السلام عليكم ورحمة الله وبركاته
كثير منكن يعاني من كيفية التصرف بالصامولي بعد مايفوت عليه يومين أو ثلاثة خصوصا العائلات الصغيرة فبعضكن تقوم برميه:mad: والبعض الآخر تتركه الى أن يعفن فترميه :44::09: والبعض الآخر تفرزنه فتمتلئ الثلاجة وتنحاس لكل من تعاني من من هذه المشاكل إليك الحل:rolleyes:
وهو حل مسميته اثنين في واحد:)
أول شئ تجيبن الصامولي اللي عندك وتطحنينه بالخلاط لين يتفتت ثم تجيبين زبدة وتفركين ااصامولي بين يديك فيه طبعا الكمية حسب الصينية اللي عندك ثم تقسمينه قسمين وتضعين القسم الأول ثم قشطة أولكر تخلطين معه قشطة التاج ليسهل دهنه ثم تضعين القسم الثاني ثم الى الفرن من تحت وفوق طبعا بس تحمير وبعد ماتتحمر تسقينها بالشيرة وتخلينها تقريبا عشر دقايق ومن ثم تقطعينها وزينيها بالفستق وبالهناء والعافية
ملاحظات
1/لماتخلطين الزبدة بالخبز لاتغرقينه لا خليه يتناثر مثل تراب الشاطئ اللي بلله البحر يعني رطب وهو يتناثرعساكن فهمتن<<<<< والله من زين الوصف
2/ممكن تطحنين كل كمية الصامولي اللي عندك وتعبينها بأكياس وتفرزينيها وقت الحاجة ..مجربته ممتازة وتوفر عليك وقت..
3/ممكن تحطين أي نوع قشطة بس اللي ذكرت أفضل شئ
4/ممكن تخلطين قشطة وجبن مالح المراعي وتصير مالح حلو
5/ماله داعي تشيلين البني اللي فوق الصلمولي وقت الطحن
6/اذا جربتوها وأعجبتكم ادعولي وادعولي لعيالي بالهداية
الى الصور من مطبخي
