هلا حبيبتي نورة ألف ألف ألف مبروك عليك التميز
بالنسبة للموضوع نؤيدة أو لا
و الله ما أدري اعتقد على حسب الموقف
يعني أحيان الناس تسأل عشان تمسكها زلة على اللي قدامهم
ذكرتيني بزوجي كان إذا أخذ معاه ولدي مصعب للمدرسة طبعا زوجي مدرس و يخاف من مقالب زملائه
كان يوصي الولد اذا أحد سألك وش اسم ماما ايش تقول
قال الولد ماما فروووحه ( قال اسم الدلع اللي يناديني فيه زوجي )
قال له أبوه لا لا لا لا انتبه اذا أحد سألك قول له اسم أمي أم مصعب
وطول النهار يوم كامل يوصي فيه مصعب وش اسم أمك يقول أم مصعب
عاد انا كنت جالسه و أقول له سبحان الله ذحين الناس بتموت على اسمي من كثر ما توصي الولد
قال زملائي و انا ابخص فيهم و بحركاتهم
و يوم رجعوا من المدرسة و زوجي مبسوط و فرحان
يقول شوفتي مسكوا الولد بعيد عني و سألوه لكن طلع بطل ما قال اسمك قال ماما أم مصعب

كمان زوجي مرة كنا جالسين و طلب عمي أبو زوجي رقم جوالي
أعطيته إياه قال أسجل أسمك مين قلت أم مصعب قال زوجي لأ سجله مصعب
قهرني ليه يعني أم مصعب وش فيها
حتى هو في البداية كان حاطني في جواله باسم الولد
لكن كل مرة أغيرة و أحط اسم شكل مرة حبيبتي مرة حياتي مرة حبوبتي
وكل ما شافها زعل يقول لو يشوف جوالي أحد
المهم حتى خلى اسمي أم مصعب بعدين تركته خلاص سويت اللي في راسي
يعني في حالات زي كذا ما يخالف يدس الإسم عادي خاصة اذا كان اللي يسأل بس يبغى يتليقف

لكن عاد أكرهه و ما أؤيده في حالات ثانية
مثلا مرة أخوي في الأحوال يسجل ولده
يقول جاء رجال بيسجل اسم بنته و يسأله الوظف عن الإسم يقول المستورة
الموظف متعود على الناس يقول هذا اسمها ولا انت بس ما تبي تقول يقول الرجال
قصدة المستورة يعني استر عليها ما فيه داعي تعرف اسمها (( سبحان الله عقليات ))
المهم في الأخير وافق يقول اسمها للموظف بصوت واطي حتى ما أحد يسمعه
بصراحه فيه ناس الى الآن عقولهم متحجرة

أولاً ألــــــــــــــــــــــــــــــــــــــــــــــــــــف مبـــروك على المميز ......

ثانياً :- هااااذي الظاااااااهرة متحجرة في عقووووووول الاغلبية من الرجااااال :30:
كأن أسماااااائنا عورة وماهي بعورة .......
لدرجة أخوي الله لايبتلينا ....... مسمي حرمته بالجوال ((ااااا)) والله زي كذا واسمها أصلاً ما هو بحرف الالف .......يقول يخاف أحد من اصدقاءه يشوف الجوال:32::32:

هههههههههههههههههههه

يا حليلك نونو ..

شكلك مرة متعقدة من الدكتوووووووور حقكم :)

الله يعينكم على هالبحوثات ..

أما عن موضوعك .. صدقتي والله ..

الأولاد داااااااااااااااايم يتعايرون يأسيماء خواتهم ولا أمهاتهم ..

مرة جاني أخوي اللي بالإبتدائي قال عندكم وحدة بالثانوي عائلتها

(فلاااااااان الفلاني)

قلت ايه عندنا .. قال تكفين قولي لي وش إسمها .. قلت ليييييييييش ؟؟

قال عشان واحد عندنا ملقوف عرف إسمك من إخته وجا يعايرني قدام العيال ..

