لا أوراق ولا واتس ولا غيره برنامج رهيب لكتابه مقاضي البيت

السلام عليكم ورحمة الله وبركاته
كيفكم يا بنات عساكم بأتم صحه وعافيه

لقيت لكم برناااااامج فضيع يغنيك عن الأوراق والواتس وغيره مريح مره في كتابه أغراض البيت الناقصة يعني المقاضي حقتك من اليوم وراح بأذن الله ما راح تنسين شي منها
اسمه
AnyList
هو انجليزي بس عادي تكتبين فيه بالعربي و استخدامه سهل مره
اولا: لازم يكون البرنامج عندك وعند زوجك أو الي مسؤول يجيب لك أغراضك يعني تدخلون كلكم البرنامج بنفس الأيميل والباسورد
ثانيآ : بيكون عندك قائمه رئيسه حاولي تكتبين فيها كل أغراض البيت الي ممكن تحتاجينها
في يوم من الأيام
وتكون جاهزه تستخدمينها في اي وقت
طبعا ماراح تحتاجين كل الي في القائمه
وش تسوين؟؟
تجين عند ألقائمه وتلقين على الطلبات خط احمر
كل طلب
مثلا خيار يجيبك فوقه خط احمر
وكذا كل الطلبات
المهم الحاجه الي تبين تختارينها من القائمه اضغطي عليها ويروح الخط الأحمر وهكذا
الين تخلصين طلباتك
بعدين اطلعي فوق وسوي لها فرز اضغطي
على Remaning
وبكذا الي اخترتيها تصير بقائمه لوحدها
وأذا راح زوجك يشتري بكل بساطه الشي الي يحطه في عربه التسوق يضغط على اسمه ويختفى
وبكذا ما يخلبط


والله يا بنات انه روعه ومريح ويذكر بأغراضك
بدل ما تفرفرين في البيت تشوفين الناقص
تصيرين اذا شفتي قائمتك الي انتي مسويتها بنفسك تتذكرين
وتقدرين في اي وقت تضيفين لها اي شي
وحلاته بعد وهذي اهم نقطه
ان ايش شي تكتبينه ينكتب عند زوجك ولا أوراق ولا واتس ولاشي

بس طبعآ على النت والأثري جي
وسلامتكم
يوووه احس تعبت من الشرح ابد ما اصلح مدرسه
طولتها وهي قصيره
بس والله حبيت تفهمونه زين وتدعون لي