لا تتلمسهم لا تأكلهم لا تشيلها لا تغسلها مالها دخل بها

السلام عليكم
موضوعي عن تدخل الزوج بالخدم
انا عندي خدامه طبعا للتنظيف فقط حتى الطبخ و بناتي انا مسؤله عنهم
لكن تحد الظروف بعض الاحيان اكون مشغوله بالطبخ او اتحمم او ادرس بناتي
ولقافه من الخدامه تشوف بنتي يدينها وسخه تغسلها طيابه منها وتنازل منها ولا ماهو مطلوب منها هاالشي
ذاك اليوم كنت اكل ووسخت بنتي وبسرعه اخذتها وغيرتلها ولبستها حفاظه وبجامه
بدون ما اطلب انا منها والخدامه بنت الحلال طيبه وماعليها كلام
لكن نجي الزوجي استقعااد بكل ماتعنيه الكلمه
شي مو طبيعي اسميها نكد او تسلط مدري وش اقول عنه
المشكله هو شايل يده من اطفاله وماله دخل فيهم ابدااا
ويسافر من ديره الديره يتسيح مع اصدقائه
طيب انت اجلس عند اطفالك ودارهم واهتم فيهم مو كل شي على راسي واذا المسكينه الخدامه تنازلت وساعدتني تعصب وتهاوشها وتقولها لاتدخلين في بيبي البيبي بس ماما تهتم فيهم
حتى مستوصف او موعد اذا بروح يقول ماتحطينهم عند الخدامه تاخذين بزرانك معك الخدامه للتنظيف وبس وانا معاه والله بكن فيه ايام تضطرين ودك تروحين موعدك الحالك مو تاخذينهم كلهم للمستوصف وبنتي الصغيره تخاف من المستوصفات وبس تصيح وازعاج يصير الجو متوتر حتى لو اخذت الخدامه معي تساعدني مو نفس اذا صارو بالبيت عند التلفزيون
زوجي مررره منكد علي بالموضوع امس ادرس بناتي المهم واقول للخدامه تشيل بنتي عمرها سنتين توكلها وانا جالسه ادرس بناتي وينهببببل وليش هي توكلها هاذي شغلتك انتي تتركين التدريس 10 دقايق وتوكلين البنت ثم ترجعين تكملين والله ثم والله ان شفتها لامسه بزراني لاارجعها المكتب تسمعين ولالا وهواش وجو متوتر ومعصب
لا وقبل شوي اول ماجا من دوامه يقولي ريحت بنتك شغالات
ان الله وانا اليه راجعون
هو وش يبي ياصله بالضبط يبي يطفشني عشان ارجعها للمكتب لانه مرره متحسف انه جابها ولا وش يبي بالضبط
لا وكله كوم ثاني اذا رجع من دوامه اقول للخدامه ارجعي غرفتك لا تكملين شغلك الا اذا بابا طلع ثم هو ينرفز انا ما اشوفها تنظف انا بس اشوفها بغرفتها جالسه
اقوله خلصت تنظيف ورجعت غرفتها وش ابي فيها مقابلتنا بدون شغل ثم يرد شفتي ان جيبتها غلط انتي قلتيها بالسانك مافيه شغل يعني استقعاد يا اخواتي بكل ما تعنيه الكلمه
ابلشني قسم بالله مادري متى بيركد