السلام عليكم ياربع حواء ويامرحبا ويامسهلا الموضوع نوربوجودكم كاني كثرت هذره المهم اختكم في الله الي هي انا من زمااااان نفسها تسوي دجاج محشي بس الكسل مربطني واليوم قررت اني افك حبال الكسل واسوي الدجاج بنشاط غير متوقع
الي يسمعني يقول هذي بتطبخ ذبيحه المهم حبايبي ندخل في الموضوع واتمنى تعجبكم واشوف تفاعلكم
وردودكم الي تبسط القلب يالله نبداء
اول شي نجيب الدجاجه ونفتحها من ظهرها ونحاول نشيل العظم بحذر بحيث ان الدجاجه تكون كامله مثل الي بالصوره هذي الدجاجه متبله جاهزه للحشوه
نقطع حبة بصله متوسطه وفصين ثوم مكعبات صغيره ونشوحه في ملعقة سمنه وزيت زيتون الى ان يذبل
ونحط عليه ملعقة صلصله صغيره ونص مكعب ماجي وملعقه صغيره فلفل اسود وبهار الكاري حسب الرغبه
طبعا الخضار اختياري انا حطيت حبة بطاطس مقطعه مكعبات صغيره وكشنتها مع البصل
بعدين حطيت خضار مشكله مجمده على البصل والبطاطس
بعدين نحشي الدجاجه
ونلفها على بعض وتلف بقصدير
وتحاولين تلفينها وتشدين القصدير عليها وتلفينها مره ثانيه بقصديروتحكمين لفها عشان ماتنفك وهي تنطبخ
وبعدين تحطينها في صينية التوست ولك الحريه بس افضل
وتدخل الفرن على نار هاديه لمده لاتقل عن
الساعه ونصف وبعدين تطلعينها وتشيلن عنها
القصدير بحذر عشان الشكل
وترجعينها الفرن عشان تتحمر من فوق ومن تحت
يتبع لااحد يرد الله يسعدكم
وهذ الشكل النهاااااااااااااااائي
وهذي من قريب لبعض التعذيب
وهذي وحده
وعليكم بالف عااااااااااااااافيه