من شهرين كان موعد تطعيم طفلتي و كانت تبلغ من العمر شهرين
المهم رحت فيها للمستوصف و سمعت ان ممكن ترتفع حرارتها عند التطعيم فا قلت خل ادخل على الطبيبه قبل لا اوديها مكان التطعيم علشان تكتبلي على ( ادول ) تحسبا لارتفاع الحراره لا سمح الله .. المهم رحت و خذيت ورقة بها رقم الدور .. و جلست مكان الانتظار و عندما ظهر رقمي على الشاشة دخلت الغرفة و اذا بالطبيبة جالسة و قلت لها اريد ادول لابنتي لأني ابي اطعمها الحين .. و قالتلي اوكي مو مشكلة .. اكتبت على الكمبيوتر الوصفة و قالت لي اخذي الرقم اللي معاج و عطيه الصيدلية يعطونج الدواء .. خرجت من عندها و رحت خذيت الدواء .. مكتوب عليه ( 5 مل عند اللزوم ) و رحت بعدها طعمتها .. قالتلي الممرضة لا تعطينها الرضعة قبل نصف ساعة و عطيها ادول نصف قطارة ! قتلها بس ما عطوني قطارة مع الأدول .. شنو اسوي ؟ قالتلي وريني ! و يوم وريتها قامت اتطق على راسها و تقولي شنوووووووووووو هذاااااااااااا حسبي الله و نعم الوكيل .. هذا الادول مو لعمرها بنتك اصغيره و هذا حق سنة و ما فوق .. و الادول للأطفال شكله غير و معاه قطارة و المفروض تاخذ 0.5 مل مو 5.0 مل ... يعني كنت راح اعطيها 10 اضعاف الكمية .. يعني باختصار انتحار ..
انا طبعا تخربطت و من الصدمة ما عرفت شنو اسوي !
والله و مسكينة راحت معاي حق الصيدلية اللي بالمستوصف و قالتلها على السالفة .. جان اتقول الصيدلانية .. و انا شنو ذنبي الدكتورة كاتبه هالوصفة .. يعني اطلعت الدكتورة غلطانة .. نست اتحط فاصلة قبل الخمسة علشان اتصير نص .. و اكتبت خمسة بدون فاصلة و جذي صارت خمسة كاملة ... و للأسف من كثر ما كنت مصدومة حتى ما رجعت للدكتورة و حاسبتها ...
بس ما اقول الا الحمدلله اللي الله سخر لي هذي الممرضة والا جان الحين الله يعلم شنو صار
... طبعا انا ما اقول لا تثقون فيهم نهائيا .. بالعكس اهم دارسين و اعرف منا بمجالهم .. لكن بالأخير اهم بشر و معرضين للخطأ !
و بالنهاية هذي قصتي للعبرة و اخذ الحذر
و يا ريت اللي عندها سالفة بهالخصوص تكتبها لنا علشان ناخذ العبر و ننتبه اكثر
ريانة @ryan_1
عضوة جديدة
هذا الموضوع مغلق.
