لا تبخلووووووووووووووون علي بالمشورة>>رجااااء

السلام عليكم ورحمة الله وبركاته..
اخواتي ما راح اطول عليكم بالسالفة وابغاكم تشورون علي بالحل المناسب....لاتخلوني لأن مالي غيركم استشيره
انا متزوجة من سنه ونص وحياتي مستقرة وهادئة مع زوجي وأنا احبه وهو يحبني كثييير يعني الجو السائد في علا قتنا تمااااااام والحمدلله ..
بس فيه مسأله مطيرة النوم من عيني وهي ان علاقتنا ببعض شبه روتينية بمعنى احس ان ما فيه صراحة بيننا وان المجاملة طاغية في اغلب الاحيان ومانقدر نتكلم مع بعض في اي موضوع يخطر على بالنا احيانا اتضايق من شي ولا اقول له اخاف يزعل او يفهم كلامي غلط وانا شخصيتي مسالمة وما احب اعكر الاجواء بس اذا حسيت انه متمادي انفجر مرة وحدة وهويتحكم في اعصابه ولا يقول شي واندم بعدها اما هو يفضل الصمت دائما على الشكوى يعني ما يفضفض معي ومايطلع اللي بقلبه شخص كتوم حتى لو فيه شي مضايقه ما يقول وهذا يحيرني ابيه يقول ابيه يفضفض ساعات ابغى افضفض واتكلم معاه براحتي عن كل شي اواجهه في حياتي ودراستي وآخذ رايه واساله عن شغله بس هو ما يشجعني لأنه ما يستشيرني واجاباته مختصرة دايما .. دايما اتفاجأ لما يسوي شي ما يقول لي انه بيسويه كذا مثلا.. وانا ما ابغى اكون مهمشة في حياته ابغى اكون صديقة واخت وزوجة مو مجرد زوجة فقط واجباتها في غرفة النوم وتربية الاولاد .. هو يجاملني كثييير احس اني غريبة وهو يعاملني كذا.. نادرا ما يقول لي اسوي له شغلة يحب يعتمد على نفسه في كل شي وهذا شي حلو بس ابغى يكون لي دور في حياته حتى الملابس يوديها المغسلة والاكل غالبا من برا لاني اداوم في الكلية وارجع الظهر .. حاولت اغير الجو واخلق اجواء جديدة بس ما غير شي .... والمشكلة العظمى اني حساسة و ماعندي جرأة افتح معاه نقاش في هالموضوع اخاف ما يتقبل او يزعل من عتابي او يحس اني شكاية ولوامة واحب اختلق مشاكل وهذا اللي ما ابيه ياخذه عني مع العلم انه متكيف مع الوضع وما عنده اي مشاكل ومبسوط بالفعل محتاااارة ابغى نصيحة من وحدة خبيرة وعاقلة رجااااء