لمسه دفى @lmsh_df
محررة فضية
لايفوووووووووووووووووووووووووو وووووووووووتكم.. الحقو...لايفوتكمممممممممممممم
اخواتي مساكم ورد وفل ومسك وكادي..
اخباركم؟؟؟ الله يسعدكم بالدارين...
اللهم من قرات موضوعي كله.. اللهم يامالك الملك ياراحم الراحمين ياحي ياقيوم ياذا الجلال والاكرام انك تحقق لها اللي تبي عاجل غير اجل..
اخواتي؟؟؟ خلونا نتناقش.. كلنا لبعض والكل بالله...
انا بتكلم بموضوع اللي هو" القطيعه"
يااخوات اللي متهاوشه مع اختها..
واللي مع زوجها
واللي مع اخوها....واللي مع زوجت اخوها
واللي مع ام زوجها او اخت زوجها او عمتها او خالتها..او اللي مع سلفتها...
الى متى؟ بغض النضر من كان الغلطان؟؟
حتى لو غلطو عليك.. يااختي انتي لوجه الله لوجه الله بادري بالخير والتسامح..عارفه انتي خيرهم الذي يبدى بالسلام..
يااختى مهما كان لو ايش؟؟؟ انتي ماعليك منهم انتي ارضي الله..ولش لتس بالذنوب ..انتي عارفه القطيعه ذنب وانتي عارفه الحديث
قال رسول الله صلى الله عليه وسلم:
" الرحم معلقة بالعرش تقول: من وصلنى وصله الله ومن قطعنى قطعه الله" رواه البخارى ومسلم
مره وحده معلقه بالعرش...هل تبين الله يقطعتس والا يوصلتس...
جاء رجل الى النبى صلى الله عليه وسلم فقال:"إن لى قرابة أصلهم ويقطعونى واُحسن اليهم ويسيئون الى واحلم عنهم ويجهلون على، فقال: لئن كنت كما قلت فكانما تُسفهم الملل ـ الرماد الحارـ ولا يزال معك من الله ظهير عليهم، ما دمت على ذلك" رواه مسلم
تبين الرزق تبين الخير اوصلي رحمتس..
من سره ان يبسط له فى رزقه وان ينسا له فى اثره فليصل رحمه" رواه البخارى ومسلم
ان اعلى درجات صلة الرحم ان تصل ارحامك وان قطعوك ،
فقد قال النبى صلى الله عليه وسلم
:"ليس الواصل بالمكافئ ولكن الواصل الذى اذا قطعت رحمه وصلها
قال عمرو بن دينار رحمه الله: تعلمن انه ما من خطوة بعد الفريضة اعظم اجراً من خطوة الى ذى الرحم
وقد ارشدنا النبى صلى الله عليه وسلم الى اقل احوال صلة الرحم وهو امر لا يعجز عنه احد،
فقال رسول الله صلى الله عليه وسلم:
" بروا ارحامكم ولو بسلام" رواه البزار/السلسله الصحيحه
قال رسول الله صلى الله عليه وسلم:" ما من ذنب اجدر ان يعجل الله لصاحبه العقوبه فى الدنيا مع ما يدخر له فى الاخره من البغى وقطيعة الرحم
بعدين يااختي ماعليه حاولي تكسبين الناس.. ام زوجتس لو انتي زعلانه عليها والا هي.. يااختي روحي السوق لو ماعندتس اتسلفي من زوجتس واشتري لها جلابيه وطرحه وحنا او دهن عود..روحي معتس دله قهوه وحلى ورحي لوجه الله.. وحتى اختس زوجتس يااوخيتي حاولي تشترين لها عطر لو 100 ريال..يااختي اكسبي الناس.. او اختس اذا زعلانه عليها اشتري لها شي .. ومو شرط تشترين اهم شي تتسامحين..
