لا افهم امور الغمز والهمز....غباء اجتماعي

الشهر عليكم مبارك ..
بنات انا موصغيرة عمرري 35 سنه والى الحين ماافهم اللي بين السطور ...
يعني لما نكون في مجلس وواحده تتكلم عن موضوع ..اخذ واعطي معاها ..لما اروح البيت ..واسترجع الاحداث تتضح لي صور ثانيه ..او اللي يكونون معاي في الجلسه يفهموني ..
مثلا كنت زايره ناس انا واهل زوجي ...وانا عندي 2 من اخواني نبي نخطب لهم ...
تخيلي وحده من اهل البيت مناديه بنات خواتها ..ومزينتهم ومخليتهم في مجلس ثاني يسولفون مع بتاتها ...
وتقولي قومي يافلانه شوفيهم ...اقول لها لا حرام يستحووون ...قالت لي لا والله لابسين وكاشخين بس ماتعودوا على الاغراب ...تعالي
اقول لها ..لاتحرجينهم خليهم مستانسن
خخخخخخخ
شفتوا دلاخه مثل كذا ؟؟؟

وانا صادقه مافهمت قصدها الا في السياره تقولي ام زوجي احرجتي المره ماباقي الا تقولك نبيك تخطبينهم قومي وعمى هاهاهاهاها


ومره ثانيه ..
السنه الماضيه الكل يمدح شغالتي وانا اقول لهم حسافه بتكمل 4 سنوات وبتروح في الصيف ....
الا قبل موعدها ب6 شهور تقولي بروح ...وعمى ان شاء الله وين تروحين تو الناس تقول لا خلاص اولادي يبوني ...
يوم اعلم اهل زوجي بسوالفها ...مازعلوا عشاني ...مثل اللي فرحوا يقولون في ناس يتمنونها ..
قلت لها يشبعون فيها ...الشغاله اللي ماتبيني ماابيها الله يحفظها ...
تخيلوا من راحت 3 شهور وهي بيت قرايب زوجي ...ولا مادريت الا بالصدفه كان عندهم ضيافه والمحها تحط الاغراض في غرفه يم المجلس ولما رجعنا البيت اسال ام زوجي ..مو كان شغالتي القديمه عنهم ...تقول ايه جاتهم

اثاريهم متفقين معاها ؟؟؟
امثله كثيرة بحياتي تدل على دلاخه اجتماعيه ..
فهموني
دبروني
خلو قلبي يفهمها وهي طايره