لا استغني عنها ابدا..

استودع الله اي شي اخاف عليه سواء أولادي اغراضي بيتي جوالي... الخ سبحان الله أجده محفوظ ماشاءالله..
اللهم اني استودعتك أطفالي فأنت الذي لا تضيع ودائعه.. اللهم احفظهم لي

هذا الدعاء انصحك. فيه


أستودع الله الذي لا تضيع ودائعه ديني ونفسي وأمانتي وخواتيم عملي وبيتي وأهلي وأحبتي ومالي وجميع ما أنعم الله به علي.

امين يارب 🌹

هلا اختي موضووعك مرره مفيييد وجميل الله يكتبلك فيه الاجر .
بالنسبه للدعاء اذكر مرره سيرت على اهلي واول ماجيتهم قالو فلانه تقول عنك كلام وكله كذب وتقول زوجها يضربها ويمنعها من كل شي ..وكلام كثير كله كذب وظلم وبهتان علي
والمشكله متكلمه فيه عند اقاربي كلهم ووقتها كنت متأخره عن الحمل وكان نفسي بولد المهم المرره هذي قريبه لي مرره ..قلت لامي كلامها كذب وكله ظلم امي ماصدقتني مرره وانقهرت قالت امي ادعي عليها بس قلت بقلبي انا وش ابستفيد اذا دعيت عليها ومررضت مثلا او جاها شي انا ذاك الوقت كنت اصلا حزينه على شان تأخري ...
المهم واروح واتوضأ واصلي ركعتين وادعي الله فيهن وقلت ياربي انت وحدك اللي تدري اني مظلومه وان كل الكلام اللي قيل كذب يارب انا ماراح ادعي عليها لكن ابطلبك بالشي اللي يسعدني ويوخر ضيقتي وادعي ربي بالولد وبمواصفات كنت اتمناها بولدي ...
والله العظيم ماتم شهر الا انا حالمه برؤيا تهبل تبشرني بالحمل والخير وكانت علي الدوره ومن بعدها ماجتني وحللت وكنت حامل ربي لك الحمد بولد وبنفس المواصفات اللي طلبتها بالملي سبحان الله .

فيه دعوه عجيبه اثرها بالنسبه لي سحر
اذا تشاديت انا وزوجي بالكلام ووصلت معاه لمرحلة انه مستحيل يقتنع وممكن هالسالفه تخلينا نتقاطع ونتزاعل ادعي هالدعوات وكلها دقايق والحمدلله اشوفه هاادي وفيه مجال ارجع اتناقش معاه وسبحان الله يفهمني وننتهي بدون خلاف
الدعوه هي
اللهم اني استعنت ع فلان ب لااله الا الله والجمته ب لااله الا الله واخذت حقي منه ب لااله الا الله
اللهم كماجعلت النار برد وسلام ع ابراهيم اجعل غضب زوجي وزعله برد وسلام
ولااله الا انت سبحانك اني كنت من الظالمين ارددها سبع مرات
والله ينحل كل ششي
وب اوقات العصبيه والزعل اردد لاحول ولاقوة الا بالله واستغفر كثيير القى نفسي هااديه ومتوازنه وان المشكله ماتسوى عصبيتي اصلا