لايابعد روحي اعرفك لو ماتعرفيني
تتلمس بيدها الطاهره كل من يسلم عليها تدور ريحت احفادها
تعرفهم باحساسها لان الكبر ماخذ من ذاكرتها ونظرها وسمعها الشي الكثير
من يجلسون حولها تبدا تقلب نظرها بينهم تدري انهم ناس تحبهم وودها بشوفتهم
وتحس انهم يقربون لها بس ماتدري وش تسميهم والا منهم بس انها تفرح لوجودهم
واذا غابو والا فقدتهم تشوفها تتلفت وكل من دخل تناظره كانها تفحص احساسها
تبي تعرف هو منهم والا لا
احساسها هو الدليل الوحيد الي يرشدها لمعرفة الي حولها اذا هم احباب والا اغراب
هاذي جدتي ياحبايبي
تكرر السؤال مية مره واحنا نجاوب نفس الجواب بكل مره مانمل ولانتأفف لانها ماتدري انها سئلته من قبل
تنبسط وهي تحكي سوالف حنا ملينا وهي تحكيها و سوالف قديمه عن شبابها
مانخرب وناستها وحنا نشوف الفرحه بعيونها هاذي بقايا الذكريات الي بقت في ذاكرتها تستمتع فيها لانها ماتعرف غيرها
ثقلت حركتها وقومتها وقعدتها تقطع قلوبنا لاشفناها ولا نبين لانها تحس بالكبر بس ماتبي تشوف الشفقه بعيوننا
لا خذت عصاها بتقوم تقلب نظرها بنا نحس انها ماتبينا نطالعها
كل عيد يمر علينا وهي بينا نحمد الله الف مره وندعي ان الله يمد بعمرها اعوام واعوام وحنا بداخلنا مؤمنين انه بيجي ذاك اليوم وبنودعها بس من نتخيل مجالسنا بدونها تلاقين الايدين كلها تنرفع لله تطلبه مايجي هاليوم
كتبت عنها اليوم بالذات
لانها ماعرفتني يوم حبيتها وحضنتها تقولي وهي تبتسم ماعرفتك يابنيتي
قعدت اكررها بداخلي
بس انا اعرفك يابعد روحي ياجده
30
2K
يلزم عليك تسجيل الدخول أولًا لكتابة تعليق.
مدام ريري
•
الله يحفظها ويخليها لك ويخليلها كل غالي
الله يحفظها ويخليها لك ويخليلها كل غاليالله يحفظها ويخليها لك ويخليلها كل غالي
تسلمين مدام ريري الله يسعدك
فعلا انتشر الزهايمر بشكل كبير
جدتك وجدتي وعمتي والله يتقطع قلبي عليهم
الله يطول باعمارررررررررررررهم
جدتك وجدتي وعمتي والله يتقطع قلبي عليهم
الله يطول باعمارررررررررررررهم
Miar :
الله يحفظها ويخليها لكم ياربالله يحفظها ويخليها لكم يارب
امين
يارب
ويحفظلك ربي كل من تحبين ميار
يارب
ويحفظلك ربي كل من تحبين ميار
الصفحة الأخيرة