ممممممممممممممم انا وحيده على شباب بس سبحان الله مااحس باللي تحسونه يمكن لاني اشتغل وصديقاتي معرفتي فيهم قويه وغيره اطلع واغير جو يعني ماني حاكره نفسي بجو البيت وحمدالله علاقتي بامي قويه وحاليا مرة اخوي الله لايغير علينا

اللي ماتعرف بنات تتعرف على بنات بالمنتدى ماشاء الله وايد محترمات وخلوقات وبعدها لمن تتعرفين عليهم عدل طلعي معاهم قروبات غيري جو معاهم

حنا 3 خوات ورى بعض مابيننا شي وتحتنا صغيره ام 12 سنه

بس والله العظيم اني اعيش بنفس وضعك واردى
تزوجت وسكنت بعيد شوي عنهم وصرت وحيده بجد
لااهل ولاصديقات ولاقرايب عندي
مقطووووووووعه بهالديره مالي الا اهل زوجي
اتعبر فيهم وازورهم لاضاق صدري وكنا مثل الخوات مع بعض وحاسبتهم اهلي وماكان عندي مشكله بالرغم من اني ماعرف الا هم بس
بس للاسف تغيرنا على بعض عقب عشره 7 سنوات مثل الخوات وتخيلي عاد شعوري وصدمتي
صرت لحالي ماعاد فيه احد لي خير شر

مجروحه مره ومتضايقه وتنكدت عيشتي
حاولت اصلح العلاقات بس ماقدرت لاني انجرحت منهم ومانسى انا
ولابغيت اضحك تذكرت اللي بدر منهم وتضايقت

صرت اتحاشاهم ولااروح الا اسلم على خالي وخالتي وارجع :(

يعني قبل كنت لاهيه عمري معهم
والحين والله ان حالتي حاله قسم بالله اني بأزمه من الهم والضيقه
الدنيا ماعاد تاسعني من الضيقه

وحتى لارحت اهلي خواتي مارتاح مره معهم لانهم ماتزوجوا واصغر مني اللي بسنه ونص واللي 3
صح اعمارنا متقاربه بس مو شرط يكون مع كل الاخوات وئام وانسجام
اهتماماتهم وتفكيرهم غيري

وامي مريضه الله يعطيها الصحه ماهي يم احد

وبعدين انا اجلس شهرين مارحت لهم واذا رحت جلست اسبوع ورجعت مايمديني حتى اشوفهم زين

خليها على الله

الله يفرج همي وهمك

انا عندي خوات خمسه ماشاء الله كلهم بمدينه وحده مع اهلي
بس انا ساكنه في مدينه ثانيه
اول ماتزوجت حسيت اني غريبه لان اهل زوجي وبناتهم وحريم اولادهم واهلهن كلهم في نفس مدينتي
وجالسه بالبيت الى الان لي 7سنوات انتظر الوظيفه
واحساس الوحده يقتلني مره مع اني اجتماعيه ومحبوبه من الجميع ولله الحمد
بس الوحده احساس مؤلم جدا
وظغوط الحياة كثيره
الله يعينا ويفرجها لنا
ويوسع صدورنا يارب
وتذكري دايم
رب اخ لك لم تلده امك
ابحثي عن صديقه تكون لك عون واخت في الحياة

طيب ليش ما تتعرفين على جاراتك ولا زوجات اصدقاء زوجك

الله يعينك ويكتب لك الصحبه الصالحه الي تعينك على امور دينك ودنياك