لايفوتكم وش صار لي امس في سوق الرياض غاليري ؟

أهلين بنات تعرفون في الصيف تكثر الزواجات المهم رحت امس ادور لي فستان وجزمه وشنطه لان عندي مناسبه الله يعين خساير المهم شريت الفستان ورحت أخذ جزمه له وانتم بكرامه دخلت ناين وست وفيه عامل مصري طبعا معي بناتي اربع قلت له عطني الجزمه هذي مقاس كذا جاب لي جزمه مو مقاسي مادريت ان الرجال حاطني براسه قستها وقلت لا ماتصلح مقاسها كبير وقلبت الجزمه طلع اصلا ماعطاني مقاسي وبناتي جالسات على الكرسي مادريت الا المصري يقول لي انتي ياحرمه امسكي بناتك مدري مين امسك ومين اخلي قلت له انت وشلون تتكلم معي بالطريقه هذي قال اطلعي والا جبت لك مدير السوق قمت أخذت بناتي وانا بطلع قال اطلعي لاجيب لك الشرطه وجت وحده من الحريم قالت لي اطلعي قطع الأعناق ولاقطع الأرزاق يوم شفت جرأته وغلطه ويرفع صوته قدام الناس قمت رجعت قلت صح جب الشرطه قال اصبري واجلس وتنادي بناتي يجلسون جا مدير السوق وجاب الهيئه معه وسال البزران وش السالفه وعلموه وقام يناظر بطريقه قام ينتفض وهزاه وقال تبين حقك منه بتاخذينه قلت ما ابي شي بس علمه يحترم الناس وطلعت أنا بناتي كبار اصغرهم اربع سنين والصراحه ما احب أخليهم عند الشغاله تلوعت منهم ومن الي يسرونه في بناتي وفينا وانا طالعه مريت من المحل طلعوه الهيئه مدري وش صار لانهم قالوا لي اطلعي وحنا بنتفاهم معه