لايطوفكم اخترعت شي شي مو اي شي

سلام يا حبايبي الحلوين
اول مره اكتب بهالقسم موضوع لان صراحة انا مو من طبعي الابتكار وصنع الاشياء

مو لاني ما احب لا بالعكس انا غرامي بالحياة شي اسمه عنايه بالبشره
بس والله من ضيق الوقت
وكثرة اشغال الدنيا
وهني بدت قصة اختراعي<<ضيق الوقت ههههههه
كلنا نحب لما ندش الحمام نتفرك عدل مدل وبكل شي موجود عندنا
وخبركم حنا مو مقصرين كل ماشفنا شي بهاالسوق خميناه ومشينا
المهم طولت عليكم ادري بس شسوي احب القرقه
بيوم من ذات الايام دشت الاميره ورد وريحان الى الحمام وقد استعدت للسباحه<<<<<ترترتتم<<<<<<ثقه بلاحدود ههههه
ولما دشت ولا تشوفلها ذيك الشوفه
الحمام المغربي ينادي من مكان
والسنفره من مكان
والصابون من مكان
وسائل دوف من مكان
يه يه يه
كل هذا ياورد وريحان
لا وبعد اكثر واكثر اللي مخشوش اعظم هههههههههه
والاهم من كل اللي نادوها عيالها اللي نايمين بالغرفه وخايفه يقعدون
وتتاخر عليهم

اها هني مربط الخيل
قلت ياربي ودي اتفرك فيهم كلهم بس شسوي شسوي



لقيتها



مسكت هالخرابيط كلها وخبصتها

ومن هني بديت اسوي سنفرتي وكل يوم اضيف عليهاشي
وطبعا المقادير مع الزمن اكتشفتها عشان تخلي ملمسها زين وسهل التفرك

وبما اني معاهده نفسي اول ما القى شي يفيدني بنزله لكم عطول
عشان كلكم تستفيدون يا حلوين قلت انزلها لحبيباتي بالمنتدى
والان نبدا بالمقادير<<حشى كيكه موسنفره
(سنفرة المشمش نصف علبه
__صابون مغربي كوب كبير
_صابون غار معطرحبه مبشوره_
صابون دوف سائل لشد البشره_
نفس هذا بس مكتوب عليه لشد الجسم
صابونة البابايا اي نوع اللي انت متعوده عليه مبشوره_
صابون مغربي معطر 5 ملاعق
_سنفره معطره3 ملاعق_
سفيد اب حجر واحد او كره واحده_او يجي جاهز مطحون
املاح البابايا او اليوكو او ملح الحليب واذا تحبين اكثر من نوع ما في مشكله
(المهم الكميه كيس كامل من جميع الانواع واذا نوعين نص كيس من كل نوع وهكذا.......
او اي نوع تحبين من الاملاح اللي الكيس مالها بربع او 350 فلس
(_نصف علبه من مقشر اسمه kustie)موجود بسلطان سعره حوالي 3 دينار كويتي
وفي منه انواع انا خذيت بالعسل واللوز وبزيد عليه نوع ثاني يمكن اللي بالخيار وان شالله
_نص كوب ماء ورد


الشروط
تستعملينها كل اسبوع مره او مرتين مع الليفه المغربيه
تستعملين بعدها كريماتج اللي تحبينها واهم شي تكون مرطبه(كريم فيتامين سي
او بيبي اويل)
مو تقطعينها بسبب كسل او عدم وجود مواد
من الحين روحوا السوق وحضروا الاغراض
والله اغراضها كلها سهله ورخيصه وغالبا متواجده بكل بيت
مقارنة مع الفائده اللي بتلاقونها

النتيجه

جسم ناعم ومشدود
(من دوف السائل)
وخالي من الحبوب والسواد
وريحه مو طبيعيه خياااااااال ريحة نظافه من قلب
عرفتوا الحين ليش الصابون المعطر والسنفره المعطره



طبعا اللي حابه تزيد عليها اشياء من اللي تستعملها مافي مانع
وانا للحين قاعده اطور فيها وبوافيكم بكل جديد


وبالنهايه بس ابي تدعون ان الله يحقق اللي ببالي ويحفظلي خالد وريم

وابي اشوف تفاعل امانه يابنات جربوها ترى عجيييييييييييييييبه واللي تجربها تسدح رايها هني


منقوووووووول للفائده