لايفوتكم والله موضوع فتاااك

أنا أحبها وهي تحبني والعشق لايق علينا:)السلام عليكم ورحمة الله وبركاته

وانا اقرأ بعض المواضيع لقيت هذا الموضوع اللي حمسني مررررررررة وغير فكرتي عن نفسي لدرجة كبيرة والله
جزاها الله خير اللي كتبت الموضوع
وهذا نص الموضوع بين ايديكم
مساكم الله بالخير
اول طله موضوعيه وتتشرفون انها بقسمكم

جالسه مع صديقاتي وجنبنا شلة بنات بنظرهخطافيه استنتجت :
هذي طويله , وهذي بيضاء , وهذي شعرها يجنن , وهذيك لو تشوفهاامي تخطبها
اما هذي انيقه وستايلها حلو , صديقتهم سحرنياسلوبها بالكلام , ومرت من جنبهم بنت تقوطر نعومه اما صديقة النعومه حكايه ثانيهملح وقبله وطله غيييير !
رجعت عيوني لمكانها على صديقاتي واستنتجت كمان :
نوره تلفت الناس لامرّت ! ريم بيبي فيس وبراءه تخقق ! منى صوتها يريّح اي اذنتسمعه !
حنان ملامح تسطّل ! مرام بعيونها سر الجمال ! اما شفايف غاده يبيلهاموضوع لحالها

هم مو صديقاتي ؟ الا .. طيب ليه هالمره اشوفانهم حلوين ليه اكتشفت ان غمازات ساره هي اللي محليتها ! ليه اليوم بالذات تعجبنيخلود ؟
ليه كل من مر من جنبي ماشفت عيوبه ؟!
هل انا لابسه عدسات توريني الناسحلوين ؟ > بالله عليتس

شيء واحد وبإختصار كل البنات حلوين
والشيءالمقنع اكثر نظرات الرضى والاقتناع تحوّل اي بنت عاديه الى ملكة جمال ..
شفتالجوانب الايجابيه اكثر من السلبيات وبرضو هم تفننوا بإظهار سمات الجمال اللي فيهم



*
انتي سمراء ؟ ودك تصيرين بيضاء .. ممكن أتدخل وأسألك ليش ؟

السمارمو حلو عليك والا انتي عندك قناعه قديمه ان البياض = الجمال

ماأنكر ان البياضشيء حلو بس هل هو فعلاً حلو ع الكل ..
ماعمرك شفتي سمراء وجريتي من اعماق قلبك : ليتني سمراء ؟
انا شخصياً عندي اخت سمراء بس ماتخيّل شكلهابيضاء ابداً مدري احس سمارها لايق عليها وبرضو يعجبني وماانصحها بمنتجات تبييض اوخرابيط تغيّر لونها
شيء واحد بس : سمارها محلّيها وهي مقتنعه
شكلهاكذا كنها هنديه ليه تتعبث بشكلها
انتي برضو شكلك كذا كنك من نجمات بوليوود
بالعكسابرزي سمارك وعززي ثقتك بنفسك بحيث كلمة ( حلوه بس سمراء ) تصير ماتعني لك شيء
لأنك عارفه بداخلك انها ( حلوه لأنها سمراء ) .. ولوّ مالسمار موضه ماناشبونا عليه






اذا مااقتنعتي آسفهوهذي خلطة تبيّض وتوّحد اللون ومجربتها شخصياً عشان الهالات ولاحظت انها تبيّض :

(




ملعقة نشاء + ماء ورد + ملعقة جلسوليد ) تحطينهم مع بعض وتحركينهم بملعقهوتحطينهم شوي على النار واذا بردت حطيها كـ قناع على وجهك لمدة ساعه !


*


انتي طويله بشكل مو عاجبك او العكس وقصيره لدرجه ماتحبينها شيئين بس حطيها ببالك :

-


انا طويله وحتى لو طولي مضايقني ماعليش يانفسي اسمحيلي شكلي كذا عاجبنيوطولي عز وبرضو كذا ولا كذا انا نعومه بكل حالاتي والمرايه تقول

اذانفسك عسره وماتصدقك نصيحه طنشيها لو قالت ياطولك قولي وش قلتي مااسمعك

ولوكررتها تكونين مشيتي وخليتيها





- انا قصيره وقصري أشوفه عيبي الوحيد ! شيءكويس انو هذا هو عيبك

لأن عيبك اساساً ماهو عيب وانتي معطيه نفسك وجه بزيادهومخليتها تتحكم فيك
وش فيها لمّا اكون قصيره ؟ انا اول حلوه قصيره والا آخرهم
يانفسي ماتستحين ؟ ماتدرين ان الناستطوروا وصار فيه اختراع اسمه كعب ؟
والا انتي متحجره وبتعكرين جوي وخلاص ؟
انا وقصري متفقين اننا حلوين احبهويحبني وان زعلت عليه اواسي نفسي وألبس كعب