وهم يضحكون علي .. :(

الله المستعان .. ودي ألقى حل للهالظااااااااااهرة هاذي..

أما حنا يالبنات عادي عندنا ..

لو وحدة مثلاً تسولف في أخوها ولا تقول إسمه قدامنا ..

مشكووووووورة نونو ع الموضوع الروعة اللي موتني ضحك ..

:26:

نورة نت >>>> ياحبني لها الاسم ..........>> حاسة انكم تبون تسالون فانا اقولكم وشلكم دخل لقااااااااااافه >>> اخلصي بس:23:





ااااااااااااااااااااااه من آفة الغيره اللي طالعه موضه مهب غيره طبيعيه

ماتتخيلون انا اخوي صغنون مايجي طول رجلي اذا سافرنا ووصلنا تفتيش من لما يشوف
تمهل امامك نقطة تفتيش خلاص عيووووووووونه فينا لحد مانتعدى التفتيش
واساله تروك ليش تناظرنا كذا يقول مابي احد يشوفكم
ااااااااااالله من النشيبه

ولما نوصل إشارة حمراء ونوقف >>>> لايشيخه امشو احسن :42:

يقول اص اص بجنبنا رجال طيب السيارة مسكرة الدرايش يقول حتى ولو اسكتووووووووو


قلت لكم صارت آآآآآآآآآآآآآآفه مهب غيره :06:

ومن ناحية مؤيدين لهذه الظاهره ؟

غصب عنا نسكت رضينا ام ابينا
هع هع هع .>>> ماتقلد احد:30:

يسلموووووووووووووو على هيك موضوع حساس حسيت ان البنات مقهورات منه حيل

حبيبة ابوها:27:

ردك روووووووووووووووووعه
ههههههههههههههههه

وعليكم السلام ورحمة الله وبركاته ..
يا هلااا وغلا بكِ أختي ملاك عبدالله .. والله يحلي أيامك .. تسلمي على المرور . :26:

وياهلاااا وغلااا وبشرفتنا أم العيال المشغولة .. والله مدري وش أقول لكِ يعجز لساني عن شكرك >> أنحاست ؟!!..
من يوم شفت اللمبة في موضوعي وأنا مضيعة .. وأستنا رأيكِ على أحر من الجمر . :26: :26:

يا هلااا وغلااا بأم البطل .. والله يبارك فيك أختي .. لا أنا ماني بدوية بس يمكن عندنا عروق بدو ؟! .. صح كلامكِ البدو شوي متشددين والظاهرة تكون عندهم أكثر .. وأشكرك على إيراد هذا الموقف.. وشكل أبوه مدرسة زين .. ويا هلا فيك .

هلاااا وغلاااا بكِ أختي SIMPLICITY


(لا هذي يبيلها موضوع جديد ..؟؟!!
وأشكر على مرورك وإبدا رأيك .. والله يحيكِ :26: :26:

ياهلااا وغلاااا بقلب أدمته الجراح .. والله يبارك فيكِ أختي تميزي أهو حضوركم ..
حلو موقف الوليد ..
الله يقطع شيطانك ؟!!!! هههههه
وشكراً على مروركِ وإبدأ رأيك فيه .. والله يحيك :21:.


يا هلا اا وغلااا بمشرفتنا رائعة .. والله يبارك فيكِ ويحيكِ .. بس ما قلتي رأيكِ !!. >> تسوي إستفتاء:23:


هلاااا وغلاااا وبحبية أبوها.. أعصابك لا ينكسر الكمبيوتر حقك ..
والله صادقة بزارين هذا الجيل كلّ العجايب فيهم .. يطلع من بطن أمه يتشرط شلوني إلا حطوني على كيفه.
وشكراً ع مروركِ والله يسلمك:21: .


لي عودة بإذن الله ..