يااختي انتي لا تقولين هم غلطانيين علي.. ادري غلطانيين.. لكن انتي ماتبين ترضين الله؟ يااختي ارضي الله..؟ ماعليه دوسي على قلبتس علشان ربي.. سبحان الله يوم فكرت اكتب الموضوع هذا وربي كان الامام في المسجد اللي جنبنا يقراء بصوت عالي..المهم ثبت الايه وهو يقراها وشي قالي اكتب هالايه في موضوعتس.. الايه"
ان الله مع الذين اتقو والذين هم محسنون"
يااختي اتقي الله واحسني لنفستس ربي راح يكون معتس.. اموت واعرف الحين تحطين عقلتس بعقل حرمه كبيره زي امتس..؟ موعيب هذا شي لايرضي الله ولارسوله...واخت زوجتس والاسلفتس اذا كانت غلطانه تسرين زيها.. ليه ماتعزين نفستس بالدين.. يااختي بقولتس شي.. انتي اذا قاطعتيهم لاتتفتخرين في ناس تفتخر.. بقولتس بالقطيعه هذي من المستفيد؟؟ مو انتي تحرمين نفستس الاجر والخير..والشيطان راكب راستس.. لاتجين تقولين كرامتي ماتسمح لي..
والله وبالله وتاالله ان الكرامه بالدين وبرضاء الله.. اكبر دليل شوفي المشايخ لهم هيبه.. الى متى؟؟ يااختي اكتمي الغيظ.. ماعليه الله راح يعوضتس خير..انتي بس ارضي ربي راح ترضين... ابليس وربعه لايزينون لتس العمل.. ولاتسرين ضعيفه ايمان تنساقين وراى الشيطان..
شوفي؟؟؟ لو ترضين الناس على حساب الله راح تخسرين..ولو ترضين الله على حساب الناس راح تجيتس الدنياء والخير والبركه والسعاااااااااده..
وحتى لو عندتس صديقه وزعلانه تراضو.. سوي شي لله...
انا اموت واعرف اللي متهاوشه مع ام زوجها واهله.. بالله كيف تنام؟؟ اختي اذا هم غلطانين انا ابي لتس الخير انتي تسامحي.. والله ماندري من يحي ومن يموت.. تذكري ان ملك الموت يجي البيت 5 مرات باليوم للانسان..الحقي عمرتس..
اساسا تكبرين بعين زوجتس لما يشوفتس ترضين اهلها... يمكن ربي يسخره لتس.. يمكن يتوب يمكن يهتدي... يمكن الله يفتح عليتس.
. ان اعمال بنى آدم تعرض كل خميس ليلة الجمعه فلا يقبل عمل قاطع رحم"رواه احمد/صحيح
يااختي خلي عملتس يقبل عند الله...
اقولتس: خلي حكمتس بالحياه رضى الله... والله لو تحاولين ترضين الناس ماراح يرضون لو ايش...ارضي الله راح تستفيدين...
قال رسول الله صلى الله عليه وسلم:" لا يدخل الجنة قاطع رحم"
شفتي كيف؟؟؟؟؟ كلنا نبي الجنه...لكن وين اللي يعمل لها.... ترى القطيعه تحرمتس من الجنه... لاتحرمين نفستس الجنه علشان ام زوج او اخت زوج او اختس او اي احد.. بالعكس حاولي بسببهم تدخلين الجنه..
تذكري ان الله فوقتس...بالعكس يااختي والله الانسان القريب من الله واللي يبي يرضى الله هو انسان عزيز نفس...
الواحد مايضمن عمره...
خلاص مايقى بالدنياء كثر ماراح؟؟
الاسعار ارتفعت والمراض انتشرت والفتن في كل مكان.. والامطار قلت.. والغبار يلون السماء..
وحتى انفلونزا الخنازير من علامات قيام الساعه.. ان الخنزير يقتل..شفنا دول قتلت الخنازير..
الحقي على عمرتس...
ياليت يااخوات تبدون صفحه جديده اي احد زعلانين منه او هو زعلان عليكم ليت ترسلون له رساله حلوه او تكلمونه.. لوجه الله..
ياليت يااخوات اللي نوت تسوي هالشي تكتب تحت... علشان تشجع الاخوات..
اعذروني على الاخطاء الاملائيه...
ادعوا لي....
8
682
يلزم عليك تسجيل الدخول أولًا لكتابة تعليق.
***أم سعد ***
•
الله يجزاك خير
صح لسانك والله انك ماقصرتي
كلامك كله بلادله والاحاديث
وان شاء الله الكل يستفيد منه
والله يجزاك كل خير واجر
كلامك كله بلادله والاحاديث
وان شاء الله الكل يستفيد منه
والله يجزاك كل خير واجر
الصفحة الأخيرة