عشان عمري 27 :(
يقولون قربتي من الثلاثين وانتي ماتزوجتي :(
طيب وش اسوي نصيب :(
ويتعللون اني كنت أرفض الي خطبوني من قبل ونا مارفضت من نفسي الا واحد..
الباقين هم رفضوهم زي ماانا رفضتهم ..
والله اني رفضت وقفلت على نفسي وعييت اوافق بس امي عيت تتكلم معي وابوي سواها لي قضيه..
وجاب الرجال وقابله مع اني رافضه!
وقلت ماتسوى علي كله الا رضى الوالدين :(
والحين عندي أمل اني زي ماوافقت عشان لااخسر والديني ان ربي بيرضيني ويرضى عني..
عندي أمل كبير اني مااعجبه :(
فيها شي لو قلت للي متقدم لي اني ماابيه وانو ماافكر بالزواج بس عشان اهلي شارينه ومصممين عليه ماقدرت اقول لا وودي الرفض يجي منه؟
يارب ترحمني برحمتك ماعاد قمت اعرف افكر :(
عشان عمري 27 :(
يقولون قربتي من الثلاثين وانتي ماتزوجتي :(
طيب وش اسوي نصيب :(
ويتعللون...
الله يسخر لك اهلك ، ويصرف عنك هالخاطب من غير شر يارب ، ادعي وحاول تكلمين امك مرة ومرتين وثلاث
اللهم اني اسالك باني اشهد بانك انت الله لااله الا انت الواحد الاحد الصمد الذي لم يلد ولم يولد ولم يكن له كفوا احد ان تجمع (كن انت) مع من تحب في حلالك عاجلا غيرآجل، اللهم سخر لهم خلقك واجعلهم من عبادك المخلصين انك كنت بهم وبنا بصيرا ... الحمدلله رب العالمين وصلي وسلم على نبينا وعلى آله وصحبه أجمعين...
* اشوف انه ممكن تقولين لاخت الخاطب انك لاترغبين في الزواج منه ولاتظلمينه بسبب اجبار اهلك والله يوفقه مع من هي خير له منك ، هذا والله اعلم ..ماابي اقول كلامي احاسب عليه لكن هذا رأي قد يكون صح أو خطأ..
اكثري الاستغفار ويارب تبشرينا انك تزوجتي غاليك ،،،