صحيح ان الوحده ماتصبر عالاهانه ولا تسكت عليها وتكون قويه وماتلزق بزوجها
بس مو ضروري استرداد الكرامه بالطلاق
حتى لو الاهل واقفين مع بنتهم مافي اهل طبيعين يتمنوا بنتهم ترجعلهم والا ماتجيهم شماته من تحت راسك والا مايفلت من لسانهم يوم كلمه تبين انهم مضايقين انك رجعتي لو مو من الاب من الاخوان
غير شماته الناس وطبعا في حالات الشي هذا كلو مايهم
بس
السنه الاولى معروفه انها كلها مشاكل واذا كل وحده اطلقت من اول مشكله كبيره كثير بنات حيندموا
لان الغلط منه ومنها
كثير بنات رجعوا لازواجهم وهما كانوا طالبين طلاق بس بعد رجوعهم حسوا بالندم وقالوا الحمدلله مااطلقنا لان البنت فهمت اغلاطها والزوج فهم اغلاطه
والاولاد مستحيل ام تقول عادي اشوف اولادي مره بالاسبوع مستحيل تتجنن اصلا
هذا اذا كانت ضامنه تشوفهم كل اسبوع ياما سمعت قصص عن رجال شردوا باولادهم بره البلد بس عشان يحرقوا قلوب امهاتهم
والحقوق اللي تتكلمي عنها نادرا الوحده تقدر تاخدها
والاهل اغلبهم مايبغوا بزورتهم عندهم خلاص واذا الاب والام مافي انسي اخوان او عمان او خيلان يفكروا غير في نفسهم
والزواج مو بالسهوله اللي تتكلمي عنها بالعكس ممكن تخرج من حفره لدحديره
لانها اتبهدلت هذي البهدله وهوا متزوجها بكر كيف لو واحد اخد مطلقه تتوقعي يدلعها ويهنيها؟؟
والوظايف والدراسه صعب جدا الوحده تقدر تكمل
مدري احس الغلط في كلامك اكتر من الصح
في رجال خلاص واضح ان مالهم حل وفي رجال يحيروكي مين الغلطان انتي ولا هم تحسي انهم كويسين بس يبغالهم فتره الين ماتتعلمي تتعاملي معاهم يعني الغلط منك ومنه
وانا مقتنعه ان الاولاد يعيشوا بين اب وام منفصلين افضل من انهم يعيشوا في بيئه سيئه ويشوفوا امهم تنضرب قدامهم او ابوهم يشرب يعني الصبر عشان الاولاد مو في كل الحالات
بس مو معناها خلاص اي شي يصير تتطلقي وتقولي اولادي معايا او عند ابوهم ومرته
بس مايمنع ان الزوجه لازم تعيش لنفسها وتحسس زوجها ان الحياه ماشيه بدونه وانها مبسوطه ومو ميته عليه
وجمله خلي الحب في حلقك مو قلبك
معروف الحب مكانه القلب مافي حب في الحلق ولا في العقل ولا في البطن
ومو بيد الانسان ولا يتحكم فيه
في حريم رجالهم فيهم كل عيوب الدنيا وقمة الاهانه بس مو بيدها الحب غصبن عنها تحبه وتتمنى تقدر تكرهه
في هذه الحاله اقول للزوجه اتخيله مات واتركيه ماكنتي حتقدري تدفعي عنه الموت

اذا الرجال موبخيل وكريم ومحترم ولاهو براعي خربطه
بنات وحشيش وشذوذ الحياه ينصبر عليها اماتجيك وحده
يتفل في وجها وذالها ذل ويجاهر بمحرماته وتقول ادري اللي يسويه حرام بس اموووووووووووووووووووووووت عليه
يرضخها ويطقها ليل ونهار ومعامله مالها علاقه بالانسانيه
وتقول مقدر اخليه تستاهل اللي يجيها واه اه اه من الردود
السلبيه تقولهم راسي فيه كم غرزه وتوني طالعه من المستشفى من ضربه يقولون معليه روحي خذي طشت
وحطي ماي وملح ودعكي رجوله لازم تكون شخصيتك قويه
من البدايه من اول ضربه واول اهانه ولا خلاص راح يمارس
العنف معك طول عمره

يعين الله يابنت الحلال
حنا الجريم مجنونات اذا حبينا صعب نكره مثل الرجال
صعب ااسبه وشغتمه عند اهلي واهله والكل يتشمت
لاكن هو سهل يسوي هالشي
والكلام سهل بس الفعل صعب جدااااااااااااااااااااااااااااااااااااااا

المرأة بكل الاحوال لا ترمي روحها بقوة على الرجال و بنفس الوقت لا تهينه
حبيـه .. وبنفس الوقت حبي روحك
لا تقصرين على نفسك زي ماتقصرين عليه

و كل شي توفيق من الله

سبحان الله العظيم