لا أجدني

حبيبتي فضفضي ...كأنك تتكلمين عني...والله صرت ما أعرف نفسي...صرت بلا شكل ولون ولا مشاعر

ياليت بس الزوج والأولاد..

الأهل همهم هم...يزوجونك ويلحقونك...وانت بين نار الأهل والزوج...يارب افرجها

اغلبنا هذي حياته
ومانكتشف اهمالنا لنفسنا على حساب خوفنا من تنقيص حق الي حوالينا الا متاخر
لكن باقول لك كلمة
ترى كل هذولي مع الوقت بيروحون وبيلهون بحياتهم وتلتفتين حولك ماتلقين احد منهم وقتها بتعضين اصابعك ندم
انك ماعطيتي نفسك حقها وشفتي حالك معهم واعتبرتي نفسك وحدة من اللي مجبورة تراعينهم وماتنقصين حقوقهم

شوفي انتي هواياتك ايش خذي دورة فيها
ممكن تحضرين محاضرات لداعيات اسلامية
او تحضرين محاضرات اجتماعيه
او محاضرات في تحقيق الذات وتنمية الثقه بالنفس

روحي غيري مظهرك شوفي جسمك
يبي نحف انحفي يبي سمن اسمني يبي شد شدي
شعرك غيريه بشرتك سوي لها برنامج نضارة
بيضي اسنانك اشتري ميك اب جديد وعطور جديدة
ملابسك اذا توحي بلبس وحدة مسنه بالعمر ومكتئبة اتصدقي فيه كله واطلعي السوق اشتري لك ملابس من اول وجديد بنظرة انسانة مقبلة على الحياة

ادخلي النت وابحري فيه اتعلمي كلمات جديدة ومفردات وجمل من لغة ثانية ماتعرفينها
خصصي يوم كل شهرين خذي العاب وملابس وروحي لجمعية انسان او اي شي خيري وفرحي الاطفال هناك ماتدرين وش كثر انتي نفسيتك بتتغير
خلي لك جدول تمشين عليه بحيث ماتقصرين على احد
ولا تنسين ان اهم شي بهالجدول هو انتي

حبيبتي أمل قريب ...

وين أطلع وأخلي الأمة اللي عندي...الكل يطلبني...الله لا يحرمنا الأجر...صرت بلا صديقات ولا أهل ولا أحباب ولا هوايات...

أحس ان حياتي مجرد أداء واجبات... أتمنى أقوم من النوم بهدوء...

زحام..


ويني أنا...


):

ياسلام من احلى المواضيع والله انكم جيتوا على الجرح

والمصيبه اذا الناس مايدورونك الا اذا احتاجوك او بأحزانهم

وبأفراحهم ينسونك الله يرزقنا الاجر والحمدلله على كل حال