مدخل
آه لو تدري بحزني ولتياعي .. آه آه .. حين قالو اشرقت شمس الوداع آآآهاآه
وتخطت فرحة اللقيا كبرق .. آه ها آه .. وسمانا أظلمت بعد التماعي آه ها آه
آه
يا أخي ياشطر روحي .. يا شفاءً لجروحي
كيف صبري وجموحي .. خانني يوم الفراق آه آه
اهات وزفرات انثرها هنا
ياصغر الدنيا ويازوالها
ماتسوى شيء
ماتسوى نحزن عشان انحرمنا
ماتسوى نقهر عشان انظلمنا
ماتسوى نندم عشان خسرنا
دنيا زايله يااخوات والله زايله
ياالله نتمنى ونرسم احلام ونطمح ونبني
وفي لحظه نموووت
وفي لحظه ماكاننا عشنا بالدنيا لحظه ولا ثانيه
كل شيء صار ماضي وسراب ومستحيل يعود
حبايب قلبي لا تزعلون على الدنيا ولاتتكدرون عشانها
والله انها ماتسوى ..!
قصه صارت لجيران لنا ومعارف تخيلو ثلاث شباب في عمر الزهور
تعرفون وش يعني في عمر الزهور؟!
يعني يبنون ويطمحون وعايشين حياتهم
ودهم .. ودهم .. وودهم !.
لكن الموت داهمهم ..
واحد / عريس متزوج فرحان بعروسته اثث بيته استقر منتظر ذريته ..!
والثاني / على راس زواج حجز القاعه وعد عدة الزواج من إلى ....
واهله خيطوا الفساتين واستأجروا المطربه والكوفيره كل شي ..!
والثالث / متخرج دووبه من جامعته هالترم منتظر وثيقه فرحان بها
بيشوف عمره ويتوظف ويعيش ..!
(آآآآآه يابنات راحوا في غمضة عين الثلاثه توفوا بحادث)
الله يرحمهم ويغفر لهم ويصبر اهلم
ياصغر الدنيا والله انها ماتسوى شيء
راحوا وماتوا وتركوا الزوجه والشهاده والدنيا كلها
ماكأنهم حزنوا بالدنيا ولا أنحرموا ولا بكيوا ولا تنكدوا فيها
ماكأنهم عاشوا فيها دقيقه ..!
راحوا للاخره هذا اللي فاضل لهم من الحياه كلها
((رصيد اعمالهم ))
الشهاده مااندفنت معاهم؟!
الزوجه مااندفنت معاهم ؟!
الطموح مات وماعاد طموح ؟!
الدنيا كلها مااندفنت معاهم؟!
اندفنت معاهم اعمالهم طاعاتهم اجورهم
صلاتهم صيامهم ذكرهم وقيامهم ..!
متخيلين كيف الوضع كانوا يبنون لمية سنه قدام
وفي لحظه كل شيء انتهى وصار لاشيء
يارب لاتجعل الدنيا اكبر همنا ولا مبلغ علمنا ولا الى النار مصيرنا
يارب اشغل اوقاتنا بطاعتك
يابنات لاتزعلون على اي حرمان في الدنيا
ولا على اي فقد بالدنيا
زي ماتسعي ووتمني في الدنيا
اسعي وابني للاخره
زي مااتتمني الحصول على كل شيء بالدنيا لا تنسي الاخره
من جد الدنيا ماتستحق انكد عمري وازعل وانقهر عشانها
مصيري في يوم راح اخليها واتركها ومصير كل الناس انهم في لحظه يتركوها
عيشوا الدنيا كلها لله ازعلي عشان حرمانك للاخره لاتزعلين عشان حرمانك من الدنيا
ابني لاخرتك وانسي الدنيا راح تقبل عليك دام طموحك للاخره
اللهم اني اعوذ بك من زوال نعمتك وتحول عافيتك وفجأة نقمتك وجميع سخطك
اللهم اني اسالك عيش السعداء وموت الشهداء والحشر مع الاتقياء ومرافقة الانبياء
يارب حسن خواتيمنا يارب ردنا اليك ردا جميلا يارب هون علينا الموت وسكراته والقبر وظلماته
يارب توفنا وانت راض عنا يارب اغفرلنا وارحمنا برحمتك
مخرج
يا الاهي جود علينا .. بلقاء يحتوينا
مره اخرى يحتوينا .. وحبنا في الله باقي آه ها آه
فاذا وثبت لحدي اقضي الايام وحدي
تمم اللهم سعدي .. باللقى يوم التلاقي آه ها آه
معلمة أحياء @maalm_ahyaaa
عضوة فعالة
يلزم عليك تسجيل الدخول أولًا لكتابة تعليق.
اللهم اني اعوذ بك من زوال نعمتك وتحول عافيتك وفجأة نقمتك وجميع سخطك
اللهم اني اسالك عيش السعداء وموت الشهداء والحشر مع الاتقياء ومرافقة الانبياء
اللهم اني اسالك عيش السعداء وموت الشهداء والحشر مع الاتقياء ومرافقة الانبياء
الصفحة الأخيرة
الله يرحمهم ويغفر لهم