السلام عليكم ورحمة الله وبركاته
كيف حالكم جميعا ؟؟؟
أتمنى ان يكون الجميع بصحة وعافية على طووووول...
تبون الوصفة السحرية لجميع مشاكل البشرة ؟؟
أكيد تبونها بسرررعة عشان تجربونها ....
بس انا بصراحة كتبت هالعنوان عشان ابيكم تدخلون وتقرون الكلام اللي يقرقع في قلبي من فترة طويلة .....
يعني مدري شنو سبب الهوس اللي عندكم على البياض ... خلطات وأبر و كريمات ووووووووو.....
كل هذا في سبيل انك تبيضين .....؟؟؟
طيب الله خلقك سمراء لازم يعني تصيرين بيضاء؟؟؟ وعلى أي أساس ....؟؟؟؟
وبعدين بتستعملين الخلطة شهر ولا شهرين وبتبيضين ... و بعدها بتتركين الخلطة ..طيب وش صار بعدها ؟؟ بترجعين مثل قبل ؟؟؟
والله ياجماعة لما وحدة تتكلم عن أبر التبييض أتذكر نجم البوب الأمريكي مايكل جاكسون اللي غير لونه بعد ماكان أسمر داكن صار أبيض بس بياض كريه مو حلووووو....! تدرون ليش بياضه مو حلوووو لأنه مو طبيعي ...
طيب..
ليش كل هذا؟؟؟
أدخل كل يوم هالقسم واقرا مواضيع تبييض البشرة و تبييض الركب و تبييض الأكواع ....
محد ينكر حقيقة السعي وراء الجمال ... و بتقولون إن الله جميل يحب الجمال ... كلامك صحيح 100% ...
ولكن كل شي و له حدود ...
يعني انتوا تسوون هالخلطات .. هل تدرون مضارها ؟؟ هل تعرفون التفاعلات الكيميائية اللي تسببها خلط المواد الداخلة في الخلطات .. ولا هو بس تقليد أعمى وخلاص ....
اذا تبون عناية وجمال اشتروا المستحضرات المعروفة و اللي تكون مختبرينها اطباء جلدية مو أي شي نجربه و نحطه على اجسامنا و وجهنا .....
ياحبيباتي ....
أنا ممرضة و شفت حالات بالمستشفى كثيرة على ناس يجربون و يجربون و بعدين ... يحدث مالا يحمد عقباه من تشوهات وغيره ....
وصدقوني أشعر بالشفقة عليكم من هذا اللهث الغريب على هذه الخلطات .....
طيب ابيضيت وبعدين .... شنو المهم بالنسبة لكم الناس يقولون فلانة صارت بيضا وحلوووة ولا فلانة خلوقة و متدينة ....
أعتقد ان هذا كله انشغال بالدنيا يعني اللي عندها وقت كل يوم او كل أسبوع تسوي برنامج عناية وتستعمل هالخلطات ... هل وقت عبادتها يستغرق نفس وقت برنامج العناية ؟؟؟؟
ياريت كل وحدة توقف وقفة صادقة و تجاوب هالسؤال بينها وبين نفسها ......
واللي متزوجة بتقول انها تسوي كل هذا عشان ترضي زوجها و تكون حلوة بعينه ......!
طيب ماتدرين يا اللي تدورين رضا زوجك أنك المفروض تقدمين رضا الرب على رضا الزوج ... وحتى لما تسوين أي شي لزوجك المفروض تسوينه وانتي في نيتك رضا الله و احتساب الاجر ... لأن الزوج بشر .. والبشر مايملي عيونه إلا التراب ....
واللي بتقول ان العناية بالجسم والجمال طبيعة انثوية فكلامها صحيح ... وأنا شخصيا أهتم بنفسي ....لكن كل شي يزيد عن حده ينقلب ضده ...
على العموم هذا الكلام انا قلته عشان ارضي ضميري و فكرت فيه وايد قبل ما اكتبه ...
بس هي كلمة حق حبيت اقولها ......
نبي وعي ياجماعة مانبي جهل وتخلف ......
اختكم المحبة لكم // الزين كله
يلزم عليك تسجيل الدخول أولًا لكتابة تعليق.
ستيلا جيفنشي
•
مشكورة
والله يا أختي صادقة في كلامك بس لاحياة لمن تنادي ولكن
البعض يبحث عن تفتيح الاماكن الداكنة بالخلطات الطبيعية وهذا في راي مافيه شيء لانه مع الشغل واستعمال أدوات التنظيف بتغير ملمس البشره وبطبيعة الانسان يحب الجمال والنعومة مثل بشرة الاطفال
وممكن وانت بتعملي برنامج العناية ماتنسي ذكر الله إجعلي لسانك دائما يسبح ويكبر ويهلل ويستغفر
اما الكريمات والابر والادوية كلها ضارة وتسبب على المدى البعيد أمراض الله يجيرنا منها
الخلطات الطبيعيه المجربة والمعروفة في راي مافيها شيء وشكررررررا
البعض يبحث عن تفتيح الاماكن الداكنة بالخلطات الطبيعية وهذا في راي مافيه شيء لانه مع الشغل واستعمال أدوات التنظيف بتغير ملمس البشره وبطبيعة الانسان يحب الجمال والنعومة مثل بشرة الاطفال
وممكن وانت بتعملي برنامج العناية ماتنسي ذكر الله إجعلي لسانك دائما يسبح ويكبر ويهلل ويستغفر
اما الكريمات والابر والادوية كلها ضارة وتسبب على المدى البعيد أمراض الله يجيرنا منها
الخلطات الطبيعيه المجربة والمعروفة في راي مافيها شيء وشكررررررا
رومانزا
•
يا الزين كله مش شرط الواحدة تكون سمرا وعايزة تكون بيضا
لكن لو واحدة بيضا في الأصل واسمرت من الحر والشمس مثلا
أو ان الجسم مش كله لون واحد صافي
أكيد لازم نعمل حاجة عشان اللون يرجع لطبيعته
لكن لو واحدة بيضا في الأصل واسمرت من الحر والشمس مثلا
أو ان الجسم مش كله لون واحد صافي
أكيد لازم نعمل حاجة عشان اللون يرجع لطبيعته
الصفحة الأخيرة