم ورحمة الله
انا ام لدي بنت وولد وموظفه وراتبي عالي .. الكل يشهد اني مسالمه وابحث عن الهدوء في بيتي وفي عملي وفي كل مكان .. علاقتي جميله مع الكل.. وانسانه اتحمل المسؤليه بشكل كبير .. واحب ان اسعد امي دائما لو ع حساب نفسي ..

تزوجت شخص غير مسؤول راتبه ١١ الف ولكن بسبب عدم تحمل المسؤوليه لديه قروض من بنوك ولديه قروض من شركات وبطاقات ائتمانيه ولديه اطفال من طليقته يعطيهم النفقه …

ورغم ذلك اساعده بما استطيع .. لكنه وصل للوقاحه في التحدث معي .. في التطاول مع مالي بشكل وقح وهو لا يتحمل مسؤوليه ما يقوم به .. اخذ سيارتي رغم وجود سيارات له واستعملها اثناء وحودي مع اهلي وعمل خادث .. وبدل ما يقوم بتحمل بالمسؤوليه ويصلحها قام بتركها اسبوع امام المنزل وبعد اان قمت بنفسي بالتواصل مع التأمين يقول وبوقاحه اعطيني فلوس التأمين انا الي صدمت 😦😦


هذا غير خياناته الي اكشفها بالجوال واسكت وغير النكد الي معيشني فيه ليل ونهار
والحين صار يخاصمني يقول تسلفي علشاني .. يا بنات ما يرد الفلوس ورطني اكثر من مره واذا ما تسلفت منه نكد علي
هذا غير انه مو مقدرني سويت عمليات ولاده وربي انه ما فكر يذبح لي يقول علشان سلامه زوجتي اصلا رماني عند اهلي يقول مقدر اقوم فيك .. وفي العمليه الثانيه رفضت الا اجلس بالبيت قسم بالله انه نشب لي يقول سوي لي اكل قلت كل من برى او عند امك دبر نفسك

خلاصة الكلام اقتنعت بفكره الطلاق خاصه ان مخاصماتنا صارت تأثر على عيالي .. وصرت اتسلف كل شهر بسبه ما يصرف زين ع البيت .. مو بخل الا ما معه شي بسبب سوء التبير المالي يحطها في الدخان والشيشه ..

لكن هل انا استطيع ان اتحمل الطلاق؟
نعم انا تطلقت من قبل . وانا درست الموضوع سنوات مو يوم وليله وقاده ماديا ونفسيا.. وعيالي ما يبغون اهلي يصيحون عليهم ولا يتحملونهم بسبب المشاكل

طيب ليش ما اتخذ القرار ؟
لاني ما اقدر ارجع بيت امي .. امي تجلس تصيح وتقول العيال سوو وفعلو .. وحالفه بالله الي تطلق وتسكن برى بيتها ان تتبرأ منها .. علشان كلام الناس .. وتتضايق لو جيت اشكي لها ويتقلب وجهها لدرجة قلت لها يا امي هل ترضين بنتك تعيش في نكد طول حياتها بس علشانك ما تبغينها باسم مطلقه

يا بنات انا ما اطيقه ولا احبه وانا اعرف وين مصلحتي ومصلحه عيالي نبغى بيئة طبيعية