ياحبي لك تسلمين على هالدعوه والله فرحت بهاااا..

الله يجمعك بمن تحبين يالمتفااائله عاجلا" غير آآجل

انتي ومجموعة الواثقات بالله يارب ياااكريم

ياقلبي عليييييك الله يرزقة بالوظفية عاجلا غي اجل ياااارب يعجل بزوااجك:icon28:

ننتظر قصتك بفارغ الصبر

راح اكتب قصتي..

شخص اتمناه من 8 سنوات يحبني واحبه..

خطبني مرره بس كنت صغيره في اولى ثانوي وهو في 3 ثانوي رفضوا اهلي بحجة انه ماكون نفسه..

بعدها صارت مشكله كبيره بين امي وامه وصاروا مايكلمون بعض سنه كامله..

كنت وقتها ادعي كثييير ان المشاكل تنحل وان امي وامه يرجعون مثل قبل..

وفعلا" بعد سنه وبالتحديد كان قبل شهر رمضان بكم يوم اتصلت امي عليها تبارك لها بالشهر ..

وفي نفس المكالمه امه اعتذرت من امي والحين الوضع بينهم حلوو والحمد

لله وكل مناسبه تتصل الوحده على الثانيه تسأل عنها..ورغم ان امه بعد هالمشكله قالت له انساها وبأزوجك

غيرها .. بس تعالوا شوفوا الحين صارت تسأل عني..

وتدري اني ابي ولدها وولدها يبيني..

((هذا بفضل الله ثم الـــدعاء))



الموقف الثاني:

بعد ماخلصت الثانوي جلست سنه بالبيت كنت اتمنى ادرس وانقبل بالكليه بس الكليه اللي قدمت عليها

ماقبلتني وجلست سنه بالبيت.. بعدها قدمت على احدى الكليات قبلوني انتساااب هناا تحطمت كثييير

وقالوا احتمال نتصل عليك نقولك اننا بنقبلك انتظام بس مو اكيد على حسب توفر مقاعد..

انا هنا فقدت الامل لاني عارفه نظام الدراسه عندنا معقد ومتعب .. فهيأت نفسي للانتساب .. وحاولت اتقبل هالشي

وقلت ان شاء الله انجح بتفوق وعقبهاا اكيد بيحولوني لمنتظمه ..ويلاا انتساب احسن من لاشي..

يعني صح هيأت نفسي للانتساب بس بيني وبينكم مااقتنعت داخليا"..بس وقتها كنت

ادعي في كل صلاة وبحماااااااس..

واحيانا" في آخر الليل وكنت والله من الحماااس في الدعاء اصيييح .. في آآخر الاجازه

وبالتحديد قبل الدراسه بأسبوع كنت نايمه ويوم الثلاثاء الساعه 9 الصبح صحتني امي قالت ان فيه وحده تبيك

عالتيلفون تقول من الكليه!!

رديت عليهاا وانا نصي نووم قالت احنا قبلناك منتظمه تعالي للكليه بكره عشااان المقابله!!

وربي مااستوعبت خصوصا" اني هيأت نفسي اني اكوون انتسااب وحتى ماكنت حريصه عالتليفون يعني

ماكنت احرص الصبح اني انتظر اتصال من الكليه .. او عالاقل اتأكد انه مشبوك زيين او شي ...

المهم رحت للكليه وقابلت مسؤوله ومعي كم بنت وكانت تقول مااتصلنا عليكم!!!!!

قلت الا جايني اتصال .. قالت لوحده روحي شوفي اساميهم في الكمبيوتر اذا كانت مو موجوده معناه مااتصلنا..

راحت الموظفه وبعدهاا قالت ان الكمبيوتر مو راضي يشتغل!!!! وانتظرناا وقت طويل وكنت

وقتهاا ادعي بيني وبين نفسي ومتوتره ..

بالأخير مااشتغل الكمبيوتر بس قالت خلاص هاتوا ملفاتكم .. وكملت بياناتنا.. وقالت روحي سوي المقابله..

بعد ماسويت المقابله راحت الدكتوره اللي سوت لي المقابله لرئيسة القسم عشان تعطيها ورقة

المقابله والموافقه عليها..

تخيلوا رفضت رئيسة القسم وانا كنت واقفه مصدومه بس كنت في داخلي ادعي.. ياااارب

انقبل ..

بعدها الدكتوره مدحت فيني عندهاا..

ووافقت رئيسة القسم وكملت اوراقي عند الاداره وقالوا تداوميين السبت مع البنات!!!

والحمد لله انقبلت وفي التخصص اللي ابيه والله يابنات انهم يخلونك تحطين 3 تخصصات يعني 3 خيارات لك

وهم بعدين يقررون وش يحطونك فيه على حسب توفر المقاعد يعني لو ماحطوك بالخيار الاول حطوك بالثاني واذا مافيه

امكانيه حطوك بالثالث وهكذا.... وربي وربي وربي انهم حطوني بالقسم اللي اتمناه وابيه.. وفيه بنات معنا قبلوهم من

اول ماقدموا بس حطوهم بتخصص ماايبونه...

