السلام عليكم خواتي الكريمات
في مرة من المرات ياطويلات العمر ,,
كنت جالسه أتصفح بمجلة وأنا ألاقي هالخبر
(احتفلت الملكه فابيولا بعيد ميلادها الثمانين وذلك في قصر ليليكن في بليجكا )
الله على العجوز الفله .. والله يا بنات ياهي لابسه لون (بنك )
زهر يهبل ولا بنيه عمرها عشر طعش ,,
والكيكة الشكوليت قدامها والشمووووووع الطويلة وانواع الحياة الحلوة ,,
(طبعآ مع تحفظي على عيد الميلاد وحرمته )
لــــــــــــــــكن
هالخبر خلاني أتوقف شوي وأتساءل :
هالعجوز اللي رجل بالدنيا ورجل بالقبر تحتفل بعيد ميلادها
ويتمنى الحاضرون لها عمرآ مديدآ >> يعني الى متى يعني؟!!
وتلبس ألوان زاهيه جدآ اللي يمكن لو لبستها وحده عندنا بنص عمرها
لقالوا عنها متصابيه >> وش دخلكم بالناس ياناس ,,
وتدخل الفرح والسرور على قلبها وقلب من حولها بهذا ,,
وبالمقابل تعالوا شوفوا
كثير من بناتنا الله يصلحهن بالعشرين _اكبر أو اصغر -
تقصر عمرها الطويل بالحزن والكآبه والجو الحزين اللي تستدعيه وتطلبه أحيانآ!!!
مغلقه تمامآ ,, في غرفتها قافله على روحها ,,
والملابس القاتمه مليانه بدولابها ,,,
لا تضحك ولا تفرح ,, ومــــــاده بوزها شبرين وثلاثة ارباع ؟؟
واذا مسجله بمنتدى تعالي شوفي التفنن بالمعرف الحزين ,,
وربي أني أحيانآ ودي أصيح من بعض المعرفات من حزنها >> تنرحم وربي
طيب ليييييييييش هذا كله ؟؟
يمكن هذا يكثر عند المراهقات ,,
طيب خلينا نقول انه عندها مشكلة ؟؟؟؟
-مع أنه بعضهم يحب يحزن نفسه واللي حوله بدون سبب _
لو افترضنا انه فيه في حياتها فعلآ هم أو حزن ,,
طيب هل تعتقدين أن العزلة راح تحل مشكلتك ,,
أو التحسر ,, أو المعرف الحزين اللي اخترتيه ,,
لا والله الا راح يزيد الطين بله !
اللي راح يحل المشكلة
هو اللجوء لله ,, والتحرر من الحزن والخروج من دائرته بلا رجعة ,,
والتفاااااااااااااؤل ,,
ما أروع التفاؤل,, يشعرك بجما ل الحياة ,,
بناااااات ,,
نبي نملأ حياتنا أفراح وتفاؤل واشراق وسعادة ,,
نبي نقبل على الحياة أكثر ونحبها أكثر ,,
ونحب أنفسنا أكثر ,, ونحدد اهدافنا ,,
في ظل هذا الدين الاسلامي ,,,
شوفوا نجمات السينما العالمية ,,
الوحده منهم طاقة الخمسين ,, وتشوفينها بالثلاثين وأصغر ,,
ليش ؟؟
عشان هم مقبلين على الحياة أكثر منا ,,
ويتعاملون مع أنفسهم بدلال ,,
وأنه كلما كبروا ازدادوا جمالآ وجذابية ,,
وهم كفــــــــــار وما عندهم مبدأ عظيم مثلنا !!!
