زيدوني الغالي @zydony_alghaly

محررة ماسية

لا اريد البنت بسبب اخوها المعاق ....

السلآم عليكم ورحمة الله وبركاته ..

شلونكم يالغالين .. يابنات حواء ..

تراني ابكتب بالعامي:35: لا تواخذونا هع >>>> :angry:

فيه موضوع كسر خاطري :icon33:

.. يوم الخميس سافرنا واحنا بالطريق كنا نستمع لاذاعة القران جابو برنامج عن حال المعاقين في وسط العائله واتصلوا

كثير ومن بينهمـ ..

ام تقول لها ولد معاق ... وبناتها كل من جاء يبيهم يتفقون

الحريم ويجي الرجال يقابل اخوانها ويشوف الخطيب حال اخوها المعاق وبعدها نستنى الاتفاق الا يقولون هونا انتم

عندكم معاق يخاف الرجال انه عياله يجون مثل خالهمـ :44:.. والى الان بناتها محد يجيهم

الا يحصل ذا الشئ ..

ماقصر الشيخ قال كلام كثير عن القدر وان لو الله كاتب له اولاد معاقين راح يجونه من بنت اهلها سالمين كل شئ بقضاء

وقدر ... >>>> بس الاذاعه مو الكل يسمع لها ... ودي اكتب كلامه كله بس ناسيهـ ..

الام جدا كانت متآثره والله كسرت خاطري ..

يمكن لو كانت هي معاقه يحق لهم يهونون لكن اخوها احسه ماله داعي .. وماكنت متوقعه ان في ناس كذآ تفكيرهم

انا اخوي معاق الله يحفظه ... بس ماشاء الله عليه يسوق ويودينا للي نبي نروح له .. حتى سفر يسافر بنا جده

وغيرها >>> لا تعلمون خخخخخخ:35:

واصحابه اكثر من اصحاب اخواني الصحيحين ... وشباب يطقون بابنا من طيبه وقلبه النظيف ...

الحمدلله ماواجهنا الكلام ذا بمجتمعنا بس يوم سمعته بالاذاعه جدا استغربة ؟؟؟

وبنفس البرنامج اتصلت كمان وحده ..

تقول انها معاقه وتزوجت معاق وجو عيالنا سليمين واللحين هم يشيلونا سبحان الله .. وتحس ان الاعاقه نعمه ..

... ناس طاهره قلوبهم ومؤمنين بقضاء الله وقدره ... بس اللي خلاها تتصل تقول انه جاء لزوجها فشل

كلوي والا كان شايلهم بس بعد الفشل تدهورت حالته .:icon33:. وكانت تبي دعواتهم ...

..... يابنات وش رايكمـ باللي قلتهـ ... لو خطبتي لاخوك وطلع بعائلتهم واحد او وحده معاقه تهونون ؟؟

احنا الحمد لله تزوجنا ماهمني نفسي واللي بالبيت ان شاء الكل بيلقى نصيبه كسرت خاطري اللي اتصلت ...

اتمنى التفاعل بالموضوع يمكن نغير نظرت المجتمع اللي ينظر بهالنظره ؟؟

كل الود يالغالينــ .....

يلزم عليك تسجيل الدخول أولًا لكتابة تعليق.

تسجيل دخول

[ ماكنتوش ] • 16 سنة

كان عندي أخ معاق عقليا وحركيا ،، و توفى الله يرحمه ،،
آآممممممم و الواضح أن بعض الناس يخافون يخطبون مننا ،، :35:
الناس عقليات سبحان الله ،،

لاأعرف.. • 16 سنة

اتوقع هالشي ماله دخل

انا عمي معاق ومتزوج وعنده ماشاء الله 4 ولدين وبنتين

وهو اصلا ماعنده رجول!

بس يسوق وكل شي ويشتغل مثله مثل غيره ماشاءالله

اتوقع قليل يسوون نفس الي سوا هالرجال!

بطة:) • 16 سنة

لأ ماأهون بإذن الله

ولا أصلاً يجي ببالي..

بالعكس أحياناً أخوات المعاق يكون في قلبهم رحمة وطيبات وحنونات..

مشكورة على الموضوع..

(alwan) • 16 سنة

اعتقد تقصدين المعاق ذهنياً ..
ما أشوف هو سبب للرفض

(((أم فيصل))) • 16 سنة

مااعتقد هو سبب الرفض
كثير اخوانهم ولا اختهم معاقه ومتزوجات
لاالا نهائي ماله علاقه
النصيب وبس