* شعري وآه من شعري خشنومعقدّني جربت كل الزيوت والخلطات ومانفعت

حتى حمامات الزيت تصير عاجزهقدام شعري باهت ماله لون متقصف والادهى والأمر انه محترق من الصبغه !
هنا ستوووب ماينفع تواسين نفسك وتقنعينها وروحيلأخصائية شعر الله لايهينك
لأن نفسك معها حق بنسبة 100% ومالك حقماتقتنعين بتذمرها






خقيتي على الشعر وصحته ؟ادريوحتى انا خقيت

كلها شوية حركات ورشة اهتمام وتصير شعورنامثل هيك






* بشرتك نفس حالة شعرك ماينفع تواسيننفسك وهي رايحه فيها ! لازم تحاولين تعدّلين وتخففين من الحبوب او الاثار وبأقصىسرعه ممكنه !

دخلتي نت جربتي خلطه ثنتين عشر , سمعتي كلام صديقتك ( اللي اصلاًبشرتها حلوه ) واستخدمتي كريمها اللي تستخدمه , نصحتك قريبتك ان هالمنتج كويّسوممكن يفيد .. ورغم كل هالتجارب بشرتك كل مالها تدحدر وتتعب !
هنا برضو ستوووووبوأقرب عياده تستأصل المشكله من جذورها ..








*


سمينه وامكدايماً تنتقد لبسك مو لأنه لبسك لأنه على جسمك كرهتي نفسك وسويتي دايت قاسي شهرشهرين مافاد تحطمت معنوياتك ويأستي ..

ايّاك تستمرين بالوضع اللي انتي فيهوتقولين مافاد معي شيء وماراح يفيد انا سمينه وراح اظل كذا

ماراح اعجب امي ولاراح يعجبني جسمي انا تعبت وقررت اعيش باقي حياتي مطنشه ؟
سوري حبيبتي لاتعليق
انتي مو على كيفك تستسلمين الوقت اللييعجبك ؟ هذا جسمك يعني شيء يخصّك محد بيقدر يتدخل ويحل المشكله غيرك
اذا انتيتعبتي من نفسك من ماراح تتعبين منه ؟
حياتي انتي تدرين ان فيه شيء اسمه رياضهوبرضو شيء اسمه برنامج غذائي وبرضو شيء مهم جداً وماراح تلقينه بأي مكان الا داخلنفسك اسمه طموح وتصميم وتحدي وثقه !
اذا جسمك مايبي يتغيّر ويعاندك تسوين دايتويسمن اكثر شوفي لك طريقه ثانيه
عادي وش المشكله الحياه تجارب واليأس = الموت
اذا انتي تبي ترتاحين فعلاً ريّحي جسمك بعد وسوي المستحيلات لعيون هالفستاناللي اعجبك بس مقاس عارضة ازياء مش مقاسك ..
انتي تحبين جسمك والا ماكان حاولتيعشانه .. طيب كمّلي معروفك وايّاك تكرهينه !
حبه حبه والا ماتوصلين للنتيجهالمطلوبه بعون الله






مشاكلنا خفيفه اصلاً بس لأننا بنات نحب نكبّرالسالفه

والا بالله ابتضايق بس لان خشمي اكبر من خشم صديقتيوالا لأن شفايفي مايضبط عليها الروج وتتقشر
انا ملاحظه ان رضى البنت عن نفسها ينعكس على وجهها ويبين الجمال اللي فيها
يعني كذا او كذا انا ماراح اغيّر بنفسي شيء كبير فـ بالعكس احبها شيء حلو ليولها ..
الثقه بالنفس يعني الدنيا حلوه يعني نظرة الناس الايجابيه لي يعني حبيللحياه
والعكس يعني العكس






اللحين نجيللشيء المهم اللي هو الاهتمام ! -> ياكم وحده بتقول سلامات ؟توك تتكلمين عن الثقه واللحين تقولين اهتموا !