ألسنا أحق بهذا الفرح بالحياة والا قبال عليها ,,
وحده من قربياتي الله يحفظها يارب ,,
عمرها 53 ,, وما تصدقين لو شفتيها ان هذا عمرها ,,
تعجبني بسم الله عليها ,,
تهتم بنفسها ,, لما تسمعنا نتكلم عن خلطات للشعر,للبشرة,للصحة ,
تسألنا وتبدأ بالتنفيذ مباشرة ,,
لما بنتها الشابة خرمت اذنها خرم ثاني راحت خرمت معها
تحب تلبس الخلخال برجلها ,, تحب الألوان الزاهية ,,
لما تخرج عند ناس لازم سشوار,, ما عندها تمشية حال ,,
لا وبعد تروح تسشور بالمشغل ,, والمناكير بالعزايم لازم تحطها ,,
ياعيني عليها ,, الله يحفظها ,,
ومع ذلك لباسها محتشم مافيه قصير وعاري والكلام ده ,,
وحجابها كما أمر الله ,, الله يثبتها ,,
يعني مو معناته نقبل على الحياة نسوي شيء غلط
أو حرام ,, لا طبعآ ,,
أنا أحيانآ تجيني صدمه لما أشوف بعض المتزوجات
بعد 7 سنين زواج >> أوف وش اللي حصل فلانة ميب فلانة
سمنة ,, جلابيات ,,الشعر ملوم بلا عناية ,, يادوب الروج بالكاد حاطته ,,
وين العنااااااية ؟؟؟وين الا هتمام ؟؟؟ وين الاقبال ؟؟؟
عشان نفسك انت أول وصحتك ونفسيتك ,, موعشان الزوج !!!
صحيح الوحده تنشغل بببيتها وأولادها ,,
لكن لا تدمر نفسها ..وتنسى نفسها وصحتها وعنايتها ,,
بنااااااات ,,
ما نبي استسلام أمام الأحزان ,,
ولا انهزام أمام المشاكل ,,,
نبي نعتصم بالله في كل أمورنا ونعيش بتفاؤل وفرح ,,,
ألسنا مسلميــــــــــــن ,,,
قال تعالى: (قُلْ بِفَضْلِ ٱللَّهِ وَبِرَحْمَتِهِ فَبِذَلِكَ فَلْيَفْرَحُواْ)،
وقال تعالى (وَيَوْمَئِذٍ يَفْرَحُ ٱلْمُؤْمِنُونَ بِنَصْرِ ٱللَّهِ).
ومع اشراق هذا الصباح راح أتفاءل أن موضوعي
سيلقى على استحسانكم وسيكون باذن الله خطوووووووة
نحو التغير الأفضل ,,
مودتي لقلوبكن
برق الجنوب5 @brk_algnob5
عضوة جديدة
لايفوووووتكم هالعجوز الفله اللي احتفلت بعيد ميلادها الثمانين !!!!!!!!!!!!!!!!!!
5
729
يلزم عليك تسجيل الدخول أولًا لكتابة تعليق.
كوين ليدي
•
بارك الله فيك
fdfd556
•
تصدقين قلبت المواجع يانا مره حضرت ملكه والله العظيم اشوف خالة العرووسه ااشوف البنت اللي تناديها يمه انصدمت والله من زينها احسبها توها متزوجه ماشاءالله لابسه وردي والبيض بس روووووووووووووووووووووعه ومكياجها بناتي
مشكوووووووووووورة على الموضوع الحلو ولكن يا اختي كله في اغلب الاوقات هذا يرجع للنفسية وللظروف التي نعيشها وحسب تقبلنا لها خاصة اذا كنا نمر بظروف صعبة
يمكن الكسل عند البعض يخليهم يتهاونون بنفسهم والبعض اللي متزوجه واحد ينكد عليها عيشتها ويجلس طول الوقت يحطم فيها وهذا يزيدها احباط ويخليها ماتهتم بزياده الكلمه الطيبه صدقه يعني ايش فيها لو الزوج اطري زوجته بكلمه حلوه تفرحها هذا اللي يخلي الوحده تحبط ولا تهتم وتلقيها بأقل من سن الخمسين هالات تحت العين اسنان مخلعه كرشه ماشالله وبالتالي يدور الزوج وحده ثانيه يفقدها ثقتها بنفسها وبس لكن الله يعين الجميع
الصفحة الأخيرة