😢لا تجرحيني الي فيني كافيني💔

بسم الله الرحمن الرحيم..
السلام عليكم و رحمه الله وبركاته..
زوجة اب شريره او طيبه ما رح نختلف ...
لان الشريره موجوده والطيبه موجوده ....
بس حبيت اوجه رساله لكل وحده تهاجم زوجة اب عندها مشكله مع عيال زوجها او زوجها وتعين نفسها محامي وتسب وتتحسب سلامات ليش ..المنتدى مليان مشاكل وهيه عندها مشكله عندك حل قولي ما عندك افضل تسكتي ولا تردي وتجرحي انسانه لا شفتيها ولا عرفتيها .💔.
احب اوضح زوجت الاب مثل كل حرمه تحب زوجها ايدللها ويسعدها تحب تعيش لحظات حب رومانسيه معه هذا من حقها ليش بحجة عياله تنحرم من حقها يعني انت ما تستمتعي مع زوجك متعيش لحظات ود وحب ليش حلال عليك وحرام عليها امهم رمتهم ورحت تدور على الحب مع اخر ومتهنيه وهيه ممبتليها محسوب عليها كل شي ليش تجلدونها لذنب ما سوته بغض البصر انه فيهم ايتام الكن الاغلب امهماتهم عايشين ومبسوطات عند ازواجهن وزوجة الاب محرومه من كل شي .
خلك مكان زوجة الأب ما بنتكلم عن الشريره لان ما تخلى الحياه من ناس قاسيه ..
لكن تزوجتى انسان كان متزوج وعنده اطفال تحطي في بالك انك تعاملهم زين وبتخليهم في عيونك شوفي ايش الردود والهجوم ال يجيك انت بتضحي من وقتك واشياء كثيره من حقك لا سفر والا وقت كبير يجمعك مع زوجك الا القليل من بداية زواجك لا شهر عسل ولا يحزنون تستلمي عيال ماهم عيالك واحتسبي اجرك على الله .. لكن هذي تضحيه مش محسوبه عليك وبعد تكوني مهاجمه ونكره في عيون اهل زوجك وعياله ولو تقبولك عياله فيه من الي ايقسي قلوبهم عليك ويغيرهم ويحرضهم لفتعال المشاكل..
هيه داخله حرب نفسيه من كل الجوانب ..زوجها ايراغب كلامها تصرفاتها مع عياله ولو بدرمنها اسلوب عفوي تحاسب ويساء فهمها ..
يا اختي بالله ايش تستفيدي من ردودك الجارحه غير انك كسرتي بخاطرها😢 وكسبتي اثم انت ناقصه اثم وذنب ..


الحياه حلوه بتضحيه ولاخلاص لكن هل جزاء الاحسان الا الاحسان...
وانا اسفه لكن كلام ودي وبخاطري اقوله وقلته ونرجو السموحه ..رمضان قرب الله يغفر لنا ولكم ويثبتنا على دينه ويحسن خاتمتنا ..ويرزقنا حفظ كتابه ويجعلنا من اهل الخير قول وفعل ويغسل قلوبنا من الحقد والحسد ..ويبدلها بالحب والعطاء اللهم امين وصل الله وسلم على سيدنا محمد .❤❤❤