لا تتحسفوا مثلي على شعركم وهالخلطات؟؟؟

السلام عليكم ورحمة الله وبركاته
مساء او صباح الخيرات والانوار كيفكم بنات
والله مو متعوده اكتب مواضيع بحكم انشغالي
ويالله الاقي وقت اقراْ مواضيعكم بس اليوم
سهرانه وحدي ودي اسولف قلت اقولكم على تجربتي
يمكن غيري يستفيد المهم ماأبي اطول عليكم هذي وحده
من الاخوات مسويه دعااايه على منتجاتها وخلطات واشياء
لا ولها موقع خاص فيها ومندوبات وكل شي ماجاء ببالي شي
دخلت موقعها (((وياليتني مادخلته)) المهم الحرمه كل خلطاتها
الناس يمدحونه الا ولاقي خلطات فرد للشعر وطبيعي فرد يخلي شعرك
مثل الفلبينيات ومن ذا الحكي انا تخيلت شعري يبي يطلع ناااااااااااااعم مره
لا واللي خلاني اصدق ردود الحلوات اللي ماأدري معقوله متفقين معاها
او ايش؟؟
وكلهن نشكرالاخت على الفرد اللي حقق لنا امنياتنا ومن ذا الكلام اللي فعلا
انخدعت فيه صدقت وقلت ليش ماأجرب طبيعي وبعدين ارتاح من الاستشوار
والله يابنات ان شعري كثير كثير كثير بماتعنيه الكلمه لدرجه اذا مشطته ماأقدر
امشطه كله سوا الا لازم اسوي تقسيمات وامشط كل جهه لوحدها فقلت بسوي
الفرد واتوكل على الله واذا تساقط معليش شعري كثير مراح يطيح كله يعني
يطيح نصه وان شاء الله مافيه ضرر المهم جاء اليوم ووصل الفرد وفردته؟؟؟؟
قعدت 12 ساعه على طلب طويلة العمر
لما صحيت اليوم اللي بعده ورحت ابي اتروش واغسل شعري كنت حييل فرحانه
لاني خلاص بيطلع شعري نااااااااااااعم
هنا كانت الفاجعه كانت المويه فوق راسي وانا اناظر تحتي والله والله شعري على
طوله ينزل لا مو شعره ولا ثنتين شعر بالهبل انخرعت بديت امسك شعري واشده
قلت بيطيح كله وهذا انا بدا شعري يطيح يطيح يطيح
وبكيت لين ملت عيوني من البكي بكيت من قلب لاني فقدت شعر كثير كثير تقريبا
ثلاث ارباع شعري نزل وذا الحين شعري ضعيف مو مثل اول وتغير شكله طلع حتى باااهت
اش اقدر اسوي بعد ماكنت محافظه عليه طول عمري ماأقول الاحسبي الله ونعم الوكيل على اللي
كان السبب ...انا ماودي افضحها والا كان قلت اسمها واكيد بتعرفونها لاني احسها متواجده بالمنتديات
النسائيه بس والله نصيحه يابنات كفايه خلطات وخرابيط والله كلها نصب واحتياااال
لو قعدت على شعري والله احسن من ذا الخلطات بس تجربه مريره واخذت درس منها
وووووبس ذا الحين خلاص احس جاني النوم سولفت وخلصت تصبحوا على خير