لا تجيبي عيال اذا انتي مو قدها
ترى الامومة مو في مأكل وملبس
اكبر بكثير
وربي احزن على الاطفال المهملين
انا عمة وعندي عيال اخوان
يا بنات من عمر ست شهور
مشروبات غازيه وحلويات ووجبات سريعه وربي حرام
ما بغيت اتدخل كنت اتضايق من تربيتهم الخاطئه
ترى الاطفال مسؤوليه
وصحتهم في خطر اذا استمر على هذا المنوال
وفي شي اعظم انهم تترك عيالها حبيس الاجهزة طفل من سنتين الى ثمان معاه جهاز خاص
وصلت فيهم حتى وقت الاكل ما يتركونه والام تاكلهم وهم في عمر يقدر ياكل بنفسه
نصحت امهاتهم ما يصير خلي يترك جهازه
هذا وقت اكل
وربي ي بنات ياكل وهو ما يدري شنو من كثر ماهو مركز يتابع و ي ليته يلعب كان نعذره ولكن يتابع مقاطع يوتيوب اكبر من عمره يالله رحمتك
و الام م تفكر تشيك عليه شنو يتابع اهم شي منشغل عنها اسالها شنو يسوي تقول ما ادري قلت طيب راقبتي تقول خليه بحاله !!
ي اختي تراه طفل فاهمه شنو ؟!
من بعدها فقدت الامل فيهم
صرت لم يجون عندي م اسمح اي احد يمسك جهازه صرت اخذهم نلعب برا واسوي لهم مسابقات
واقرا لهم قصص واعلمهم
واحفظهم بعض سور القران
صاروا بس من يشوفوني يتركون اجهزتهم ويركضون يمي
ليه؟ لاني خصصت وقت لهم ،
تحسبون اطفالكم مستانسين على الاجهزة لا والله
ولكنه وحيد يحتاجك
يغطي فراغه، حاله حال الكبار
بتقولون الام مشغوله
ولكن الطفل له اهميته من وقتك
وفي كثير منكم ربات بيوت
ولكن تشوف وقتها اثمن من تقضيه مع طفلها
وفي من اللي اعرفهم كل شوي تتشكى من الاطفال وانهم هم وغم ولا تتزوجين لا تفكرين تخلفين بدري وكلام يغث
من متى صاروا الاطفال هم ؟
الاطفال مو اداة لسعادتك وهذا اللي نلاحظه ب اول سنتين من طفلها تحصلها مستانسه فيه وبعدها لا بدا يمشي خلاص صار ولدها ممل
ليه ما تكوني انتي سعادته مو العكس
خلاص طفلك مشى يعني كبر؟
عندي عيال اخوان من مشى وهو من يصحي لين حزه نومه وهو عندي
تقولون امه تسال!
لا ، ليش؟
خلاص طفشت منه،
للاسف
اتمنى اي ام الان تشوف عيالها
واللي تترك اولادها على الاجهزه
بس يوم بس يوم خصصيه لهم بس اجلسي معاهم سولفي اسالي العبي تقولين صغير، م يفهم
الا يفهم واكثر مما تتوقعون بس ما يتكلم
وبالنسبه للموضوع هذا
في اطفال يكمل خمس سنوات ما يعرف الا ماما وبابا وكم كلمه
لعلمكم ي امهات في هذا العمر الطفل يكون جمل ف اذا لاحظتي طفلك لا يتقن ف هذه مشكلتك
لانك ما تتكلمين معاه !!
بالنهايه نصيحة لكل أم
الامومة مسؤولية وحمل التسع شهور
اللي تفكرين انه انجاز هذا شي لابد منه
ولكن مهمتك الاعظم هي تربيته تربية صالحه لينفع هذه الامة
ياكلون من البقاله اذا عجزانه وشافتهم جيعانين قالت والله اليوم ماتغدا روحو جيبو له بطاطس😏
الله يعينها ويصلح حالها بس الحمدلله امي الله يطول بعمرها ماتقصر معهم تناديهم وتاخذهم عندها يتغدون معاها ويتعشون معاها
وربي يهديها يارب