لان ماعندي اطفال صرت من المغضوب عليهم

السلام عليكم ورحمة الله وبركاته
انا يابنت قدر الله علي واحمل واسقط ماعندي اطفال وفي البدايه كان الموضوع عادي وكنت مستوعبته الحين مع مرور الوقت صرت حساسه بزياده والي حولي محسسيني اني مغضوب عليه
واقرب الناس لي مثلاً اختي بقروب لنا في الواتس قالت كل وحده تصور غداها كل اخواتي نزلوا صور غداهم وكان يوم الاثنين يوم نزلت صورة غداي قالت كان صمتي 
كل حركه محسوبه علي مره طهرت من الدوره تكرمون قبل المغرب فصليت العصر متاخر وكانت تكلمني قلت كنت اصلي قالت خافي ربي انتي كيف تاخرين الصلاه بتقولون عادي وتنصحك ماتدري انك طهرتي متاخر بس يااخوات طلعنا البر وكان فيه مطر كلنا نلعب وطالعين تمسكني وتقول ادعي ادعي ادري اختي وتحبني بس اسلوبها معي مره يضايق احط مناكير تقول خير والصلاه طيب انا اعرف
زوجي سوي كذا لاعاد تسوين كذا يحسسوني ان ربي غاضب علي من كلامهم والله اني كرهت الروحات والجيات اذا اقرب الناس لي يتعاملون معي كأني مذنبه وان ربي اخر انجابي عقوبه وانا الحمدلله ماازكي نفسي بس والله يابنات انا في حاله مايعلمها الا الله واشكي له وحده بس ليه اي احد تجيه مصيبه او ضائقه نقول غضب عقوبه 
ونسينا ان ربي ابتلاء الانبياء بالمرض والطرد والفقر  وتاخر الانجاب والكفار عندهم المال والصحه والاولاد والامن وهذا لحكمه
اختي اخاف ارمي عليها  كلمه وازعلها وهي اكبر مني بس اسلوبها يابنات مهما اوصفها ماينوصف ليتها تنصح العالم لا مركزه عليه انا
اما زوجي اعرف اتعامل معه