بسم الله الرحمن الرحيم
السلام عليكم ورحمه الله وبركاته
ماشاء الله عليكم يا بنات عالم حواء تشجعون الوحدة إنها تنزل مواضيع بتفاعلكم وردودكم الحلوة الله يبارك فيكم
اليوم سويت على الغداء محشي خضار وطبعا ما نسيت صورته لكم
نجي على المقادير :
كوسه صغيرة
باذنجان ابيض
فلفل رومي
بطاطس صغيرة
بهارات مطحونه مشكله + ملح + ملج جاوة + فلفل اسود
فلفل حار قرون
زيت
وهنا صورة بعض المقادير
طماطم معصورة
بصل مفروم+ ثوم مفروم
كزبرة مفرومه
لحم مفروم طازج
نخلط اللحم المفروم والبصل والثوم والبهارات والملح والفلفل الاسود مع بعضها ونجهزها للحشوة الخضار وهنا الصورة توضح
نحشي الخضار با اللحمه
نسوي التكشينه زيت وبصل ونقلبها ونضيف لها بعدين الثوم ونقلبها مع بعضها
ألحين نضيف الطماطم المعصورة ونضيف عليها البهارات والملح والفلفل الحار ونقلبها مع بعض
نضيف مويه حارة على الطماطم ونخليها تغلى شوي بعدين نسقط عليها الخضار ونخليها تطبخ وهذة صورة توضح كلامي اكثر
نخلي قدر المحشي على نار هادئه جدا لمدة ساعه تقريبا >> وهذا سر من اسراري في الطبخ
وفي نفس الوقت إللي يطبخ فيه قدر المحشي سويت سلطه حارة عبارة عن كزبرة خضراء وطماطم مقشرة وفلفل قرون وخلطها بخلاط البصل وبعدين اضفت عليها ملح وخل وليمون >> انا اكثر الكزبرة الخضراء في السلطه يطلع طعمها رووعه ولونها يجي على اخضر مرررة لذيذة جربوها
وبعد ما يستوي المحشي نقدمه مع السلطه الحارة مثل هذة الصورة
وبا العافيه وإن شاء الله اكون افتدكم
اختكم
داعيه للخير