السلام عليكم ورحمة الله .
مســــــــاء /صباح الخير ..
كيفكم بابنات ..الله لايفرق جمعتكم والله أنا من زمان كان نفسي أدخل على هالمنتدى الطيب بس ما سجلت فيه بسبب مشاغلي ,,وماكان ودي يكون أول دخول ليه في قسم المشاكل بس أنتم خواتي وأكيد راح ألاقي الحل عندكم ولو بدعوه طيبه ..
القصه والله العظيم طويله ويشيب لها الراس من يوم كنت برابع ابتدائي وأنا الآن الحمد لله تخرجت من الكليه ..
ولكن أختصارها إنه عندي أخت أكبر مني والله العظيم مسويه فينا العجايب قالبه البيت فوق تحت من مشاكلها ..ولو ما فيه مشكله تخلق مشكله (وراح أقولكم غيض من فيض من بعض أفعالها ) تدعي على أمي وأبوي ..وتدعي على إخواني ,,وتحسدنا لدرجة إنها تبكي لمن وحده منا تنجح في المدرسه أو تنخطب ..تكذب علينا عند الناس ..وتتهمنا في شرفنا ..والمصيبه إنها تضرب أمي بأشياء حاده والله العظيم إن أمي تبكي منها في الليل والنهار ..وكذا مره إتهمت أمي بشرفها وقذفتها وقالتها لها صريحه قالت إنتي لما تزورين جاراتك تسوين أشياء مو زينه مع أولادهم وأمي كبيره بالسن حرام وحده من صلبها تقولها هالكلام ,وصار أمي تحبس نفسها بالبيت عشان أختي ما تتهمها بأشياء مو زينه ..والله العظيم لو تشوفون أمي تنام وهي تبكي حتى الكافر يحن عليها من تصرفات أختي الله لايوفقها ..والله العظيم كل تصرفات بدون سبب مقنع ..
وأنا الحين ما دخلت أبغى منكم الحل لأن المشكله هاذي مالها حل ..لـــــــكن ( أسألكم بالذي لا إله إلا هو وأمانه تسألون عنها يوم القيامه إن اللي دعوتها مستجابه تدعي على أختي بصلاتها وتريح المسكينه أمي من شرها,,أمانه على الأخوات اللي ساكنين بمكه تروح تزور بيت الله وتدعي عليها لإن إحنا ظروفنا ما تسمح نزور مكه , ..والله يا أخواتي ما تدرون يمكن يوم القيامه تلقون لكم جبال من الحسنات بسبب دعوتكم عليها لأنكم راح ترحمون أمي من عذابها ,,وأسأل الله بجميع أسماءه الحسنى وصفاته العلى إن ربي ما يبلاكم بما بلانا فيه لا أنتم ولا أي مسلم ..
وشكراً على سعة صدوركم وقرأتكم للموضوع ..
حواء تائهه @hoaaa_tayhh
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
موطبيعيه
الله يشفيهاويهديها