واجهتني عوااائق كثييييره بالقبول وتوترت وحسيت الشيب بيطلع براسي

رغم ان نسبتي كويسه بس كل هذا علشاني مو من خريجاات الجدد لاني جلست سنه بالبيت.. بس بالنهايه انقبلت..

والحمد لله انجح كل سنه وبتقدير حلو...

((هنا.. تذكرت دعاائي اللي ماراح عبث))


الموقف الثالث ..

الشخص اللي ابيه شهادته ثانوي ومتوظف وظيفه على قد الحال .. يعني ماتعيش شخص بزوجته..

العام قدم على وظيفه وكنت ادعي ليل نهار انه ينقبل فيهاا لانهاا ماتتفوت وانتوا عارفين

كيف نظام الوظايف عندنا....

يعني الواحد لو راحت عليه وظيفه بينتظر سنين عشان تجي غيرها..

المهم انه للاسف ماانقبل فيهاا هذا كان في شهر 7 العام المااضي .. بصراحه تحطمت رغم اني

كنت ادعي بس ربي مااستجاب دعوتي..

بس مااستسلمت ظليت ادعي في كل وقت ان ربي يرزقه بالوظيفه وخصوصا" في شهر

رمضان اللي راح دعيت كثييير..

بعد رمضان جاه عرض لـ3 وظايف بس للاسف ماتوفق فيها...

واستمريت بالدعاء وقبل شهر قدم على وظيفه مشابهه للوظيفه اللي قدم عليها العام ..

بس الفرق ان العام ماانقبل نهاائي....

بس هالسنه تجاوز الاختبار بنجاح بس المقابله ماتجاوزهاا للاسف.. بس عالاقل كان فيه نسبة تقدم صح والا لا؟؟؟

مازلت ادعي له بالوظيفه لان العائق الاساسي لزوجنا الوظيفه وبعدها الاهل الله يستر اخاف يرفضوون ..

بس انا ماشلت هم اقناع الاهل كثر مااشلت هم وظيفته لان الاهل مقدور عليهم وفيه ناااس ان شاء الله بيساعدونا

بهالموضوع... ومتفائله خير .. ومازلت ادعي

المهم اني خلال هالــ8 سنوات عانييييت كثير كل شوي يطلع عاائق جديد بس مع الدعوات تنزاح..

بس اللي متعب نفسيتي الآن الناس.. ودي اقتلهم .. جد والله احكي !!ودي اموتهم .. يقهروووون

انا عمري 23 سنه وكل شوي طالعين لي بكلام.. ليه ماتوافقين على فلان.. واللي بعمرك تزوجوا.. وانا اتعذر بالدراسه

اقول لهم باقي لي سنتين اذا خلصت فيها حلال.. قالوا: الدراسه مو عذر .. قلت مير عناد اذا خلصت كليه

بكمل مااجستير يعني انسوا اتزوج..

طبعا" اكثر اللي يقول هالكلام اخواتي ,, والا امي تقول: بكيفك انا ماابي اجبرك على شي الزواج مو لعبه ومو غصب

اخاف بكره نغصبك وتقولين كله منكم..

وانا والله يابنات بمجرد مااحد يخطب يجيني اكتئاب اشيل هم واصيح واتضاايق بمجرد التفكير اني بكون مع غيره..

وانا مو النوع اللي ماانسى الناس الي احبهم ابدا" واظل افكر فيهم لو مفترقين من 4 سنين < حاصل لي موقف

مع وحده من صديقاتي وربي للحين حاافظه رقمها ولو اتصل عليهاا اتصلت وانا مغمضه... رغم ان لي عنهاا 4 سنين..

هذي قصتي بأختصار<< كل هذا واختصار..

بس والله يابنات شفت تأثير الدعاء بعيني في مواقف كثيره بس هذي اقوى المواقف اللي

مرت علي وذكرتهاا لكم وربي شاهد علي بكل كلمه ذكرتها وان هالمواقف صايره لي شخصيا"..

بنات تكفون ادعوا له بالوظيفه الحكوميه...:09:

على فكره وانا اكتب هالكلام اذن المغرب وبين الاذان والاقامه وقفت كتابه ودعيت لنفسي وللي اتمناه

بس والله اني مانسيت مجموعة الواثقات بدعوهـ حلوه من القلب..

ادري ياقلبي بس انا لما رجعت للصفحات شفت مشااركتك


ياااارب يسر للمجموعة الواثقاااااات كل خير واجمعهم بمن يحبووون عاجلا غير اجل



اللهم يامسخر يامسخر يامسخر سخر لنا الاسباب التي تجمعنا مع من نحب بالحلااااااال

آآآآآآآآآمين يــــارب