غاااااااايه
•
الحمدلله اللي حفظ طفلتك بس انت غلطت بعد لما مارحت للدكتورة وقلت لها عن هذا الخطأ الكبير لأنه ممكن يتكرر نفس الشي مع أطفال آخرين فنصيحه لازم ترجعين وتنبهينها لأن مو كل مرة تسلم الجرة
ريانة
•
اختي غاااااااايه اشكرج على المشاركة .. و فعلا انا لغاية الآن متحسفة ليش ما رجعت للدكتورة .. و المشكلة بنتي باقيلها كم يوم و يكون موعد تطعيمها الثاني اللي عند الشهر الرابع و خايفة تصير نفس الغلطة .. بس انشالله اذا لقيت نفس الدكتورة ما راح اسكت و راح اقولها .. و الله كريم
بانتظار مشاركات باقي الأخوات :)
بانتظار مشاركات باقي الأخوات :)
ريانة
•
اختي ورود المحبة : شكرا لج على هذي المشاركة القيمة .. و الله ستر والله .. خصوصا ان درجة الحرارة كانت 40 والله مو شوية .. الحمدلله على كل حال .. و الله مشكلة هالدكاترة .. خصوصا اذا ما كان لهم نفس و يبون يمشون المريض بأي شكل ... عموما هذي دروس لنا يا الأمهات علشان ما نعتمد و نثق فيهم ثقة عمياااااااااااااء
بانتظار باقي المشاركات :)
بانتظار باقي المشاركات :)
مارية7
•
السلام عليكم ورحمة الله
ممكن أشارك؟؟؟؟؟؟
أمزح
القصة اللي عندي حضرتها شخصيا
انا كنت نايمة في المستشفى ببنتي وهي ما كملت اسبوع وكان عندها صفرة
المهم وانا نايمة والساعة تقريبا 4الصباح الا سمعت حركة في الغرفة ولقيت الممرضات رايحين وجايين ويجهزون سرير ثاني
وشوي الا جايبين طفل عمرة سنة ونصف ومعاه ابوه وامه مموتة نفسها من البكي واللي عرفته بعدين من كلامها مع اهلها في التليفون ان الولدكان عندة حرارة ويوم ودوه المستشفى لقوه زحمة طلعوا وراحوا مستوصف خاص قال لهم الدكتور ان عنده التهاب وعطاه دوا مكتوب عليه نصف ملعقة بدل نصف مل يعني اضعاف الكمية ويوم ارجعوا البيت وجات الأم تعطيه الدوا قالت لأبو مو كن الكمية كثيرة عليه قال لها انتي ادرى ولا الدكتور اللي كاتبه ،الأم عطته الدوا وبعد دقايق الا الولد لونه انخطف وقلبه قام يدق بسرعة 200/د طبعا ركض ودوه المستشفلى وسووله غسيل معدة واسعافات ليما تحسن وامه على طول كان تقول كان راح الولد من ايدينا
اسفة للاطالة بس هذا اللي حصل معي
يعني الأم كمان لازم يكون عندها حرص انها تقرا الورقة اللي مع الدواء قبل تستعمله سواء لها او لطفلها لتعرف استعماله والجرعة المناسبة
ومع السلامة
ممكن أشارك؟؟؟؟؟؟
أمزح
القصة اللي عندي حضرتها شخصيا
انا كنت نايمة في المستشفى ببنتي وهي ما كملت اسبوع وكان عندها صفرة
المهم وانا نايمة والساعة تقريبا 4الصباح الا سمعت حركة في الغرفة ولقيت الممرضات رايحين وجايين ويجهزون سرير ثاني
وشوي الا جايبين طفل عمرة سنة ونصف ومعاه ابوه وامه مموتة نفسها من البكي واللي عرفته بعدين من كلامها مع اهلها في التليفون ان الولدكان عندة حرارة ويوم ودوه المستشفى لقوه زحمة طلعوا وراحوا مستوصف خاص قال لهم الدكتور ان عنده التهاب وعطاه دوا مكتوب عليه نصف ملعقة بدل نصف مل يعني اضعاف الكمية ويوم ارجعوا البيت وجات الأم تعطيه الدوا قالت لأبو مو كن الكمية كثيرة عليه قال لها انتي ادرى ولا الدكتور اللي كاتبه ،الأم عطته الدوا وبعد دقايق الا الولد لونه انخطف وقلبه قام يدق بسرعة 200/د طبعا ركض ودوه المستشفلى وسووله غسيل معدة واسعافات ليما تحسن وامه على طول كان تقول كان راح الولد من ايدينا
اسفة للاطالة بس هذا اللي حصل معي
يعني الأم كمان لازم يكون عندها حرص انها تقرا الورقة اللي مع الدواء قبل تستعمله سواء لها او لطفلها لتعرف استعماله والجرعة المناسبة
ومع السلامة
ريانة
•
مارية7 : لا حول ولا قوة الا بالله ... نفس قصتي تقريبا بس انا الحمدلله اني ما عطيتها هالكمية يعني الله سترها معاي ..... والله مشكله هالأطباء :(
شكرا لج على مشاركتج :)
شكرا لج على مشاركتج :)
الصفحة الأخيرة