لا تبـــــــــرميـــــــــــن الـــــــــراس !!!!!!!!!!!!!! (مؤثرة)

السلام عليكم.. هذي قصيدة عن النفس والتوبة
كاتب القصيدة : شــــــــــاهق ...

لاتبــــرميـــن الـــــــــراس

لا تبرمين الراس يكفــي ما جرى ... يانفـس توبـي قبـل ينزعنـا الرحيل
من قبل ما نصبح مدافين الثرى ... لا من قــريب ولا خــوي ولا خــــليل
الهم عشـّش بالضميــر وماســرا ... ما غيــر انـا ويـاه والليـل الطـــويل
افكـر بذنبـــي الـى منــه طــرا ... يا من يشيل الذنب عني من يشـيل
وان زاد تفكيـري وجافيـت الكـرا ... ناديت باعلـى صوتـي وزدت العويل
ياللــه يــارب المــلا رب الـــورى ... ياللــي حشـا ماعنْـك شي مستحيل
ياللــي وعدت العبـد لاتاب وبرا ... حالـه ولـو شعبــان عصيانــه تسـيل
يامكــرم اللي قبلته لام القـرى ... ياواهـــب الغفـــران للعبــد الذليل
ياساتــر اللــي بالحشــا ماينقرا ... وتغطــي الشينــات بالسـتر الجميل
اغفـر لنـا يارب كـل اللـي جـرى ... وارحـم خواطـرنا تـراك انت القـبيل
وسلامتكم..
طبعا بعض ألفاظ القصيدة عامية بحتة..
....................................
إيش رايــــ ك ــــــــم ؟؟