أتمنى يعجبكم موضوعي
ولو أن هالماركتين اللي بتشوفونها أعتقد انها مو منتشرة
لكنها موجودة بالشرقية
.............................................
الماركتين هم :
بريتي Bretty
والثاني اسمه Seventeen
شوفوا ماركة (بريتي) صورتها لكم من المحل .. بس ألوانه عالطبيعة رووووووعة وقوية وفاقعة مثل ميك اب فور ايفر .. يعني عندهم العشبي والأصفر والأورنج والفوشي وكل الألوان الفاقعة اللي ماتتحصل إلا بالماركات العالمية
حسافة ما صورت الستاند كامل
وهذا ستاند الأرواج
في لون عجبني رقم 27 .. فوق على اليسار
ولقيت روج أحمممممممر مات (مطفي) يجنن من كراجا ونسيت آخذه >>>الحمدلله والشكر:42:
وبالنسبة للشدوهات .. عندهم الواتر برووف والعادي والمخملي
بس المخملي اللي عندهم يجنن عكس المخملي المنتشر بالفترة الأخيرة ..
المخملي اللي عندهم يتميز بالنعومة عكس الأنواع الرخيصة اللي يكون ملمسه خشن وأي لون تحطينه يصير فضي (ينعكس مع الاضاءة) وفوق هذا مايندمج !!
ورغم كرهي الشديد للشدو المخملي إلا ان هذا عجبني .. وماقدرت أقاوم الألوان اللي أخذتها
لاحظوا .. حطيت الشدو اللي أقصده عند الشدو المخملي الخربوطي(الباليته الكبيره) عشان تشوفون فرق الحجم ولاحظوا لمعة الخربوطي أقوى من الحلو اللي توني ماخذته .. وطبعاً هاللمعة القوية تطلع مو حلوة على العين .. تعطي انعكاس فضي وتلغي لون الشدو !
اللون الأورنج اللي مخلص .. ترا مو من زينه انا ما استخدمه .. بس الظاهر انه انكسر
وما أخذت من شدوهاتهم غير هالثلاث الوان اللي شفتوها لأن عندي شدوهات كثيرة وعندي ألوان قوية وأساسية من بن ناي (هدية من بنت عمتي فديتها ) :heart:
ولا لما أروح محلهم أحس ايدي تحكني وودي آخذ شدوات كثيرة بس أتذكر ان اغلب كل الألوان اللي احتاجها موجودة عندي
الزبدة من هالكلام .. حسيت ان المحل ما يتفوّت .. و والله إني لما رحتلهم تذكرتكم يا بنات حواء .. وقلت دام إني استفدت منكم كثير جا دوري وان شاءالله تستفيدون
نجي للسعر .. أحلى مافيه السعر :2thmup:
تخيلوا اللون بـ 20 ريال بس .. واذا أخذتي 6 الوان يصير بـ 15
والأحلى انه يعبي الألوان بالباليت
وتخيلوا المحل بأي سوق !!!!!!!!!! :confused:
أخاف اذا عرفتوا السوق تهونون وماتروحون المحل :p
بصراحة حتى انا انصدمت لما شفت هالميك اب الخطير بهالسوق
المحل هذا بسوق الحب بالدمام
واسم المحل : ايليا او ايلينا <<<<<< معليش الذاكرة عندها مش ولا بد :o
يتبع
أخذت جلوس مشمشي مره حلو لونه وأخذته مع ليب لاينر وأخذت بعد بلاشر مشمشي خفيف
هذا الروج خطييييييير (بس التصوير ظالمه) لونه بين الأورنج والفوشي وفيه لمعة ترطيب (فاقع نوعاً ما )
وطالع معاه صورة روج كراجا (لونه بالطبيعة لحمي بس بالتصوير صاير بني)