لايفوتكم ، موقف طازة من أعز صديقاتي !! من اليوم ورايح أنا صديقة نفسي ..

السلام عليكم ..
يابنات أنا صرت أشك في نفسي من كثر ما أشوف من الناس ، يعني العيب فيه والا فيهم ؟؟!!
خذوا هذا الموقف اللي صار لي اليوم .. واحدة أعتبرها أعز صديقة عندي ، دايما أعزمها وتجلس عندي بالساعات ولا عمري حسستها اني متضايقة منها ، بالعكس والله اني أرحب فيها وأكرمها لآخر لحظة ، وهي عمرها في حياتها ماقالت لي تعالي عندي ، وكنت أعذرها والله ولاعمري تضايقت من هذا الشي بالعكس كنت أقول : يمكن عندها ظروف وووو
لكن اللي حصل البارح إن الأخت قالت لي : تعالي لي بكرة خلينا نسولف وأكدت عليه وقالت تعالي بدري ، قلت لها طيب ..
واليوم اتصل عليها حسيت انها تتهرب مني آخر شي قالت لي : والله الجو حلو والبنات ودهم يتمشون !! إيش رايك تطلعين معنا للمنتزه .. :eek: قمت احاول القط وجهي وقلت لها : لا روحوا انتم ، أصلا أنا كنت بروح لأهلي .:06:
بعد كذا حسيت بحرقة في قلبي من تصرفها وأرسلت لها رسالة كتبت فيها : ( صحيح أنا طيبة وذوق وأخلاق لكن موغبية ولا هبلا ، وترى انت اللي عزمتيني مو أنا اللي قلت بجيك ولا فرضت نفسي عليك ) و طنشت ولا ردت على رسالتي ولا اتصلت ..
واللي قهرني أكثر إنها ماهي أول مرة تسوي فيه موقف بايخ ، تخيلوا من فترة قالت لي : اليوم بمرك ونطلع سوى نروح منتزه واقعد استناها ولا جات واتصل فيها تقول شويه وساعة ، ساعتين ، ثلاث ... وآخر شي تتصل وتقول ابمرك البيت اجلس عندك نسولف وتجي الساعة عشرة في الليل وهي ماجات ..بعدين تتصل وتقول مايمديني أجي :icon33: تخيلوا ربطتني من الظهر لين الليل وانا أستناها ..
بالله ، إيش رايكم في اللي كذا ؟؟!! وكيف اتصرف معاها ؟ وإيش رايكم في الرسالة اللي أرسلتها لها ؟؟ والله اني أفكر اقاطعها وارتاح ، لكن ماني قادرة :( مشكلتي أعزها حيل .. لكن صرت أخاف أكرهها من تصرفاتها البايخة معاي ..