اللي فهمت من كلامي اني أقول اهملو انفسكم تطلع براااا
وحتى لوقلتي سلامات ؟ بقولك طبيعي ياقلبي لأن الثقه ماراح تجي من الاهمال .. حتى لو انّكحلوه وأموره وكل شيء فيك اوكي بس مهمله يعني خلاااااص فقدتي اهم شيء يحسسك بأنوثتك
اي بنت لازم يكون عندها هالصفه اصلاً حتى ماتحتاجتنميه , تحتاج ممارسه وبس
خصوصاً المتزوجات حسسي زوجك انك انثى بكل ماتعنيههالكلمه من معنى اي شيء تحسينه بيفيدك وتقدرين تشترينه لاتقصرين
كريمات - ماسكات - جل - غسولات ... etc






اللحين قومي وقفي عند المرايه تأملي نفسكعشر دقايق .. عشر دقايق بس بعدين اكتبي مميزاتك بورقه وخليها قدامك تأمليها أكدّيهالعقلك الباطن مثلاً : انا بيضاء , شعري كثير, ملامحي ناعمه

انبسطي حبتينبمميزاتك بعدين حطي الورقه على جنب
جينا للشيء الـ مو حلو
نفس الشيءقدام المرايه ولمدّه معيّنه بس اكتبي عيوبك هالمره ! اقريها مره وحده لاتكررينهاولا تقنعين عقلك الباطن فيها مثلاً : بشرتي يبي لها عنايه , شعري باهت حبتين , الهالات لازم انهيها
ولما اقول لاتكررين اقصد لاتقنعين عقلك الباطن ان عندك عيوبمهمه ويضيق صدرك وتصيرين كل ماناظرتي المرايه تتجاهلين المزايا وتركزين على العيوبوهالشيء مانبغاه






من تجربه اقدر افيدكم ببعض الحلول لشويةمشاكل ماهي مأثره بجمالنا ان شاء الله



* الشعر : كلنا شعورنا وااو بس ( اذا اهتمينا ) والاهتمام اتفقنا انه شيء مو صعب ولازم نداوم عليه

اذا عندك مشكلةتقصّف اول شيء قصي اطراف شعرك عشان التقصف مايرقى لفوق
وبعدينابدي اهتمي .. فيه كمّن زيت انا جربتهن لحالهن مااعطت نتيجه بس يوم خلطتهن مع بعضطلع شيء يخقق
( زيت هندتلر + الجرجير + السمسم + زيت زيتون ) اخلطيهن مع بعض على شعرك ودلّكي فروة الراس وبشويش رجاءاً
بعد 3ساعات اغسلي شعرك ولاتستعجلين بالحكم على شعرك من اول استعمال
جربيه علىالأقل 3 مرات 3 اسابيعواذا مانفعت ماضرّت والخسران مين ؟ العذال







* البشره فيه برضو كمّن خلطه + كريماتومقشرات حليوه ممكن تفيد وماتضر على حسب ماجربت




-


الآثار فيه مقشرات كثيره وعلى حسبالحاله كل دكتوره تعطيك المقشر اللي يناسبك

بس على ذمة دكتوره ان الرتن A يناسباغلب البشرات ( الغير حساسه جداً )

انا جربته وانذهلت بالنتائج الحلوهحتىماتستعملينه وقت طويل يمكن مدة 6 اسابيع وتحسين بنظاره والكل بينتبه لك
- الجفاف اي مرطب ممكن يوفي بالغرض ويرطب البشره مده معقولهبس انا استخدمجرجنز للعنايه الفائقه وعلى حسب ماشفت راح اكمل معاه للآخر






* نحيفه طاقّه نفسكعلى السمنه جربي وحده من هالخلطتين واذا نفسك ميته عاد على السمن جربي الثنتين وحناوش خسرانين ؟

- علبة قشطه , علبة كاكاو نوتيلا - مكسرات ( لوز + كاجو ) وتدقينها لين تصير صغيره
تخلطينهم مع بعض وتحطينهم بعلبهبالثلاجه وكل يوم كولي قد ماتقدرين وترى طعمه حلو
شيء ثاني حلاو رفاييلو اشتريكرتون وكوليه بأسبوع برضو طعمه خقّه






الخلطه الثانيه للي مايحبون الحلا :

-




حلبه -> ماحبو الحلا بيجبون الحلبه ؟

المهم ملعقتين حلبه على كوبحليب نيدو + ملعقة عسل !

وكرتون حليب سعودي خلصيه باسبوع





أخيرا



زان شعري واحلوّت بشرتي وسمنتوكله بكمبشهرين بس !

صرت انسانه ثانيه
صرت البنت اللي اتمنى انها انا
البنتاللي اذا ناظرت للمرايه ابي اشوفها !
الموضوع سهل مجرد مداومه وصبر واصراروالنتائج بتنسيك كل اللي عانيتيه ..
وكله ماياخذ من وقتك شيء ! او سويه بالخمسدقايق اللي تكونين فاضيه فيهم مايحتاج تأجلين اشغالك عشان تسوين شغله من هالشغلات ..
اساساً اذا تعودتي عليهن ماتعتبريهن شيء صعبويبيله جهد
التعب بأول الايام والباقي بيصير متعه وفني
ومع بعض ويد بـ يدبتصير السالفه احلى وأحلى


منقوووووووووووووووووووووووووووووووووووووووووول