لا ادري هل قضاء وقدر ولا دعوه استجيبت

سلام عليكم ورحمة الله وبركاته
ياحلوات
بقولكم سالفه صارت معي بس لا تضحكون علي:14:
في يوم من الأيام حلمت بشخص كان أحد يقولي استغفر ي علشان يخطبكك
أو يكون من نصيبك هذا حلم
وهو صديق اخوي
والله مااحبه ولا أفكر فيه بل وأتمنى ان يجيني الي أفضل منه
ولكن لو لو خطبني مراح ارفض:cool::07:
بس والله مو حب فيه بس كذا
المهم مالكم بطويله
صار الحلم يراودني
وصرت أفكر هو مجرد حلم ولا شي بيصير واقع
المهم
في يوم من الأيام كنت رايحه بيت اخوي يبعد عننا تقريبا 100 كيلو
قلت بعقلي يارب ان كان فعلن بيكون من نصيبي عطني ايه أو علامه تدل على ذلك
استغفر الله مدري الي قلته يجوزاولا يجوز لكن الله يغفرلي
قلت بعقلي يارب نلقاه بطريق أو يجي اخوي في بيته أو حتى لو يجي ذكره
وهو له فتره ماعمري سمعت ذكره بين الاهل
المهم رحت مع خيو لمنطقته
وجلست عند زوجت اخوي واهلها
ولا زوجت اخوي تجهز اغراض اخوي قالت عندهم طلعه بريه
معزوم مع شباب للبر
قسم بالله جاني فضول أعرف مين الي عزمه بس استحيت لا اسأل زوجت خيو
وهي من نفسها قالت فلأن ال فلاني
نفس الشخص الي في بالي هع
جت سيرته
ثم جاء اخوي المغرب وجاء ابوي وجلسو يسولفون وسال اخوي عن صاحبه ابوي سال
هذي ثاني مره تجي سيرته على ان زمان ماسمعت سيرته
بس قلت يمكن أقدار والله مااهتميت كثير للحادثه
ماصار شي قوي كلها مواقف عاديه
وطنشت السالفه بس نفسي أعرف الحلم واقع ولامجرد حلم
وفي يوم من الأيام
انعزمت على زواج
وقلت بعقلي يارب ان كان
فلأن الفلاني من نصيبي يالله انك تجعل اخته الفلانيه تجلس معنا على نفس الطاولة
هع ادري اني ماعندي سالفه بس مدري ليه اشغلت نفسي
المهم بعدين قلت لا مو شرط اخته هذي أي أحد له علاقه فيه ان شأالله لو تكون زوجت اخوه
بعدين اخر اقرار اتخذته بعقلي قلت أنا ليش اشغل نفسي بهالعايله هذي خليني اروح استانس مو اترقب الناس والله طنشت الموضوع ومشينا اناوامي وحظرنا الزواج
وأنا والله ثم والله مادريت ان لهم قرابة بهذا الزواج وأكبر احتمالي انهم مايحظرون اصلن
بس تفاجئت انه يقرب لهم من بعيد
هع وجلسنا أنا وأمي فقط على الطاولة
وشوي وجايات ثنتين وجلسو عندنا طبعا أنا بققت عينوني ياربي وش الي صار هل هو دعوتي ولا مجرد قضاء وقدر
وبعد شويه وتجي اخته الكبيرة وتجلس على نفس الطاولة الحين عندي على الطاولة2 اخواته وحده زوجت اخوه يعني 3 كلهم من طرفه
وقالت زوجت اخوه تتاسف لنا ماعليش والله مالقينا الاهالمكان مافي كراسي
قلت بعقلي والله مدري ايش الي جابكم عندنا هل هو قضاء وقدر أو دعوه استجيبت
وش رايكم لوحصل معكم كذا
هل تعتبرونه
ولا ماتلقون له بال
أنا بجد ماودي اتعلق بغيب وأقول يمكن قضاء وقدر
بس ابي وجهت نظركم ولا تضحكون علي:icon30: