لا تحتارين يا حلوة ...... دام عندكم في البيت مره .....

السلالالالالالالالالالالالالالالام علييييييكم
شلونكم خواتي ..... انشالله طيبين ..... الحمد لله ...... :27:

بصراحة انا اليوم ودي اثير موضوع يمكن غافلين عنه بعض البنات الحلوات :27: .... المزيونات :19: ..... وطبعا انا كنت وحده منهم .....
طبعا يا بنات انا مابي اقص لكم قصة حياتي بس بقولكم يعني ...... نبذه مختصرة عنها .....

انا يا بنات الله يسلمكم كان { فعل ماضي } عندي بشرة يعني موتهبل الحمد لله كانت صافية و حلوة ..... بس اهملتها شوي بالفترة الاخيرة .... و عينكم يابنات ما تشوف الا النور :29: ... اسمريت وويهي صار شبه متروس من الحبوب خصوصا بمنطقة الخدود .... شريت لي جم كريم بس للاسف في تحسن بسيط جدا .... المهم ذاك اليوم قاعدةوضايق خلقي على ويهي وقاعدة افكر اي دكتور اروح ..... و فجأة مدري شلون جذي جان تطري على بالي { المره } قلت اي والله انا ليش ما اجربها خصوصا ان بنات وايد جربوها و الحمد لله استفادو منها .... و اقوم و انقعلي شوية مره ..... والله والحمد لله بفضل من رب العالمين حسيت ان ويهي قاعد يتحسن و قاعدة تخف عنه الحبوب شوي شوي ..... وطبعا مثل ما تعرفون يابنات الاشياء الطبيعية دايما تا خذ وقت ....... المهم يا بنات طبعا انا ادري انه لا عت جبدكم من نبذة قصة حياتي .... بس ما علي تحملوني اشووووي .....

انا اللحين استعمل المره بروحها يعني ما احط على ويهي اي كريم و احس ان بشرتي صارت جافة نوعا ما .... فقمت احط المره و عقب ما تنشف احط شويه كريم مرطب عليها ... عاد انا ما ادري اخاف ان الكريم يخرب على المره ...... فياريت اللي مجربة المره و مداومه عليها تقول لي علي اللي قاعدة اسويه صح و غلط .....

بعدين في وحده من الخوات الله يجزاها خير اذكرت انها تحط مع المره { محلب} فقمت وشريت المحلب فلما سألت الحواي عنه قالي انه وايد زين حق الشعر بس من اي ناحية ما ادري فياريت يا بنات اللي عندها فكره عنه اتفيدنا حق شنو زين للبشرة و الشعر لانه اخاف اخلطه مع المره يزيد شعر ويهي و انا مو ناقصه عاد ............

و ياريت بعد يا بنات اللي مجربه المره و استفادت منها تكتب لنا تجربتها معها عشان البنات بعد يستفيدون ..........



أأأأأأأأأأأأأأأأأأأأأأأأوووووووووووووووو سلامتكم و تعيشون

:26: