لا تدخل فيا ولا اتدخل فيك. انتهى

مساء البرد والشتاء الحلو عليكم


ابا رايكم بالله
انا كل مرة امسك جوال زوجي ابا ارسل منو صور اوقات جوالي معلق او مافيه شحن ادخل من جواله على يوتيوب او مثلا موقع ازا بطلب اون لاين او حتى متصفح قوقل يعني مالي بمواقع التواصل حقته ماغير ادخل اشوف اغراضي واطلع


الزبدة ..
اليوم افتكرت مقاطع ولدي اول ما انولد لانها كانت بجوالي واتفرمت وراحت ف حنيت قلت خليني ارسل من جواله لجوالي قلتلو ابا جوالك ابا ارسل صور عالواتس حقي واخدت الجوال وفتحت الواتس وبدات ارسل
اقسم بالله نيتي ارسل الصور واقفل الجوال وانتهى
المهم اترسلت الصور والفيديو وطول الوقت هادا يقلي هاتي الجوال خلاص يكفي هاتي هاتي وبكل توتر اقسم بالله اني شكيت انو في شي
هاتي الجوال ابا اشوف ايش في رسايل هاتي بسرعة وقام يتنرفز ويتوتر وانا على ابرد ماعندي قلتلو اخلص الفيديو واعطيك. انا بالعنية سويت كدا عشان ابا اشوف ردة فعلو
المهم عصب مرة واتوتر وقام من السرير جلس وقال هاتي هاتي المهم انا عصبت خلاص لانها مو اول مرة يسويلي كدا المهم قلتلو الله يقطع يدي لو عاد طلبت جوالك وانتا لاعاد تمسك جوالي نهائي ولا لك دخل فيه ان شاءلله بترسل منو نقطه او تشوف شي مهم مالك دخل بجوالي ابدا.سار يتكلم بنرفزة انا ماقد مسكت جوالك ويزعق قلتلو احلف باللي يخليني لك ويخليلك امك ماقد مسكت جوالي وقد مسكت جوالي وجلست اسوي زيك كدا ؟ قام هدا شوية قال لا بس بنرفزة
قلت خلاص الله يقطع يدي لو عاد مسكت جوالك وانتا لا عاد تجي ناحية جوالي
سكتنا
بعدها ب دقيقتين قلتلو على فكرة انتا ب هادا الاسلوب تشكك الواحد فيك ترا
قام رمى جوالو في الارض وخرج من الغرفة
هيا بالله ايش رايكم
هل انا غلطانة ولا هوا منجد حركاته تشكك
علما بانو كل مرة امسك جوالو زي كدا يسويلي وكاني ماسكة قنبلة يجلس يحوس في نفسه ويتوتر
وقبلها كان حينام عالسرير وجوالي طاح ورا الدولاب روحت اخد جوالو شغلت الفلاش عشان اشوف جوالي المهم خرجت عالمطبخ بجوالو اجيب خشبة طويلة ما التفت ورايا الا الاقيه في المطبخ عندي جاي بسرعة يقلي ايش تبي تسوي .