السلام عليكم ورحمة الله
ماااعرف كيف احكي قصتي لكم حوائيات
تسع شهور كنت اتابع معكم واقرأ قصصكم .. واتشوق ل اليوم اللي احكي فيه قصتي لكم
ماكنت اعرف انها بتكون قصه مؤلمه و حزينه .. الله يصبرني ويعوضني اللهم آآمين والحمدلله على كل حال
كان اليوم المقرر لولادتي النصف من شهر شوال
صمت رمضان كاامل وماكان عندي مشاكل في الحمل لاظغط او سكر او غيره
اخر مراجعه لي كانت ب عشرين رمضان وكان كل شيء تمام
اخر يوم برمضان صحيت ع ضيقة صدر وثقل ببطني
كان الجنين مايتحرك .. ياربي فكرت انه نايم قلت يمكن بعد الفطور ينشط ويصحى ؟
بعد مامرت 12 ساعه وتاكدت ان الحركه متوقفه جريت ع المستشفى
وكانت الصدمه
الجنين متوفي
وماغير يهاوشن فيني السسترات بالطواريء
ليه ماجيتي قبل ؟
من الصدمه ماقدرت حتى ابكي ..
قلت للدكتوره لا .. ابطلع وانام .. وبيرجع البيبي يتحرك
كانت نظراتها لي غريبه .. نظرات كلها شفقه
زوجي يهدي فيني .. يقول خلاص .. البيبي مات .. واكرام الميت دفنه والله بيعوضنا . اللي جابه يجيب غيره
قلت له لا ..
انا انتظره من 17 سنه
وماباقي الا ايام على ولادته والحين يموت حتى ماشفته ولاحضنته
هم يكذبون .. اجهزتهم خرباااانه
قالت الدكتوره تحبي تتاكدي وتطلعي مستشفى ثاني ؟
اذا تبي ترجعي لنا انا انتظرك الى الفجر
ماراح اقفل ملفك
قلت ايه .. ابطلع مستشفى ثاني .. واروح جري على مستشفى خاااص كبير ومعروف
نفس الشيء .. اجهزة التخطيط والسونار كانت كلها صمت
هذولي صدموني وقالوا لي خلاص البيبي موت .. مافيه بيبي
تعوذت من بليس .. وبديت استوعب الامر .. وامتص الصدمه .... وبكييييت
قلت لنفسي الله ماقسم لي اجيب هالولد .. الله ماكتب لي ..
رجعت ع المستشفى اللي اراجع فيه
قال زوجي للدكتوره خلاص سووا اللي تشوفونه
قررت علي تنويم .. طلق صناعي وتوليد
ياجعلكم ماتمرووون باللي مريت فيه .. ياطولها هذيك الليله .. الم وحزن .. ليلة عيد .. اهلي عرفوا وتنكدوا
واهل زوجي نفس الشيء
هالعيد مر علينا ماكانه عيد
امي واخواتي مالبسوا فساتينهم .. حتى الكحل مادخل عيونهم
الظهر اخذت الطلق الصناعي .. وياجعلكم ماتجربونه .. الم لايطاااق .. حتى ابرة الظهر ابيها وكاتبتها لي
طبيبة الطواري .. والقابله الامريكيه رافضه تعطينيها .. حسبي الله عليها ماترحم
من الظهر الى الليل الساعه تسعه تخلصت
وجبت ولدي الله يقبله
الله يخلفه علي .. ويعوضني عنه يااارب
غرفة الولاده كانت كلها صمت .. وهدوووء
كان ولدي مرتخي .. ومسكر عيونه .. كان طفل جمييل .. بشرته بيضاء ورديه ..و شعره اسود وكثيف على ابوه
وشفايفه حمراء كانها كرز
وجهه جامد كانه عروسه " دميه "
اخذته السستر ع الميزان .. قالت لي وزنه 2 كيلو و700 غرام
..سبحان من اعطاني العزاء والقوة بهذي اللحظات
جاء طبيب الاطفال وطبيبه استشاريه
كشفوا عليه
قالوا لي
الطفل طبيعي تماما
قالت لي السستر تبين تشوفينه اكثر
قلت لها لا .. خلاص
راحت ل زوجي وقالت : تبي تشوف الطفل ؟
قال لا
كان مايبيني اشوفه
يقول لي تكفين لاتشوفينه
لكني ماقدرت
قلت ابشوفه والحمدلله على قضاءه وقدره
الحمدلله على كل حااال
اخذته السستر ولفته وسكرت عليه
قالت بتوديه المختبر
وقتها انا صرخت قلت لا
لاتشرحونه
قالت لي الطبيبه لا .. التشريح ممنوع بالسعوديه .. احنا بس بناخذ تحاليل منه
عشان نعرف اسباب الوفاة
رحت لغرفتي هذيك الليله
وياطولها من ليله
وربي مانمت .. ولاعرفت عيني طعم النوووم
كنت ابكي بصمت ..
احسااس مؤلم جعلكم ماتحسونه
بدل مايكون ولدي نايم بالحضانه
يدخل بدالها للثلاجه
يااارب صبرني
جاء زوجي الصباح .. واستلمه .. غسله وكفنه .. صلوا عليه الظهر بجامع الملك خالد
ودفنه بام الحمام
ياارب
فرح كل حاامل بشوفة جنينها سليم معافى من كل شر
وترزق كل محروومه وتفرح قلبها ياارب
وتعوضني عن ولدي
لا يسلبك الله شيئاً الا عوضك خير منه , اذا صبرت واحتسبت
اللهم اجعلنا من الصابرين المحتسبين …
استيل @astyl
محررة
يلزم عليك تسجيل الدخول أولًا لكتابة تعليق.
Danayh
•
بكيتيني اختي الله يعوضك ان شاء الله ويصبرك ويمسح على قلبك انا سقطت بو 5 أسابيع والدنيا الواسعه ضاقت فيني وتأزمت نفسيتي وحسيت اني تعلقت فيه الله يساعدك يارب وعسى ربي يرزقك ويرزقني ويرزق كل محرومه الذريه الصالحه عاجلا غير اجلا
لا اله الا الله
الله يعوضك خيرا ***** الله
واحسني الظن بالله
واحتسبي الاجر
والله يجعله شفيعا لك يوم القيامه
الله يعوضك خيرا ***** الله
واحسني الظن بالله
واحتسبي الاجر
والله يجعله شفيعا لك يوم القيامه
الصفحة الأخيرة
لاحول ولاقوة الا بالله اللي العظيم انا لله وانا اليه راجعون
عظم الله اجرك اختي الحبيبة اقسم بالله دمعت عيناي لما قرأت قصتك ولكن هنيئا لك اختي بهذا الصبر وابنك انتقل ن دار الفناء الى دار البقاءباذن الله
اسأل الله العظيم رب العرش الكريم ان يربط على قلبك ويعوضك وزوجك بالذريه الصالحه المعافاة ويبدل حزنكم فرحا انه ولي ذلك والقادر عليه