يم يم احبه تسلمي عالطريقة

مشكورين

تسلم الايااااااااااااادي

يعطيك العافيه

هلا اختي

انا جربت طريقتج مرتين بالخلطة النهائية بس على ورق عنب جاهز عندي.. و للامانة اضفت مكعب ماجي و ملعقة كبيرة دبس الرمان و النتيجة يمي يمي :)

و اهم شيء انه بعلي تجنن عليه..

بس انا التحدي الاكبر بالنسبة لي هو ضيط طبخ ورق العنب بالنفس.. لان في كل محاولاتي السابقة كان يحترق من تحت و تطلع ريحة الحرق في الاكلة.. و هم يطلع ناشف و العيش مو مستوي.. :(

امس اتبعت طريقتج بحذافيرها.. مع اضافات بسيطة قريتها في المنتدى عشان احصل على ورق عنب طري.. فانا قبل لا احشي ورق العنب.. غليته في ماي لمدة 3 او 4 دقايق بس.. و زدت الملح في الحشوة بمقدار ملعقتين صغار على الطبخة الرئيسية + مكعبين الماجي اللي اصلا في الطبخة.. و ملعقتين ملح في الخلطة النهائية.. حطيت سكر بس في الحشوة لان لما ذقتها كانت حالية كثير علي.. و ذوقت زوجي قبل لا احشي و قال بالفعل السكر كان باين وايد.. عادلته باني حطيت في الخلطة النهائية ملعقتين دبس الرمان و استغنيت عن السكر تماما..

النتيجة كانت كالاتي

ورق عنب العمر :)

بس كان طعم السكر بعده مبين و الملح قليل <--- عيوب جدا بسيطة و باذن الله اتفاداها المرة الجاية..

رأي الاعلبية كان كالاتي..

بيت اهل زوجي.. كان عندهم عزيمة.. و كان عندهم ضيف نباتي ما ياكل لحوم و قلت لهم انا بسوي ورق عنب.. هما قالوا اوكيه بس الظاهر ما كانوا واثقين (بيني و بينح و لا انا ههههه) ...فقامت ام زوجي طلبت من اخت زوجي تسوي ورق عنب (لانها مشهورة فيه) .. و سلفتي كانت جاية و جايبة ورق عنب!!! <---- متخيلة التحدي اللي صرت فيه خخخخخخ

تتوقعين شنو صاااااااار؟؟؟؟

انا للاسف كنت متخوفة و لاني اعرف بيت عمي ما ياكلون ورق العنب مالي <--- سوابق بعيد عنك خخخخخخ

خذيت صحن متوسط يكفي لشخصين الى 5 بس.. يعني للضيف و الباقي ذواقة...

و مع ان السفرة كانت زاخرة بكل ما لذ و طاب... كل اللي على الطاولة.. كلههههههههههههم... نسوا كل الاكل الموجود... و هجووووم مسلح على صحني... خاصة الرجال و الاطفال ... اما الحريم مخازز من تحت لتحت .. و اخر شيء مدوا يدهم بس عشان يعرفون شالسالفة خخخخخخخ (حريم بعد شنسوي) ...

و الله كنت فرحانة واااايد و ندمت اني ما خذته كله.. وحسيت زوجي فخووووووور فيني وااايد... كان قااعد و نافش ريشه خخخخخخخ

و امانة هو قال لي ردي على هالبنت و اشكريها وااايد نيابة عني ...

و انا اشكرج من كل قلبي... ما تتصورين اشكثر فرررحاااااانة... احس اخيييررررراااا قدرت اسوي ورق عنب... ومو اي ورق عنب.. الا ورق عنب مشرف و حلو ..

روحي يا اختي.. الله يفتح لج كل باب خير و يرزقج و يعطيج لين يرضيج... و يسعدج و ينولج كل اللي في بالج اللهم امين :)